San Lucas 6:23 - Bible in Tzotzil de Chenalhó with Deuterocanon

²³ Cuxetuc no'ox avo'ntonic ti c'alal jech ta xc'ot ta pasele, yu'un chavich'ic ep amotonic te ta vinajel. Yu'un jech ono'ox la spasic ec li smoltotaquic ta vo'onee; ep laj yuts'intaic li j'alc'opetique.

Tzotzil Zinacantan

²³ Junuc noꞌox avoꞌonic ti cꞌalal yech chcꞌote, yuꞌun lec ti cꞌusi chcꞌot ataic ta vinajele. Li muchꞌutic mu scꞌan sqꞌuel asatique jaꞌ onox yech ispasic ti smucꞌtatotic ti ta más voꞌnee. Abol sba ixchaꞌleic ti yajꞌalcꞌoptac Rioxe.

Bible in Tzotzil de Chamula

²³ Mu'yucuc c'usi xana'ic, muyubajanic ta j'ech'el ti jech c'ac'al taje yu'un ta xataic muc' ta matanal ti oy ta vinajele. Jech ono'ox laj spasbeic ti laj yilbeic svocol smolmuc'totic ti jnaclejetic li'e, laj no'ox yilbajinic ti j'alc'opetique.

LEQUIL ACH' C'OP

²³ Junuc no'ox avo'onic tajmec ti c'alal yech chc'ote, yu'un lec ti c'usi chc'ot ataic ta vinajele; ti much'utic mu sc'an sq'uel asatic lavie, ja' ono'ox yech ispasic ti smuc'tatotic ti ta más vo'nee, abol sba ixcha'leic ti yaj'alc'optac Rioxe.

Tzotzil San Andres

²³ Cꞌalal jech ta xcꞌot ta pasel ta atojolique, mu me xavat avoꞌonic. Muybajanic noꞌox yuꞌun toj lec li cꞌusi chcꞌot avichꞌic li te ta vinajele. Jech onoꞌox la spasic eꞌuc li smoltotic ta voꞌonee, ep laj yilbajinic li buchꞌutic iyalic scꞌop Dios ta voꞌonee.

Tzotzil de Huixtán

²³ C'alal hech chc'ot ti pasel, mu me xavich'ic mul. Nichimuc me avo'ntonic yu'un. A'yo me ava'yic, cha'ac'batic ep atojolic ti vinajel. Hech ono'ox i'ilbajinvanic ti statamolic ti vo'one lume. Ja' laj yilbajinic ti j'alc'opetic ti vo'one.

San Lucas 6:23 Iomraidhean Croise

2 Samuel 6:16

C'alal ic'ot ta Lum yu'un David li caxae, li Mical stseb Saule la sq'uel batel ta ventana. C'alal laj yil ti te xbitbun ch-ac'otaj tal ta stojol Muc'ul Dios li Davide, toj yanijel ic'ot yo'nton ta stojol li Davide.

1 Reyes 18:4

Yu'un c'alal ta ox smilan scotol yaj'alc'optac Muc'ul Dios li Jezabele, li Abdiase lic stsob li j'alc'opetique. Vo'vinic (100) la sta; la snac' ta chib nailch'en. Lajuneb yoxvinic (50) laj yac' ta jujun nailch'en. Ja' bat yac'be sve'elic, xchi'uc laj yac'be vo' yuch'ic.

1 Reyes 19:10

Jech itac'ov: “Toj nabal co'nton ta atojol Muc'ul Dios, vo'ot ti ech'em atsatsale. Yu'un li jchi'iltac ta israelale laj xa soquesic li c'usi chapanbil avu'une; laj xa sjinesic li scajleb amotone, xchi'uc laj xa smilic ta espada scotol li avaj'alc'optaque. Jtuc xa no'ox cuxulun, pero ta st'unicun yu'un tsc'an chismilicun ec”, xut.

1 Reyes 19:14

Itac'ov: “Toj tsots li'abtej ta aventa Muc'ul Dios, vo'ot ti ech'em atsatsale. Yu'un li jchi'iltac ta israelale laj xa soquesic li c'usi chapanbil avu'une. Laj xa sjinesic li scajleb amotone, xchi'uc laj xa smilic ta espada scotol li avaj'alc'optaque. Jtuc xa no'ox j'alc'opun, pero ta xa st'unicun yu'un tsc'an chismilicun ec”, xut.

1 Reyes 19:2

Li Jezabele la stac batel jun j'almantal ta stojol li Eliase, jech laj yalbe batel: “¡Oc'om jech ora chac li'i, me mu'yuc chamenot cu'un jech chac c'u cha'al laj amil li j'alc'opetique, tsots ac'o yac'bun jtoj li diosetique!”, xut batel.

1 Reyes 21:20

C'alal laj yil Acab te ic'ot li Eliase, jech laj yalbe: —¿Me tal ataun, cajcontra? —xut. Itac'ov li Eliase: —Ta sventa ti tal jtaot ta c'opanele, yu'un solel avac'oj aba o ta spasel c'usi chopol ta stojol li Muc'ul Diose.

1 Reyes 22:27

Xc'ot avalbeic ti vu'un ta jmantal ac'o stiq'uic ta chuquele. Jutuc no'ox xavac'beic sve'el xchi'uc vo' yuch', ja' to ti me lec tsotsun, me lec jun co'nton lisut tale —xi.

1 Reyes 22:8

Itac'ov li ajvalil ta Israele: —Oy to jun; xu' ta jac'betic c'usi tsc'an li Muc'ul Diose. Ja' Micaías, xnich'on Imla. Pero li vu'une stsoq'uet co'nton yu'un, yu'un mu'yuc ono'ox baq'uin xalbun c'usi lec chc'ot ta pasel. Puru chopolic c'usi chiyalbun —xi. Itac'ov li Josafate: —Ajvalil, mu xaval jech —xut.

2 Reyes 6:31

Tsots i'avan li ajvalile: “¡Tsots ac'o yac'bun jtoj Dios ti me mu'yuc la jc'ocbe sjol tana li Eliseo, xnich'on Safate!”, xi.

2 Crónicas 36:16

Pero ja' no'ox la stse'intaic c'usi i'albatic yu'un li boch'o tacbilic tal yu'un Diose. Mu'yuc stu laj ya'yic; la sna'leic li j'alc'opetic yu'unique. Ja' yu'un li Muc'ul Diose la sloq'ues sc'ac'al yo'nton ta stojol li steclumale; mu xa stac' poxtael o.

Nehemías 9:26

“Pero la sa'boxuc sc'ac'al avo'nton, la stoy sbaic ta atojol; la sva'lupatinic comel li amantaltaque. La smilic li avaj'alc'optac ti jamal i'albatic smulique, xchi'uc ti i'albatic ti ac'o suticuc tal ta atojole. Toj ven chopol li c'usi la spasique.

Salmos 58:11

Jech chlic yalic: “Ta melel xloc' venta ti tuc' co'ntontique; ta melel oy jun Dios chchapanbe smul li cristianoetique”, xiic.

Isaías 35:6

Li coxoetique xbitubajic no'ox liquel jech chac c'u cha'al te'tical chij; xcuxet no'ox yo'nton tsots chlic q'uejinicuc li uma'etique. Xchi'uc ta xlic loc'anuc ya'lel li taqui-xocol banamile; ta xlic xanoanuc ya'lel li sbajbajiltaque.

Jeremías 2:30

Altic no'ox laj cac'be nucul li anich'nabique, yu'un muc xtuq'uibic o, muc xlecubic o. Vo'oxuc laj amilic ta espada j'alc'opetic avu'unic jech chac c'u cha'al chmilvan li leonetique.

Malaquías 4:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta xa xtal li jun c'ac'al ti tstsan jech chac c'u cha'al hornoe. Scotol li jtoybaetique xchi'uc li boch'otic tspasic c'usitic chopole ja' jech chc'otic jech chac c'u cha'al taqui jobel. C'alal chtal li jun c'ac'al le'e chchic' scotol, chlaj c'alal ta yibel c'alal ta sc'obc'ob.

San Mateo 5:12

Cuxetuc no'ox avo'ntonic yu'un. Yu'un chc'ot ata ep amotonic te ta vinajel. Yu'un jech ono'ox laj yich'ic uts'intael ec li yaj'alc'optac Dios ti ba'yuc ijelov avu'unique.

San Lucas 1:41

C'alal laj ya'ay ic'opanat yu'un María li Isabele, tsots la xijilan sba li yol xchi'inoje. Li Isabele iventainbat yo'nton yu'un li Ch'ul Espiritue.

San Lucas 1:44

C'alal laj ca'ay laj ac'opanune, xcuxet no'ox yo'nton la xijilan sba li col jchi'inoje.

San Lucas 6:35

Li vo'oxuque tsc'an chac'anic li avajcontraique. Pasic c'usi lec. Ac'o ta q'uexel c'usi oy avu'unic, ac'o me mu'yuc c'usi chataic, jech cha'ac'bat ep amotonic ta vinajel. Jech chvinaj ti vo'oxuc xnich'naboxuc Diose. Yu'un li Diose ja' jech slequil yo'nton ta stojol li boch'otic mu sna' stojic ta vocole, ti chopol yo'ntonique.

Hechos 14:10

Tsots ic'opoj li Pabloe, jech laj yalbe li vinique: —Va'lan, tuc' xatec'an li avacane —xut. Ibituj li vinique, lic xanovuc.

Hechos 3:8

Ibit, va'al ic'ot, lic xanovuc. Te la xchi'inic ochel ta ch'ulna, te xva'vun, te xbitbun, chalilan batel slequilal Dios.

Hechos 5:41

Iloq'uic batel ta stojol li jchapanvanejetic ta ch'ulnae. Xcuxet no'ox yo'ntonic ti oy sc'oplalic yu'un Dios xu' chich'ic vocol ta sventa li Jesuse.

Romanos 5:3

Pero ma'uc no'ox le'e, xcuxet co'ntontic noxtoc ti c'alal chquich'tic vocole, yu'un ta jna'tic ti ja' chac'butic stsatsal co'ntontic li vocole.

2 Corintios 12:10

Ja' yu'un, ta sventa ti c'uxun ta yo'nton li Cristoe, jech xcuxet no'ox co'nton ti mu'yuc c'usi xu' cu'une, ac'o me chquich' labanel, me mu'yuc c'usi oy cu'un, me chquich' uts'intael, me toj ep jvocol ta sventa li Cristoe. Ta sventa ti mu'yuc jtsatsale, ja' oy lec jtsatsal; ep c'usi xu' cu'un.

Colosenses 1:24

Li' ta orae toj xcuxet no'ox co'nton ti chquich' vocol ta acojique, yu'un jech ta jts'acubtas ta jbec'tal ti c'u to yepal sc'an sts'aqui svocol Cristo ta sventa li steclumale, ja' li sbec'tale.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

Hebreos 11:26

Yu'un la sna' ti ja' epal c'ulejalil chc'ot yu'un li vocol chich' ta sventa Cristoe, ti ja' mu sta jech yepal chc'ot li sc'ulejal egiptoetique. Yu'un ja' te batem sat yo' bu oy li smoton chc'ot yich'e.

Hebreos 11:6

Yu'un me mu'yuc xch'unojel co'ntontique, mu xu' lec chijyilutic li Diose. Yu'un li boch'o chtal ta stojol Diose persa chch'un ti oy li Diose, xchi'uc ti ch-ac'bat smoton li boch'o ta sa'e.

Santiago 1:2

Quermanotac, cuxetuc no'ox avo'ntonic c'alal me chtal ep ta chop preva ta atojolique,

1 Pedro 4:13

Ja' tsc'an cuxetuc no'ox avo'ntonic, yu'un co'ol chavich'ic vocol jech chac c'u cha'al laj yich' vocol li Cristoe. Jech xcuxet no'ox avo'ntonic noxtoc ti c'alal tsta yorail chtal xchi'uc slequilal yutsilale.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 2:26

Li boch'otic tstsal yu'un scotole, ti jun yo'nton tspasic o c'usi ta jc'an c'alal to ta slajebe, ja' chcac'be tsots yabtelic ta sventa scotol cristianoetic ta jujun banamil jech chac c'u cha'al yac'ojbun cabtel li Jtote. Biq'uitic tslilinic ta vaston ti pasbil ta taq'uine, jech j'ech'el chvoq'uic o jech chac c'u cha'al bin.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.

Apocalipsis 3:12

Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.

Apocalipsis 3:5

Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil, xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.