San Lucas 6:21 - Bible in Tzotzil de Chenalhó with Deuterocanon

²¹ “Cuxetuc no'ox avo'ntonic vo'oxuc ti chavi'najic li' ta orae, yu'un ta to sta yorail chnoj ach'utic. “Cuxetuc no'ox avo'ntonic vo'oxuc ti cha'oq'uic li' ta orae, yu'un ta to xatse'inic.

Tzotzil Zinacantan

²¹ ’Voꞌoxuc ti abol abaic ta viꞌnal lavie, chavilic to ta tsꞌacal ti jun avoꞌonique yuꞌun chayacꞌbeic cꞌusitic chtun avuꞌunic ti Rioxe. ’Voꞌoxuc ti chaꞌoqꞌuic lavie, chavilic to ta tsꞌacal ti jun avoꞌonique yuꞌun jaꞌ chaspatbe avoꞌonic ti Rioxe.

Bible in Tzotzil de Chamula

²¹ “Yan yutsil ti vo'oxuc oy vi'nal ta xava'iique, ta xata liquel ti jun avo'ntonique. “Yan yutsil ti vo'oxuc ta xa'oq'uique, ts'acal to ta xlic muyubajanic.

LEQUIL ACH' C'OP

²¹ »Junuc no'ox avo'onic vo'oxuc ti chavi'najictoe yu'un ta sta yora ti chnoj ach'utique. »Junuc no'ox avo'nic vo'oxuc ti cha'oq'uic to lavie, yu'un ta ts'acal chatse'inic.

Tzotzil San Andres

²¹ ’Joꞌoxuc ti chaviꞌnajic li avie, chavilic ti xamuybajic noꞌoxe yuꞌun chaꞌacꞌbat aveꞌelic yuꞌun li Diose. ’Joꞌoxuc ti chaꞌoqꞌuic li avie, chavilic ti xamuybajic noꞌoxe yuꞌun jaꞌ chastsatsubtasboxuc avoꞌonic li Diose.

Tzotzil de Huixtán

²¹ ’Ho'oxuc ti chavi'najic ti ora to chavich'ic bendición. Ja' chanojesbat avo'ntonic. ’Ho'oxuc ti cha'oq'uic ti ora to chavich'ic bendición. Ti yan c'ac'al chatse'inic.

San Lucas 6:21 Iomraidhean Croise

Génesis 17:17

Li Abrahame la squejan spatan sba ta banamil. Itse'in ti c'alal jech la snope: “¿Me xu' to ta xnich'naj jun vinic ti yich'oj xa vo'vinic (100) jabile? Xchi'uc ¿me xu' to ta x'alaj li Sara ti yich'oj xa lajuneb yo'vinic (90) jabile?”, xi la snop ta yo'nton.

Génesis 21:6

Li Sarae jech la snop: “Li Diose laj yac' tse'incun. Ja' no'ox jech li boch'otic ta xa'yic ti oy xa cole ta stse'inic ec.

Salmos 107:9

Yu'un ja' chac'be ya'al li boch'otic taquin yo'ntonique; ja' chac'be lec sve'elic li boch'otic chvi'najique.

Salmos 119:136

Ep imal ya'lel jsat ta scoj ti mu'yuc chich' ch'unel o li amantaltaque.

Salmos 143:6

Ta jbech jc'ob ta atojol; taquin co'nton ta atojol jech chac c'u cha'al banamil ti toj taquine.

Salmos 17:15

Pero li vu'une, ta melel ta to jta ti bats'i lec noj jch'ut chicom oe, yu'un ta to jq'uelbot asat; ta to xital te ta atojol.

Salmos 28:7

Li Muc'ul Diose ja' stsatsal co'nton; la jch'un ta co'nton ti chiscoltaune, jech la scoltaun. Jech stse'in no'ox co'nton; xila'et no'ox ta sq'uejintabel slequilal.

Salmos 65:4

Toj xcuxet no'ox yo'ntonic li boch'o chat'uj, ti chavic' ta atojole, yu'un jech xu' te chtal nacluc ta yamaq'uil ana. Lec noj jch'utcutic o ta sventa li c'usitic lec te oy ta anae, ja' li ch'ulna avu'une.

Isaías 25:6

Li Muc'ul Dios ti ech'em svu'ele te ta vits Sión chchapan lequil ve'lil ta sventa li jujun banamile, xchi'uc chchapan pasem ya'lel ts'usub ti vo'one xa lec pasbile; toj lec muic li ve'lile xchi'uc toj lequic li pasem ya'lel ts'usube.

Isaías 30:19

Yajvaltac Sión, vo'oxuc ti te nacaloxuc ta Jerusalene, mu'yuc xa bu cha'oq'uic o. Li Muc'ul Diose chac'uxubajic ta yo'nton. C'alal cha'ay ti xa'avetic ta sc'anel coltaele, ta stac'boxuc ta ora li ac'opique.

Isaías 66:10

Cuxetuc no'ox avo'nton achi'uquic li Jerusalene; tse'inan no'ox achi'uquic vo'oxuc ti lec ac'anojique; cuxetuc avo'nton achi'uquic vo'oxuc ti ep laj avoc'taique.

Jeremías 13:17

Pero me mu xach'unique, ep chi'oc' ta mucul avu'unic. Ta xloc' ep ya'lel jsat; ta xc'uxub jsat ta oq'uel ta scoj li atoyobbailique, yu'un li xchijtac Muc'ul Diose ta xich'ic chuquel batel.

Jeremías 31:25

Ta xcac'be ep sve'elic li boch'otic lubenique; ta jnojesbe lec xch'utic li boch'otic ch-alubic xae”, xi li Muc'ul Diose.

Jeremías 31:9

C'alal ta sutic tale, x'oc' x'avanic tal, li vu'une ta xc'uxul co'nton ta xcac' suticuc tal. Te ta xquiq'uic tal ti bu oy lec vo'etique; ta tuq'uil be lec chtalic cu'un jech mu sbosi tal yacanic. Yu'un vu'un stotun li Israele, ja' sba jnich'on li Efraine.

Jeremías 9:1

¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Ezequiel 7:16

Li boch'o chjatovic batel ta anil ta vitsetic ti x'oc'oletic batel jech chac c'u cha'al stsumute, ta jujuntal te chlic chamicuc ta scoj smul stuquic.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

San Mateo 5:4

“Xcuxet no'ox yo'nton li boch'o ta x'oq'uique, yu'un ja' ta x'ac'bat smuc'ul yo'ntonic.

San Mateo 5:6

“Xcuxet no'ox yo'nton li boch'o jun ta vi'nal, jun ta taqui-o'nal cha'yic ti ac'o c'otuc ta pasel c'usi tsc'an yo'nton Diose, yu'un ja' ta snojesbat o xch'utic yu'un li Diose.

San Lucas 1:53

Li boch'otic chvi'najique laj yac'be ep c'usitic chtun yu'unic; yan li jc'ulejetique jeche' smeyoj sc'obic ibat yu'un.

San Lucas 6:20

Li Jesuse la sq'uel li yajchanc'optaque, jech laj yalbe: “Cuxetuc no'ox avo'ntonic vo'oxuc ti mu'yuc c'usi oy avu'unique, yu'un ja' avu'unic li ventainel yu'un Diose.

San Lucas 6:22

“Cuxetuc no'ox avo'ntonic me chasbajoxuc li cristianoetique, me chasnutsoxuc loq'uel, me chaxchopolc'optaoxuc, me chopol chayiloxuc ta jcoj vu'un ti Xnich'on cristiano lic'ote.

San Lucas 6:25

“Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

San Juan 11:35

Lic oc'uc li Jesuse.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 6:35

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

1 Corintios 4:11

Ja' yu'un oy jvocolcutic o ta vi'nal c'alal to tana. Oy jvocolcutic ta taqui-o'nal. Oy jvocolcutic ta scoj mu'yuc jc'u'cutic. Oy jvocolcutic ta majel. Mu'yuc jun jnacutic bu chinaquicutic o.

2 Corintios 11:27

Jech noxtoc toj ep jvocol ta tsatsal abtel, toj ep lubel, ep yavayel, ep vi'nal xchi'uc taqui-o'nal. Oy ep c'ac'al te quipanoj jba o. Toj ep jvocol ta sic; oy bu jeche' t'analun o.

2 Corintios 12:10

Ja' yu'un, ta sventa ti c'uxun ta yo'nton li Cristoe, jech xcuxet no'ox co'nton ti mu'yuc c'usi xu' cu'une, ac'o me chquich' labanel, me mu'yuc c'usi oy cu'un, me chquich' uts'intael, me toj ep jvocol ta sventa li Cristoe. Ta sventa ti mu'yuc jtsatsale, ja' oy lec jtsatsal; ep c'usi xu' cu'un.

2 Corintios 6:10

Ac'o me chalic ti chcat xa co'ntoncutique, pero scotol ora xcuxet no'ox co'ntoncutic. Ac'o me me'onuncutic chilic, pero ep xa boch'o la jpascutic ta jc'ulej. Ac'o me solel mu'yuc c'usi oy cu'uncutic, pero jtaojcutic scotol.

Santiago 1:12

Xcuxet no'ox yo'nton li boch'o ta xcuch yu'un li preva chtal ta stojole, yu'un me lec iloc' yu'une, ta xich' scorona sventa chcuxi; yu'un yaloj ono'ox Dios ta xac'be li boch'o sc'anojic Diose.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Apocalipsis 7:16

Mu xa xvi'najic, mu xa xtaquij yo'ntonic o; mu'yuc xa c'ux c'ac'al cha'yic, mu'yuc xa chiq'uil cha'yic.