San Lucas 6:17 - Bible in Tzotzil de Chenalhó with Deuterocanon

¹⁷ C'alal iyalic tal ta vits xchi'uc yajchanc'optac li Jesuse, te ic'otic ta stenlejaltic yo' bu oyic li yan xchi'iltaquique xchi'uc yan epal cristianoetic liquemic tal ta Judea banamil, ta lum Jerusalén, ta lum Tiro, ta Sidón, xchi'uc ta nopol ti'nab,

Tzotzil Zinacantan

¹⁷ Ti cꞌalal iyalic tal ta yoc vits xchiꞌuc Jesús li lajchavoꞌe xchiꞌuc ti muchꞌutic ixchiꞌinic ti cꞌalal iꞌay ta vitse, tey la lamal ep crixchanoetic cꞌot staic ta stentejtic. Oy la jlom liquemic tal ta estado Judea xchiꞌuc ta jteclum Jerusalén. Oy la jlom liquemic tal ta chib jteclum Tiro xchiꞌuc Sidón li ta stsꞌel tiꞌmare. Yuꞌun la ba yaꞌiic cꞌusi chal ti Jesuse. Iscꞌanic la etꞌesbel xchamelic noxtoc.

Bible in Tzotzil de Chamula

¹⁷ Ti Jesuse yalic talel ta vits xchi'uc ti yajchanc'optaque, vulic ta jun stenlejal. Ti bu taje, yepal tsobolic xa vul sta ti yajchanc'otaque, xchi'uc ti liquemic tal ta Jerusalene, ti oyic ta sjunlej yosilal ti Judae, ti liquemic tal ta ti' nab ti oyic ta Tiro xchi'uc ta Sidone, ti talemic ta ya'ibel sc'op ti Jesuse, yo' jech tal yac' sbaic ta colesel yu'un ti xchamelique.

LEQUIL ACH' C'OP

¹⁷ Ti c'alal iyalic tal ta vits xchi'uc ti Jesuse, tey ipajic ta yoc vits ta stentejtic. Tey lamal istaic li yan yajchanc'optaque, xchi'uc yantic crixchanoetic liquemic tal ta yosilal Judea, xchi'uc ta jteclum Jerusalén, xchi'uc ta chib jteclum ta Tiro, xchi'uc ta Sidón li' ta sts'el ti'mare.

Tzotzil San Andres

¹⁷ Cꞌalal iyal talel ta vits schiꞌuc li yajchanbalajeltac li Jesuse, schiꞌuc li buchꞌutic la schiꞌinic cꞌalal iꞌay ta vitse, te cꞌot staic ep crixchanoetic ta stenlejaltic. Te liquemic talel ta Judea balumil schiꞌuc ta jteclum Jerusalén, schiꞌuc ta chib jteclum Tiro schiꞌuc Sidón sbiic, te oy ta nopol tiꞌnab. Yuꞌun tal yaꞌibeic scꞌop li Jesuse schiꞌuc ta scꞌanic ti acꞌo coltaaticuc li ta schamelique.

Tzotzil de Huixtán

¹⁷ Iyal tal ti vits xchi'uc ti yajchanc'opetique ti Jesuse xchi'uc ti jayvo' ichi'inat c'alal i'ay ti vits. Te c'o sva'an sbaic ti bu stenlejal xchi'uc ti yajchanc'opetique. Hech yu'un te c'ot staic ti much'u yan tsts'acliat yu'une xchi'uc yan ep crixchanoetic. Talemic ti estado Judea xchi'uc ti jteclum Jerusalén xchi'uc ti chib jteclum Tiro xchi'uc Sidón, ja' ti te oyic ti ti'ti'nabe. Tal ya'ibeic sc'op ti Jesuse. Italic uc yu'un ac'o chopuc ti xchamelique.

San Lucas 6:17 Iomraidhean Croise

Salmos 103:3

Ja' chispasbun perdón yu'un scotol li jmule; ja' chiscoltaun ta sventa scotol c'usiuc no'ox c'ux chca'ay.

San Mateo 11:21

“¡Toj abul aba, lum Corazín! ¡Toj abul aba, lum Betsaida! Ti lajuc yilic la jpas sq'uelubil jtsatsal ec li yanlum cristianoetic te nacajtic ta lum Tiro xchi'uc ta lum Sidón ta vo'one jech chac c'u cha'al laj avilic la jpas li' ta atojolic li vo'oxuque, la sutes yo'ntonic yu'un smulic, la slapic c'u'il sventa at-o'nton, xchi'uc la sbon sbaic ta tanil c'oc' ti jechuque.

San Mateo 12:15

Li Jesuse la sna' li c'usi tsnopique, jech iloc' batel. Ep cristianoetic la xchi'inic batel. La scolta scotol li jchameletic te oyique.

San Mateo 14:14

C'alal iloc' ta canova li Jesuse, laj yil ti te xa tsobol epal cristianoetique, jech ic'uxubaj ta yo'nton, la scoltaan scotol li jchameletic te xchi'inojic tale.

San Mateo 15:21

Iloc' batel li Jesuse, ibat ta yosilal Tiro xchi'uc Sidón.

San Mateo 5:1

C'alal laj yil Jesús li epal cristianoetique, imuy ta biq'uit vits. Te c'ot chotluc. Te inopajic batel ec li yajchanc'optaque.

San Lucas 5:15

Pero yo'to ech'em ipuc sc'oplal li Jesuse. Bats'i ep cristianoetic italic ta stojol, yu'un tsc'an cha'ibeic sc'op, xchi'uc tsc'an ac'o colicuc ta xchamelic.

San Lucas 6:12

C'alal jech ic'ot ta pasele, ja'o yorail bat sc'opan Dios ta vits li Jesuse. Sbejel ac'ubal te la sc'opan Dios.

San Lucas 6:16

xchi'uc Judas, xnich'on Santiago; xchi'uc Judas Iscariote, ja' ti tsacal to lic yac' ta c'abal li Jesuse.

San Lucas 6:18

yu'un tal ya'ibeic sc'op li Jesuse, xchi'uc tsc'anic ti ac'o coltaaticuc ta xchamelique. Li boch'otic uts'intabilic yu'un pucujetique icolic noxtoc.