San Lucas 6:10 - Bible in Tzotzil de Chenalhó with Deuterocanon

¹⁰ Li Jesuse la sq'uel lec ta jujujot li boch'otic te setelique, jech laj yalbe li vinic ti xmoch'oj sba sc'obe: —Xach'o li ac'obe —xut. La xach' li sc'obe, jech ta ora ilecub.

Tzotzil Zinacantan

¹⁰ Ti Jesuse isqꞌuelbe la sat ti muchꞌutic tey chotajtique. ―Tuqꞌuibtaso li sniꞌtac acꞌobe ―xꞌutat la yuꞌun Jesús ti vinique. Istuqꞌuibtas la, lec xa la icom ti scꞌobe.

Bible in Tzotzil de Chamula

¹⁰ C'un to un, xjoyet sjol, laj sq'uel batel ti c'u yepal tsobolic ta stojole. Xi laj yalbe ti vinique: —Xach'o talel ti ac'obe. Ti vinique laj xach' batel ti sc'obe, lec xa com.

LEQUIL ACH' C'OP

¹⁰ Ti Jesuse isq'uelbe sat ti much'utic tey joyolique, xi iyalbe li vinique: ―Tuq'uibtaso li sni'tac ac'obe ―xut. Li vinique istuq'uibtas li sni'tac sc'obe, lec xa icom.

Tzotzil San Andres

¹⁰ Li Jesuse la sqꞌuelanbe satic li buchꞌutic te chotolique. Jech laj yalbe li jchamelajele: ―Tuqꞌuibtasano li sbicꞌtaltac acꞌobe ―xut. La stuqꞌuibtasan li sbicꞌtaltac sbatsꞌicꞌobe, icol ta ora li scꞌobe.

Tzotzil de Huixtán

¹⁰ Ti Jesuse laj sq'uelbe satic scotolic ti te nacajtique. Hech lic yalbe ti jchamele: ―Xach'o ac'ob ―xut. Ti ora ichop ti sc'obe. Laj xach' ti sc'obe.

San Lucas 6:10 Iomraidhean Croise

1 Reyes 13:6

Ja' yu'un li ajvalile jech laj yalbe li j'alc'ope: —Ach'ul vocoluc, c'opano li Muc'ul Dios avu'une yu'un ac'o lecubuc yan velta li jc'obe —xut. Li j'alc'ope la sc'opan li Muc'ul Diose jech ilecub yan velta sc'ob li ajvalile, jech icom jech chac c'u cha'al ono'oxe.

Salmos 107:20

Ja' no'ox la stac yalel tal sc'op li Muc'ul Diose, jech icolic; la scolta jech muc xlajic.

Marcos 3:5

Li Jesuse ilinem ti c'alal la sq'uel ta jujujot xocone. Laj yat yo'nton ta scoj ti toj tsots yo'ntonique, jech laj yalbe li vinique: —Xach'o li ac'obe —xut. Jech la xach' li sc'obe, ta ora icol.

San Lucas 6:11

Li boch'otic lec xchanojic smantal Diose, xchi'uc li fariseoetique ilic sc'ac'al yo'ntonic. Lic snopic c'usi ta spasbeic li Jesuse.

San Lucas 6:9

Li Jesuse jech laj yalbe li fariseoetique xchi'uc li boch'otic lec xchanojic smantal Diose: —Oy c'usi chajac'boxuc. Ta sc'ac'alil ta jcux co'ntontique ¿c'usi tsc'an ta jpastic? ¿Me tsc'an ta jpastic c'usi lec, o me ja' lec ta jpastic c'usi chopol? ¿Me xu' chijcoltavan, o me ja' lec chijmilvan? —xut.

San Juan 5:8

Li Jesuse jech laj yalbe: —Lican, balo batel apop, xanovan —xut.