San Lucas 5:14 - Bible in Tzotzil de Chenalhó with Deuterocanon

¹⁴ Li Jesuse jech laj yalbe batel mantal: —Mu me boch'o xavalbe ya'ay. Ja' no'ox bat ac'o aba ta ilel ta stojol pale. Ac'bo smoton Dios sventa chavac' aba ta lecubtasel jech c'u cha'al yaloj mantal li Moisese, jech chilic o ti colemot xae —xut.

Tzotzil Zinacantan

¹⁴ ―Mu me muchꞌu xavalbe yaꞌi ti voꞌon laquetꞌesbot lachamele. Jaꞌ noꞌox ba acꞌbo yil li palee. Acꞌbo smoton Riox chac cꞌu chaꞌal yaloj ti Moisese yoꞌ xilic o li jchiꞌiltactique ti lecot xae ―xut la echꞌel vinic ti Jesuse.

Bible in Tzotzil de Chamula

¹⁴ Ti Jesuse xi laj yalbe ya'i ti vinique: —Mi junuc mu'yuc buch'u xavalbe ya'ie. Ja' no'ox batan, ba ac'o aba ta ilel ta stojol ti palee. Ich'o batel matanal ta sventa ti amesel apoquel jech c'u cha'al ta xal smantal ti Moisese, yo' jech ta sna'ic scotolic ti mesbil pocbil xa ti achamele.

LEQUIL ACH' C'OP

¹⁴ Ti Jesuse tsots iyalbe: —Mu me much'u xavalbe ya'i ti vo'on laquet'esbot lachamele; Ja' no'ox ba ac'bo yil li palee, Ac'bo smoton Riox ta scuenta ti lecubtasbilot xae, chac c'u cha'al yaloj ti Moisese, yo' xilic o ti paleetique ti lecot xae ―xut ech'el vinic ti Jesuse.

Tzotzil San Andres

¹⁴ Li Jesuse jech laj yalbe nojtoc: ―Mu me buchꞌu xavalbe ti la jcoltaote. Jaꞌ noꞌox ba acꞌ aba ta ilel ta stojol li palee. Acꞌbo li smoton Dios jech chac cꞌu chaꞌal yaloj onoꞌox li Moisés ta voꞌonee, jaꞌ ta snaꞌic o li jchiꞌiltactic ti icol xa la achamele ―xut.

Tzotzil de Huixtán

¹⁴ Ti Jesuse hech laj yalbe: ―A'yo me ava'i, mu me much'u chavalbe ya'i. Batan, ba ac'o aba ti q'uelel ti stojol ti palee. Ac'bo smoton ti Diose hech chaj c'u che'el laj yal ti Moisese. Hech tsna'ic ti jchi'iltique ti nacol xae ―xut.

San Lucas 5:14 Iomraidhean Croise

Levítico 13:2

“Me oy boch'o ip cha'ay sital chamele, me chinetic, o me saclebtic sba snuculilic, o me c'a'al chin ti xu' chc'ot ta tsatsal chamele, ac'o bat yac' sba ta q'uelel ta stojol li pale Aarone, o me ja' ta stojol li yantic paleetic ti ja' xnich'nab li Aarone.

Levítico 13:49

me tsojtsojtic sba xyaxal chvinaje, bat ac'beic sq'uel li palee.

San Mateo 10:18

Ic'bil chabatic c'alal ta stojol ajvaliletic xchi'uc ta stojol muc'tic ajvaliletic, pero vu'un ta jcoj, jech xu' te cha'yic o batel jc'oplal, xchi'uc jech xu' te cha'yic o batel yanlumetic noxtoc.

San Mateo 12:16

Tsots laj yalbe batel ti mu me spucbeic batel sc'oplale.

San Mateo 8:4

Li Jesuse jech laj yalbe: —A'yo ava'ay, mu me boch'o xavalbe ya'ay. Ja' no'ox bat ac'o aba ta ilel ta stojol li palee. Bat ac'bo smoton Dios jech chac c'u cha'al yaloj ono'ox ta vo'one li Moisese, jech ta sna'ic o jchi'iltactic ti colemot xae —xut.

San Mateo 9:30

Ta ora ijam li satique. Tsots laj yalbe batel mantal ti mu me boch'o xalbe ya'yique.

Marcos 1:44

—Mu me boch'o xavalbe ya'ay. Ja' no'ox bat ac'o aba ta ilel ta stojol li palee. Ac'bo smoton Dios sventa chavich' lecubtasel jech chac c'u cha'al yaloj comel ta mantaletic li Moisese. Jech ta sna'ic o ti colemot xae —xut.

Marcos 6:11

Me oy bu mu xayotesoxuc, xchi'uc me mu sc'an xa'ay ac'opique, loc'anic batel. Lilino comel spucucal avacanic. Ja' sna'ubil yu'unic ti bajbil chcomic oe —x'utatic yu'un li Jesuse.

San Lucas 17:14

C'alal laj yil li Jesuse, jech laj yalbe: —Batanic, bat ac'o abaic ta ilel ta stojol li paleetique —xut. C'alal ja'o chanovic batele, icol scotolic.

San Lucas 5:13

Li Jesuse laj yac' sc'ob ta sbec'tal li jchamele, jech laj yalbe: —Ta jc'an ta jcoltaot. Colan cha'e —xut. Jech ta ora icol.

San Lucas 9:5

Ti bu junucal lum mu xasc'anoxuque, loc'anic batel. Lilinic comel spucucal avacanic. Ja' sna'ubil yu'unic ti bajbil chcomic oe —xi li Jesuse.