San Lucas 5:1 - Bible in Tzotzil de Chenalhó with Deuterocanon

¹ C'alal te oy ta ti'nab Genesaret li Jesuse, la stsin sbaic batel cristianoetic ta stojol, yu'un tsc'an cha'yic sc'op Dios.

Tzotzil Zinacantan

¹ Ti Jesuse tey la icꞌot ta tiꞌnab Genesaret tey noꞌox ta estado Galilea. Ep la istsob sba crixchano yoꞌ bu ti Jesuse. Snetꞌnetꞌ xa la sbaic echꞌel yuꞌun la tscꞌan chaꞌiic ti cꞌusitic chal ti Jesuse.

Bible in Tzotzil de Chamula

¹ Oy jun c'ac'al ti c'alal oy ta ti' nab Genesaret ti Jesuse, laj ya'i ti ta xnet'e yu'un ti epal jnaclejetic yo' ta xa'iic ti lequil ach' c'op yu'un ti Diose.

LEQUIL ACH' C'OP

¹ C'alal tey ta ti'nab ta Genesaret ta yosilal Galileae ti Jesuse ep crixchanoetic istsob sbaic ech'el, snet'net' xa sbaic ech'el yu'un tsc'an cha'iic li sc'op Rioxe.

Tzotzil San Andres

¹ Li Jesuse te icꞌot ta tiꞌnab ta Galilea balumil. Genesaret sbi li nabe. Li crixchanoetique toj ep la stsob sbaic talel li yoꞌ bu oy li Jesuse yuꞌun tscꞌan chaꞌiic li scꞌop Diose.

Tzotzil de Huixtán

¹ Hech yu'un ti yan c'ac'al te ic'ot ti ti'nab ti Jesuse. Genesaret sbi ti nabe. Inet'van tal ti crixchanoetique yu'un sc'an cha'yic ti sc'op ti Diose.

San Lucas 5:1 Iomraidhean Croise

Números 34:11

Xlic ta Sefám c'alal ta Ribla ta stuq'uil sloq'ueb c'ac'al yu'un Aín. Ts'acal te xyal batel noxtoc ta xocon nab Cineret ta sloq'ueb c'ac'al.

San Mateo 11:12

“C'alal lic stsac yabtel li Juan j'ac'vanej ta vo'e xchi'uc c'alal to tanae, li ventainel yu'un Diose tsots chich' uts'intael. Li boch'o ch-uts'intavanique tsc'an tscontrainic ta persa li ventainel yu'un Diose.

San Mateo 14:34

C'alal ic'otic ta jot nabe, te iloq'uic ta canova ta Genesaret.

Marcos 3:9

Ta scoj ti bats'i ep li cristianoetique, ja' yu'un li Jesuse laj yalbe yajchanc'optac ti ac'o chapaluc yu'unic li scanovaique, yu'un ja' te ta x'och ti c'u cha'al mu xnet'at yu'un li epal cristianoetique.

Marcos 4:1

Li Jesuse ichanubtasvan yan velta ta ti'nab. Bats'i ep cristianoetic ibatic ta stojol, jech i'och ta canova te ta ba vo', te ichoti. Yan li cristianoetique te oyic ta ti'nab scotolic.

Marcos 5:24

Jech la xchi'in batel li Jesuse. Solel net'el ibat li Jesuse yu'un te nabal ibat epal cristianoetic.

Marcos 6:53

C'alal ijelovic ta jot nabe, te iloq'uic ta canova ta Genesaret. Te la xchuquic ta ti'nab li scanovaique.

San Lucas 12:1

C'alal ja'o chlo'ilaj li Jesuse, la stsob sbaic tal ta stojol ep ta mil cristianoetic; te ta snet'ilan sbaic scotolic. Li Jesuse ba'yuc jech laj yalbe li yajchanc'optaque: “Q'uelo me abaic ta sventa svolesubil xch'ut pan yu'un li fariseoetique, yu'un ja' no'ox chlo'lavanic.

San Lucas 5:2

Li Jesuse laj yil chib canova ta nopol ti'nab. Li yajvaltaque ja' jtsacchoyetic, loq'uemic batel ta xchuq'uel snuti'ic.

San Lucas 8:22

Ta yan c'ac'al i'och ta canova xchi'uc yajchanc'optac li Jesuse. Jech laj yalbe: —Batic ta jot nab —xut. Jech ibatic.

San Lucas 8:23

C'alal ja'o chanov batel ta ba nab li canovae, ivay li Jesuse. Ja'o ital tsots muc'ta ic'. Bats'i tsots la syuq'uilan li nabe. I'och ep vo' ta yut li canovae, c'an xa ochuc yalel ta yut nab.

San Lucas 8:33

Li pucujetique iloq'uic batel ta yo'nton li vinique, bat ochicuc ta yo'nton li chitometique. Li chitometique i'anilajic yalel ta yalubaltic; te ibalch'ujic yalel ta nab, te ijic'ovic o.

San Lucas 8:45

Li Jesuse jech laj yal: —¿Boch'o la spicbun jc'u'? —xi. —Mu jna'cutic —xiic scotolic. Li Pedro xchi'uc li boch'otic te xchi'uque jech laj yalic: —Jchanubtasvanej, ja' chasnet'ilanicot ta jujujot li epal cristianoetique —xut.

San Juan 1:40

Li chibic ti co'ol laj ya'yic c'usi laj yal li Juane xchi'uc ti co'ol bat xchi'inic li Jesuse, oy jun yu'unic Andrés sbi; ja' yits'in li Simón Pedroe.

San Juan 6:1

C'alal i'ech' jayibuc c'ac'ale, li Jesuse ibat ta jot nab Galilea, ja' li Tiberias yan sbie.

Deuteronomio 3:17

Xchi'uc laj cac'beic li osil te ta Arabá, c'alal ta yoc vits Pisga ta stuq'uil sloq'ueb c'ac'ale, xchi'uc c'alal ta ti' uc'um Jordán, c'alal to ta nab Cineret, xchi'uc c'alal ta nab Arabá ti bu Nab Muerto sbie.

Hebreos 13:7

Na'ic me li boch'otic sventainojoxuc ti laj yalboxuc sc'op Diose. Q'uelo avilic c'usi lec la staic ta sventa li c'usi lec la spasique. Ja' chanbeic c'u x'elan li xch'unojel yo'ntonique.

Josué 12:3

Xchi'uc ja' sventainoj to'ox li Arabá c'alal to ta Nab Cineret ta stuq'uil sloq'ueb c'ac'al, xchi'uc c'alal to ta Nab Muerto ta stuq'uil Bet-jesimot, xchi'uc ta stuq'uil sur c'alal to ta yoc vits Pisga.

Josué 13:27

Xchi'uc ja' laj yich'ic scotol li stenlejaltic te ta Bet-nimra, Sucot, xchi'uc Zafón, ja' li scomelal bu to'ox sventainoj li Sehón, ajvalil ta Hesbone. Li yosilalique te xlic batel ta jot uc'um Jordán ta stuq'uil sloq'ueb c'ac'al, c'alal to ta xocon sur ta Nab Cineret.