San Lucas 4:18 - Bible in Tzotzil de Chenalhó with Deuterocanon

¹⁸ “Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

Tzotzil Zinacantan

¹⁸ Li voꞌone liꞌ xa xchiꞌinojon ti Chꞌul Espíritue ti jun xchiꞌuc ti Rioxe. Stꞌujojon ti Rioxe ti voꞌon chcalbe li muchꞌutic abol sbaic ta mulile ti xuꞌ chcacꞌ cuxlicuc ta sbatel osile. Yuꞌun coꞌol xchiꞌuc jchuqueletic ti tscꞌanic loqꞌuesele. Coꞌol xchiꞌuc maꞌsatetic ti tscꞌanic jambel satique. Coꞌol xchiꞌuc mozoiletic ti tscꞌanic loqꞌuesele.

Bible in Tzotzil de Chamula

¹⁸ “Ti Ch'ul Espíritu yu'un ti Cajvaltique, li' oy ta jtojole yu'un laj st'ujun, ta yalbel lequil ach' c'op ti buch'u abol sbaique, ta yac'bel jun yo'nton ti buch'u oyic ta vul o'ntone, ta yalbel spojel scolel ti buch'u chuculique, ta jambel sat ti ma'satetique, ta yalbel spojel scolel ti buch'u ilbajinbilic yu'un ti vocole,

LEQUIL ACH' C'OP

¹⁸ «Li Espíritu yu'un ti Cajvaltique li' ta jtojole, yu'un st'ujojon ta scuenta ch-calbe ya'iic lequil ach'c'op ti much'utic abol sbaique; tacbilon tal scuenta chcalbe ya'iic ti chich'ic loq'uesel ta chuquel ti much'utic chucajtique tal jambe sat li ma'satetique; tal jcolta li much'utic ilbajinbilique;

Tzotzil San Andres

¹⁸ Jaꞌ sventainojun li Chꞌul Espíritu ti junic schiꞌuc li Diose. Tꞌujbilun yuꞌun Dios yoꞌ ta xcalbeic ti ta xcꞌuxubinatic yuꞌun Dios li meꞌonetique. Li buchꞌutic ta xat yoꞌonique, tal calbeic ti ta jventa joꞌon ta stsatsubtasbat yoꞌonique. Li buchꞌutic ochemic ta jtunel yuꞌun li mulile, tal calbeic ti ta jventa joꞌon chloqꞌuic ta jꞌechꞌele. Li buchꞌutic maꞌsatetic yaꞌel ta scoj li smulique, tal calbeic ti ta jventa joꞌon ta xjam li satique. Li buchꞌutic chopol ta xꞌileique, tal calbeic ti joꞌon tal jcoltae.

Tzotzil de Huixtán

¹⁸ Ventaimbilun yu'un ti Ch'ul Espíritue, ja' yu'un ti Cajvaltic Diose. Laj xa st'ujun yu'un ti jcholbe ti lequil ach' c'ope ti much'utic uts sbaique. Laj xa stacun talel yu'un ti jmuc'ubtasbe yo'ntonic ti much'utic chich'ic mule, yu'un chcalbe ya'yic c'u che'el chcolic ti much'utic chucbilic yu'un mulile, c'u che'el chjam satic ti much'utic ma'satetique, c'u che'el chcolic ti libre ti much'utic chich'ic vocole.

San Lucas 4:18 Iomraidhean Croise

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

2 Crónicas 34:27

xchi'uc ta sventa ti ic'ot ta avo'ntone, ti laj abic'tajes aba ta jtojole, ti laj ali' ac'u' c'alal laj ava'ye, xchi'uc ti laj avoc'ta aba ta jtojole, jech ec li vu'une laj ca'ibot li ac'ope.

Salmos 102:20

Yu'un jech cha'ibe yoq'uel li jchuqueletique; jech tscolta li boch'otic chapanbil xa'ox chich'ic milele.

Salmos 147:3

Ta xpoxta li boch'otic oy svocol yo'ntonique; ta xpixbe lec li xtuch'emalique.

Salmos 2:2

Li ajvaliletic xchi'uc banquilaletic li' ta banamile tstoy sbaic; jmoj tsnopic ti tscontrainic li Muc'ul Diose xchi'uc li ajvalil st'ujoje.

Salmos 2:6

“Laj xa cac'be yabtel li ajvalil cu'une; laj xa jnacan te ta Sión, ja' li ch'ul vits cu'une”, xut.

Salmos 34:18

Li Muc'ul Diose nopol oy ta stojol li boch'o oy svocol yo'ntonique; tscolta li boch'o lajem stsatsal yo'ntonique.

Salmos 45:7

Yu'un ja' chac'an li c'usitic tuq'ue; ja' chacontrain li c'usi chopole, ja' yu'un la st'ujot li Diose, ja' li Dios avu'une. Laj yac'bot ep xcuxetel avo'nton; ja' mu sta jech ac'bilic li yantic achi'iltaque.

Salmos 51:17

Dios cu'un, ja' lec chavil, ja' amoton chc'ot chavil me ta jsutes co'ntoncutic ta atojole, me ta xcat co'ntoncutic yu'un li jmulcutique, xchi'uc me ta jbic'tajes jbacutic ta atojole.

Isaías 32:3

Lec viq'uil sat tsq'uelic li c'usi ch-ac'bat yilique; lec ch'anxi cha'ibeic sc'opic ec li boch'otic cha'yique.

Isaías 35:5

Jech ta xlic jamuc satic li ma'satetique; ta xlic jamuc xchiquinic li coquetique.

Isaías 42:7

Vo'ot chajambe sat li ma'satetique; vo'ot chaloq'ues tal ta chuquel li jchuqueletique; vo'ot chaloq'ues tal ti bu chuculic ta ic' osile.

Isaías 45:13

Vu'un laj quic' noxtoc li Ciroe yu'un ac'o stsal scotol; vu'un ta jtuq'uibtasbe batel scotol li sbee. Ja' ta xcha'va'an lec li lum cu'une; ja' ta scoltabun batel scotol li cu'untaque. Muc ta sventauc taq'uin, muc ta sventauc matanal ta scolta batel”, xi li Muc'ul Dios ti ech'em svu'ele.

Isaías 49:9

Yu'un jech xu' chlic avalbe li boch'otic chuculique: ‘Colanic xa’, xu' xavut, xchi'uc jech chavalbe li boch'otic oyic ta ic' osile: ‘La'ic ta sac osil’, xavut. Ta scotol bebetic ta staic tal lec sve'elic; ta buyuc no'ox vitsal ta xocol banamil tstabeic tal lec sve'el li sts'unub yovolique.

Isaías 50:4

Li Muc'ul Diose la sbijubtasun lec, yu'un jech ta jna' c'u x'elan ta jc'opan li boch'otic lubenique. Ta jujun sob chilic, ta xca'ay lec li bijubtasele; ch'anxichi ta jtuc'ulan lec.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Sofonías 3:12

Ja' xa no'ox ta jcomtsan ta atojol li boch'o lequic ti biq'uit yac'oj sbaique, ti ja' no'ox tspat yo'nton ta jtojol, vu'un li Muc'ul Diosune.

Zacarías 11:11

Ja' jech sc'ac'alil ilaj sc'oplal li c'usi chapanbile. Li chijetic ti oy svocolique te tsq'uelic li c'usi ta jpase, jech la sna'ic ti ja' Dios ic'opoj ta sventa li c'usi la jpase.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 11:5

Li ma'satetique ta xilic xa osil. Li coxoetique ta xanovic xa. Li jc'a'el chameletique icolic xa. Li boch'otic macal to'ox xchiquinique ijam xa xchiquinic. Li animaetique icha'cuxiic xa. Li me'onetique icholbat xa ya'yic li Lequil A'yeje.

San Mateo 12:18

“Li'i, ja' cajtunel, ja' li boch'o t'ujbil cu'une. Lec jc'anoj, xcuxet no'ox co'nton yu'un. Laj xa cac'be yich' li espíritu cu'une. Ja' chtal xchapan li jujun lume.

San Mateo 12:20

Mu ja'uc chtal xcha'c'as li aj ti voch'em xae, mu ja'uc chtal stu'p li mecha ti chtu'p xae, ja' chac'be spas canal li tuq'uil chapanel chaq'ue.

San Mateo 4:16

ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

San Mateo 5:3

“Xcuxet no'ox yo'nton li boch'o abul sba cha'yique, yu'un ja' chventainatic yu'un Dios.

San Lucas 4:17

Te i'ac'bat li balbil vun ti ts'ibabil comel yu'un j'alc'op Isaiase. C'alal la sjam li balbil vune, ja' te la sta ti bu jech ts'ibabile:

San Lucas 6:20

Li Jesuse la sq'uel li yajchanc'optaque, jech laj yalbe: “Cuxetuc no'ox avo'ntonic vo'oxuc ti mu'yuc c'usi oy avu'unique, yu'un ja' avu'unic li ventainel yu'un Diose.

San Lucas 7:22

Itac'ov li Jesuse: —Sutanic batel, bat albeic Juan li c'usitic laj avilique xchi'uc li c'usitic laj ava'yique: Li ma'satetique ijam xa satic; li coxoetique ta xanovic xa; li jc'a'el chameletique icolic xa; li boch'otic macal to'ox xchiquinique ijam xa xchiquinic; li animaetique icha'cuxiic xa; li me'onetique icholbat xa ya'yic li Lequil A'yeje.

San Juan 1:41

Ja' ba'yuc la sta ta c'opanel li sbanquile, ja' li Simone. Jech laj yalbe: —Laj xa jtacutic li Cristoe —xut.

San Juan 12:46

Vu'un luz c'otemun li' ta banamil. Scotol li boch'o ta xch'unicune mu xanovic ta ic' osil.

San Juan 3:34

Yu'un li boch'o ja' tacbil tal yu'un Diose ja' sc'op Dios ta xal, yu'un muc bisbiluc no'ox i'ac'bat li Ch'ul Espiritue.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

Hechos 4:26

Jmoj ta stsob sbaic li ajvaliletic li' ta banamile, xchi'uc li jpasmantaletique co'ol ta xchapanic ti tscontrainic li Diose xchi'uc li boch'o t'ujbil yu'une, ja' li Cristoe’, xi ono'ox.

Hechos 4:27

“Ta melel jech ic'ot ta pasel yu'un li' la stsob sbaic ta lum Jerusalén li Herodes xchi'uc li Poncio Pilatoe, xchi'uc li yanlum cristianoetique xchi'uc li israeletique. La xchapanic c'u x'elan ta scontrainic li Avajtunel Jesús ti tuc' yo'ntone, ti avac'ojbe svu'el yu'un jech voc'bil icom sventa avabtele.

Colosenses 1:13

Yu'un ja' la sloq'uesutic tal ta sc'ob li yajval ic' osile; laj yac'utic ta sc'ob li Xnich'on ti lec sc'anoje, yu'un ja' ac'o sventainutic.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.