San Lucas 3:8 - Bible in Tzotzil de Chenalhó with Deuterocanon

⁸ Tsc'an chavaq'uic ta ilel ti ta melel sutem avo'ntonique. Mu me jechuc xavalic: ‘Ja' jmoltotcutic ta vo'one li Abrahame’, mu me xachiic. Melel chacalboxuc, li Diose xu' yu'un ta sc'atejesbe ta smomnich'nab Abraham li tonetic li'i.

Tzotzil Zinacantan

⁸ Mi chavichꞌic voꞌe, jaꞌ tscꞌan ti jꞌechꞌel xavictaic spasel li cꞌusitic chopole. Mu me xanopic yech chac liꞌi: “Jaꞌ jmucꞌtatoticotic ti Abraame, yechꞌo un chicuxioticotic onox ta sbatel osil uc”, mu me xachiic. Chacalbeic, ti Rioxe xuꞌ tscꞌatajes ta smom Abraam li tonetic liꞌi.

Bible in Tzotzil de Chamula

⁸ Vinajuc ta j'ech'el ti oyuc slequil yutsil ti c'usi ta xapasique, ti sutemoxuc xa talel ta stojol ti Diose, ti ma'uc no'ox ti xi ta xavalique: ‘Ti vu'uncutique snitiluluncutic Abraham.’ Ta xcalboxuc ava'iic, ti tonetic li'e xu' ta xjoybij ta snitilul Abraham yu'un ti Diose.

LEQUIL ACH' C'OP

⁸ Aq'uic ta ilel ta acuxlejalic ti mi ta melel cha sutic tal ta stojol ti Rioxe, pero mu me xavalic yech chac li'i: “¡Li vo'oticotique ja' smomoticotic ti Abrahame!”; mu me xa chiic, yu'un ta melel chacalbeic, ti Rioxe xu' tsc'atajes ta smom Abraham li tonetic li'i.

Tzotzil San Andres

⁸ Pero scꞌan baꞌi xavaqꞌuic ta ilel mi avictaojic xa li cꞌustic chopol chapasique. Mu me xanopic: “Jaꞌ jmucꞌta moltotcutic ta voꞌone li Abrahame, jaꞌ jech ta onoꞌox xijcolcutic”, mu me xachiic. Chacalbeic, li Diose xuꞌ yuꞌun ta scꞌatajesbe ta snitilul Abraham li tonetic liꞌi.

Tzotzil de Huixtán

⁸ Ja' tsc'an ti primero chavac' ti q'uelel ti avabtelique mi melel ti sutem xa avo'ntonic yu'un ti amulique. Mu me hechuc chanopic ti avo'ntonic: “Ja' jtatamoltic ti Abrahame, hech yu'un chijcolucutic”, mu me xachiic. Chacalbe, ti Diose xu' tsc'atajes ti yelnich'on Abraham avi ton li'to.

San Lucas 3:8 Iomraidhean Croise

Nehemías 5:11

Pero ta jtojboxuc ta vocol, sutesbeic ta ora li yosilique, li ts'usubtic yu'unique, li olivatique, xchi'uc li snaic ti avich'ojbeic xae. Sutesbeic noxtoc me oy avich'ojbeic staq'uinic, strigoic, ya'lel sts'usubic, xchi'uc yaceiteic ta sventa sjol li c'usi la xq'uexboxuque”, xcutic.

Ezequiel 33:24

“Vo'ot xnich'on cristiano, li achi'iltac te nacajtic ta lumetic ta Israel ti jinesbilic xae, jech chalic: ‘Li Abrahame stuc to'ox, pero i'ac'bat yu'unin li banamil li'i. Li vu'utique eputic xa, jech vu'utic ono'ox cu'untic chcom o li banamil li'i’, xiic.

San Mateo 21:43

Ja' yu'un chacalboxuc, ta xloc' batel ta atojolic li ventainel yu'un Diose. Ja' te ta xbat ta stojolic li boch'otic lec tstuc'ulanique.

San Mateo 3:8

Ac'o vinajuc ta avabtelic me ta melel ti sutem avo'ntonique.

San Mateo 3:9

Mu me jechuc xanop ta avo'ntonic: ‘Ja' jmoltotic li Abrahame’, mu me xachiic. Chacalboxuc ava'yic, li Diose xu' yu'un ta sc'atajesbe ta smomnich'nab Abraham li tonetic li'i.

San Lucas 13:25

Jech chac c'u cha'al me laj xa smac sti' sna li yajval nae, me ts'acal to ta xtal atijic li ti'nae, jech chavalbeic: ‘Cajval, jambuncutic li ti'nae’, xavutic. Jech chayalboxuc: ‘Mu jna' bu liquemoxuc tal’, xayutoxuc.

San Lucas 13:26

Jech chlic avalbeic: ‘La jchi'inotcutic ta ve'el, ta uch' vo', laj achanubtasuncutic ta xoraltic cu'uncutic’, xavutic.

San Lucas 14:9

Xu' jech ta xlic yalboxuc li boch'o i'ic'vane: ‘Ja' ac'beic xchotleb li jchi'iltic li'i’, xayutoxuc. Jech xaq'uexetic xa ti c'alal chaloq'uic batel, chbat chotlanic ta slajeb chotlebale.

San Lucas 19:40

Li Jesuse jech laj yalbe: —Chacalboxuc ava'yic, me ta xch'abiic li jch'unolajeletic cu'une, ja' ta xlic avanicuc li tonetique —xut.

San Lucas 19:9

Li Jesuse jech laj yal: —Li' ta orae ivul xa coltael li' ta nae. Yu'un li vinic li'i ja' smomnich'on ec li Abrahame.

San Lucas 5:21

Li boch'otic lec xchanojic smantal Diose xchi'uc li fariseoetique jech la snop ta yo'ntonic: “¿Boch'o scuyoj sba li vinic li'i ti ta scuy sba ta Diose? Mu'yuc boch'o yan xu' chispasbutic perdón yu'un jmultic, ja' no'ox Dios”, xi ta yo'ntonic.

San Juan 8:33

Itac'ovic: —Vu'uncutic smomnich'onuncutic li Abrahame. Me junuc mu'yuc boch'o ochem ta mozoil cu'uncutic. ¿C'u yu'un jech chaval li vo'ote: ‘Jech chaloq'uic o ta mozoil’, xachi? —xutic.

San Juan 8:39

Itac'ovic: —Ja' jtotcutic li Abrahame —xiic. Li Jesuse jech laj yalbe: —Ti ja'uc atotic li Abrahame, ja' chapasic jech chac c'u cha'al la spas ti jechuque.

Hechos 26:20

Ba'yuc laj calbe ya'yic li boch'otic te nacajtic ta Damascoe. Ts'acal bat calbe ya'yic li boch'otic te nacajtic ta Jerusalén xchi'uc ta scotol Judea banamile. Ts'acal bat calbe ya'yic li yanlum cristianoetic ti mu xotquinic Diose, yu'un jech ac'o sutes yo'ntonic, ac'o suticuc tal ta stojol li Diose, jech xu' chlic spasic c'usi lec ta sventa ti sutem xa yo'ntonique.

Romanos 4:16

Ja' yu'un li smomnich'nab Abrahame ta sventa no'ox xch'unojel yo'ntonic xu' chc'ot ta pasel chich'ic li c'usi yaloj ono'ox Diose, yu'un jech ac'o vinajuc ti ta slequil no'ox yo'nton chac' li Diose. Ma'uc no'ox xu' chich'ic li boch'otic yich'ojbeic smantaltac Diose; ja' jech xu' chich'ic ec li boch'otic jech xch'unojic jech chac c'u cha'al li Abrahame, yu'un ja' totil ic'ot cu'untic jcotoltic.

Romanos 9:7

Jech noxtoc mu scotoluc smomnich'nab Abraham ti ja' mero smomnich'nab Abraham chc'otique. Yu'un jech ono'ox i'albat yu'un Dios li Abrahame: “Li xnich'nab Isaaque ja' amomnich'nab chquil”, x'utat.

Filipenses 1:11

Jech noxtoc ja' ac'o apasic li c'usitic tuc' ta pasele, ja' ta sventa Jesucristo xu' avu'unic, jech ch-ich'at ta muc', jech lec chbat sc'oplal avu'unic li Diose.