San Lucas 3:3 - Bible in Tzotzil de Chenalhó with Deuterocanon

³ Li Juane ixanov batel ta jujun banamil ta ti'ti' uc'um Jordán. Laj yalbe cristianoetic ti ac'o sutes yo'nton yu'un smulique, ti ac'o yich'ic vo'e, yu'un jech ta spasbatic perdón yu'un smulic.

Tzotzil Zinacantan

³ Ti Juane tey la iꞌechꞌ ta tsꞌel ucꞌum Jordán. ―Ictaic xa spasel li cꞌusitic chopole, ichꞌic voꞌ yoꞌ xayaqꞌuic o ta pertonal ti Rioxe ―xiulan la echꞌel.

Bible in Tzotzil de Chamula

³ Ti Juane ech' ta sjunul ti' uc'um Jordán bu oy ti jnaclejetique, ta yalbel ya'iic ti suticuc talel ta stojol ti Diose, xchi'uc ti yich'icuc vo' yo' ta xch'aybat smulic yu'un ti Diose.

LEQUIL ACH' C'OP

³ Ti Juane tey i'ech' ta ti'ti' uc'um Jordán, iyalbe ti crixchanoetique ti ac'u suticuc tal ta stojol ti Rioxe, ti ac'u yictaic spasel li c'usitic chopole xchi'uc ti ac'u yich'ic vo'e; yo' x'aq'ueic o ta pertonal yu'un ti Rioxe.

Tzotzil San Andres

³ Li Juane te ixanav batel ta tiꞌtiꞌ ucꞌum Jordán. Jech laj yal: ―Ictaic scotol li cꞌustic chopol chapasique, ichꞌic joꞌ jech chaspasboxuc perton yuꞌun amulic li Diose ―xi.

Tzotzil de Huixtán

³ Hech ixanav batel ti Juane te ti ti'ti'uc'um Jordán. Hech laj yal: ―Suteso me avo'ntonic yu'un amulic, ich'ic ho' hech chaxch'ayboxuc amulic ti Diose ―xchi.

San Lucas 3:3 Iomraidhean Croise

San Mateo 3:11

Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

San Lucas 1:16

Ja' ta sventa ta xlic sutes yo'ntonic ta stojol Dios ep achi'iltac li' ta Israel.

San Lucas 1:77

Tal avac'be sna'ic ti xu' tstaic coltaele, ti xu' tstaic perdón yu'un smulique.

San Lucas 4:1

Li Jesuse iventainbat yo'nton yu'un li Ch'ul Espiritue; iloc' batel ta uc'um Jordán. Ic'bil ibat ta xocol banamil yu'un li Ch'ul Espiritue.

San Juan 1:28

Ja' jech ic'ot ta pasel te ta Betania ta jot uc'um Jordán ti c'alal laj yac' ich' vo' li Juane.

San Juan 3:26

Jech ibatic ta stojol li Juane, jech laj yalbeic: —Jchanubtasvanej, li boch'o ital ta atojol le' ta jot uc'um Jordán ti laj avalbe sc'oplale, ta xac' ich' vo' ec. Scotol cristianoetic te ta xbatic ta stojol —xutic.

Hechos 13:24

C'alal mu'yuc to'ox chtal li Jesuse, li Juane la xcholbe ya'yic scotol jchi'iltactic ti ac'o sutes yo'ntonic yu'un smulique, xchi'uc ti ac'o yich'ic vo'e.

Hechos 19:4

Li Pabloe jech laj yalbe: —Li Juane laj yac' ich' vo' ta sventa ti sutem xa yo'ntonique. Laj yalbe ti ac'o xch'unic li boch'o ts'acal chtale, ja' li Jesuse —xi li Pabloe.

Hechos 22:16

Ja' yu'un li' ta orae, mu xamala jal; ich'o vo', ac'o ta poquel amul, c'anbo vocol ta stojol li Cajvaltique’, xiyutun li Ananiase.