San Lucas 24:44 - Bible in Tzotzil de Chenalhó with Deuterocanon

⁴⁴ Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

Tzotzil Zinacantan

⁴⁴ ―Ti cꞌalal jchiꞌucoxuc toꞌoxe, lacalbeic ti persa onox ta xcꞌot chac cꞌu chaꞌal stsꞌibaoj comel jcꞌoplal ti Moisese xchiꞌuc ti yan yajꞌalcꞌoptac Rioxe, xchiꞌuc ta svunal jqꞌuevujtic ―xꞌutatic la yuꞌun ti Jesuse.

Bible in Tzotzil de Chamula

⁴⁴ Ts'acal to un, xi laj yale: —Ti c'usi c'ot ta pasel ta jtojole, ja' jech c'u cha'al ti xi laj calboxuc ava'iic c'alal jchi'inojoxuc to oxe, ti tsots sc'oplal ta xc'ot ta jtojol jech c'u cha'al ts'ibabil ti oy c'usi tsots sc'oplal albil yu'un ti Moisese, xchi'uc ti ts'ibabil ta jujupoc vunetic yu'un ti yan j'alc'opetique, xchi'uc ti ts'ibabil ta Salmoe.

LEQUIL ACH' C'OP

⁴⁴ Ja' o yech i'albatic chac li'i: —Li c'usi ic'ot ta pasel ta jtojole, ja' ti c'usi lacalbeic ono'ox ti c'alal li' to'ox jchi'ucoxuque: ti persa onox ta xc'ot chac c'u cha'al sts'ibaoj comel jc'oplal ti Moisese xchi'uc ti yan yaj'alc'optac Rioxe, xchi'uc ta svunal q'uevujetique ―x'utatic yu'un ti Jesuse.

Tzotzil San Andres

⁴⁴ Jech lic albaticuc: ―Cꞌalal jchiꞌucoxuc toꞌoxe, laj onoꞌox calboxuc ti persa ta xcꞌot ta pasel scotol li cꞌu sba tsꞌibabil comel jcꞌoplal ta sjun Moisés, schiꞌuc ta sjunic li yan li buchꞌutic iyalic scꞌop Dios ta voꞌonee, schiꞌuc ta sjunal Salmoetic ―xꞌutatic yuꞌun li Jesuse.

Tzotzil de Huixtán

⁴⁴ Hech lic yalbe: ―Hech ono'ox laj calboxuc ti c'alal jchi'inojoxuque ti persa chc'ot ti pasel scotol ti c'u che'el ts'ibabil comel jc'opilal ti sun ti Moisese xchi'uc ti sun ti yan j'alc'opetic yu'un ti Diose xchi'uc ti sunal ti q'uejojetique ―xchi.

San Lucas 24:44 Iomraidhean Croise

Génesis 14:18

Jech noxtoc li Melquisedec, ja' li ajvalil ta lum Saleme, xchi'uc ti ja' pale yu'un Dios ta vinajele, la sloq'ues pan xchi'uc ya'lel ts'usub.

Génesis 22:18

Ja' ta sventaic chich' bendición scotol li muc'tic lumetic li' ta banamile, yu'un laj ach'un li c'usi laj calbote’, xayutot li Muc'ul Diose —xi li j'almantale.

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

Salmos 118:22

Li ton ti mu'yuc lec laj yilic li jpasnaetique ja' ono'ox i'och ta mero chiquin na.

Isaías 28:16

Ja' yu'un li Cajvaltic Diose jech chal: “Ta xcac' jbej lequil ton te ta Sión, lec t'ujbil li tone, tsots sc'oplal; ja' chtun ta sventa snacleb na, ja' chtun ta mero chiquin na. Li boch'o ja' tspat yo'nton ta stojole, mu xchibaj o yo'nton.

Isaías 52:13

Li cajtunele lec chbat yu'un scotol; ich'bil ta muc', lec muc' sc'oplal chc'ot.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Jeremías 23:5

Li Muc'ul Diose jech chal: “Ta to sta sc'ac'alil ta xcac' loc'uc jun sq'uelum David ti lec tuc' yo'ntone; ja' ta xlic ochuc ta ajvalilal. Ta sventa sbijil ta xlic spas mantal; lec tuc' ta xlic chapanvanuc li' ta banamil.

Jeremías 33:14

Jech chal noxtoc li Muc'ul Diose: “A'yo ava'yic, ta sta sc'ac'alil ta xcac' c'otuc ta pasel c'usi caloj ta sventa li smomnich'nab Israel xchi'uc smomnich'nab Judae.

Ezequiel 17:22

‘Vu'un li Muc'ul Diosune, ta xlic jc'ocbe tal sni' ec li ch'ut te' ti lec toyol oye, ta jecbe tal jecuc li sc'ob ta toyole; vu'un jtuc ta xvul jts'un ta jun lequil toyol vits.

Ezequiel 34:23

Ta xcac' licuc jun smomnich'on cajtunel David; ja' jchabivanej ta xc'ot yu'unic. Ja' ta xac'be lec sve'elic; ja' ta xchabi.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Oseas 3:5

Ts'acal to ja'o chlic sutes yo'ntonic, chlic sa'ic li Muc'ul Dios yu'unique, chlic sa'ic li smomnich'on Davide, ti ja' ajvalil yu'unique. Ta slajebtic batel c'ac'ale ta xlic yich'ic ta muc' li Muc'ul Diose, jech ta xich'ic scotol li c'usitic ac'bilic yu'une.

Amós 9:11

“Me la sta sc'ac'alile, ta xlic jcha'meltsanbe li sna David ti bu soquemique. Ta jmacan ti bu jamajtique, ta jcha'pac'an ti bu t'olemique. Ja' jech ta jpas jech chac c'u cha'al pasbil ono'ox ta vo'onee.

Zacarías 12:10

“Li smomnich'nab David xchi'uc li jnaclumetic ta Jerusalene ta xcac'be ta yo'ntonic ti tstaic c'uxubinele, xchi'uc ti chisc'opanicune. Ta to xilic li boch'o xenbil xocon yu'unique. Ta to xlic yoc'taic jech chac c'u cha'al ch-oc' boch'o chcham xnich'on ti c'ajumal jun xnich'one. Ta xlic yat yo'ntonic jech chac c'u cha'al li boch'o chcham sba xnich'one.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

Zacarías 14:4

Yan te ta vits olivatic ta yeloval Jerusalén ta stuq'uil sloq'ueb c'ac'ale ta stec'an lec yacan. Li vits olivatique ta svoc' sba ta o'lol ta stuq'uil sloq'ueb c'ac'al xchi'uc ta stuq'uil smaleb c'ac'al. Jvoc' chbat ta stuq'uil norte; jvoc' chbat ta stuq'uil sur. Lec jamal chcom.

Zacarías 6:12

Jech xavalbe: ‘Jech chal li Muc'ul Dios ti tspas ta mantal scotol te ta vinajele: Q'uelavilic, li' oy li vinic ti Ach' Sq'uelum xi sbie; ta xlic q'uelumajuc, ja' ta xcha'pas li ch'ulna cu'une.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

Números 21:8

Li Muc'ul Diose jech laj yal: —Pasbo sloc'obal jti'val chon jech chac c'u cha'al le'e. Joc'ano ta te'. Li boch'o chti'at ta chone, me ja' tsq'uel batel li sloc'obal joc'ol ta te'e, mu xcham —x'utat.

Números 35:25

Li achi'iltaquique ac'o spojic li boch'o imilvan ti me tsc'an chpacbat sutel yu'un yuts' yalal li boch'o ichame. Ac'o staquic sutel yo' bu sa'oj xa snac'ubbaile. Te ac'o comuc o, ja' to me icham li banquilal pale ti tiq'uil ta abtele.

San Mateo 1:22

Scotol ti jech ic'ot ta pasele yu'un ja' ic'ot o c'usi laj yal Cajvaltic ti c'alal la xch'amanbe ye yaj'alc'op ta vo'onee. Jech laj yal:

San Mateo 16:21

Li Jesuse ja'o te lic yalbe jech chac li'i: —Ta persa chibat ta Jerusalén, te chc'ot quich' ep vocol yu'un li moletique xchi'uc li banquilal paleetique xchi'uc li jchanubtasvanejetic yu'unique. Te chiyaq'uicun ta milel. Chimucat, pero chicha'cuxi ta yoxibal c'ac'al —xut.

San Mateo 26:54

Ti jechuc ta jpase, ¿c'u x'elan xu' chc'ot ta pasel li c'usi ts'ibabil ta sc'op Diose? —x'utat yu'un li Jesuse.

San Mateo 26:56

Ti jech ic'ot ta pasele, yu'un ja' ic'ot o ti jech ono'ox ts'ibabil comel yu'un yaj'alc'optac Dios ta vo'onee —xi li Jesuse. Li yajchanc'optaque ijatovic batel scotolic; stuc xa te la scomtsanic li Jesuse.

Marcos 9:31

yu'un tsc'an ta xchanubtas lec li yajchanc'optaque. Jech laj yalbe: —Vu'un ti Xnich'on cristiano lic'ote ta xi'ac'at ta sc'ob cristianoetic. Ta xismilicun. C'alal chamenun xa'oxe, chicha'cuxi ta yoxibal c'ac'al —xi.

San Lucas 21:22

Yu'un ja' xa sc'ac'alil ta xich'beic stojol jech chac c'u cha'al ts'ibabil comele.

San Lucas 22:37

Yu'un ta xa xc'ot ta pasel li jc'oplal ts'ibabil jech chac li'i: ‘Ta xcuyat jech chac c'u cha'al jpasmuliletic’, xi ts'ibabil. Li jc'oplal ts'ibabile ta xa jtabe slajeb —xi li Jesuse.

San Lucas 24:46

Jech i'albatic: —Jech ono'ox ts'ibabil ta sc'op Dios ti ta xich' vocol li Cristoe, xchi'uc ti ta xcha'cuxi ta yoxibal c'ac'ale.

San Lucas 9:22

Jech laj yalbe noxtoc li yajchanc'optaque: —Vu'un ti Xnich'on cristiano lic'ote, ta persa ta xquich' ep vocol. Mu xisc'anicun li banquilaletique xchi'uc li banquilal paleetique xchi'uc li boch'otic lec xchanojic smantal Diose. Ta xismilicun, pero chicha'cuxi ta yoxibal c'ac'al —xi.

San Lucas 9:44

—Li c'usi chacalboxuc li'i ta jc'an ti chatic' lec ta avo'ntonique. Vu'un ti Xnich'on cristiano lic'ote ta to xi'ac'at ta sc'ob li cristianoetique —xut.

San Juan 3:14

A'yo ava'ay, jech chac c'u cha'al la stoy muyel ta toyol sloc'obal chon ta xocol banamil li Moisés ta vo'onee, ja' jech ta xquich' toyel muyel ec, vu'un ti Xnich'on cristiano lic'ote.

San Juan 5:39

Chaq'uelilanic li sc'op Diose; chanopic ti jech chacuxiic o sbatel osile. Pero li sc'op Diose ja' vu'un te chiyalbun jc'oplal noxtoc.

San Juan 5:46

Ti ach'unicuc c'usi ts'ibabil comel yu'une, chach'unicun ec ti jechuque, yu'un ja' jc'oplal la sts'iba comel li Moisese.

Hechos 13:33

Ja' ti ic'ot xa ta pasel ta jtojoltic, vu'utic li smomnich'nabutique. Laj xa xcha'cuxes loq'uel ta smuquinal li Jesuse, yu'un jech ono'ox ts'ibabil sc'oplal ta xchibal svunal q'ueoj: ‘Vo'ot Jnich'onot, nax to laj cac' voc'an ya'yel’, xi ts'ibabil.

Hechos 13:40

Ja' yu'un q'uelo me abaic; mu me vo'ocoxuc xc'ot ta atojolic ti jech la sts'ibaic comel li j'alc'opetic ta vo'onee:

Hechos 2:27

Yu'un muc teuc chacomtsanun o ta muquinal; mu'yuc chavac'be yil c'u x'elan c'a'el li Ach'ulnich'one.

Hechos 3:18

Yu'un li Diose ja' laj yac' c'otuc ta pasel ti jech ono'ox yaloj c'alal la xch'amanbe ye li yaj'alc'optac ta vo'onee. Laj ono'ox yalic ti ta xich' vocol li Cristoe.

Hechos 7:37

Li Moisés le'e ja' ti jech ono'ox laj yalbe li jmoltotactic ta vo'onee: ‘Li Diose ta to st'ujboxuc jun j'alc'op avu'unic, jech chac c'u cha'al la st'ujun’, xut ono'ox.

Hebreos 10:1

Yu'un li mantaletique ja' no'ox laj yac' ta pasel puru senyailtac li c'usi sc'oplal chc'ot ta pasele. Muc ja'uc mero sc'oplal o laj yich' pasel. Scotol li c'usitic laj yich' pasele xchi'uc li milbil matanaletic laj yich' aq'uel ta jujun jabile, muc j'ech'eluc ilecubic o yu'un li boch'otic jech la spasique.

Hebreos 3:5

Li Moisese ta melel jun yo'nton la sventainbe sna li Diose. Lec itun ta stojol xchi'iltac jech chac c'u cha'al jun j'abtel. Le'e ja' laj yac' ta na'el li c'usi ta to xac' vinajuc Dios ta ts'acale.

Hebreos 7:1

Yu'un li Melquisedeque ja' ajvalil ta lum Salem, xchi'uc ja' banquilal pale yu'un Dios ta vinajel noxtoc. Ja' ti bat snup ta be Abraham ta vo'one c'alal isut tal ta stsalel ajvaliletique, xchi'uc ti laj yac'be bendicione.

Hebreos 9:8

Ti jech la spas li banquilal palee, Ch'ul Espíritu chac' jna'tic ti yu'un mu to'ox xu' chij'och ta ch'ul cuartoe, yu'un mu'yuc to'ox jamal be ti c'alal ja' to'ox chtun li ch'ulna pasbil ta nucule.

1 Pedro 1:11

La sjaq'uic lec c'u x'elan, c'usi ora chc'ot ta pasel chich' vocol li Cristo ti i'ac'bat yalbeic sc'oplal yu'un li Espíritu yu'un Cristo te oy ta stojolique, xchi'uc c'u x'elan li slequilal tsta ta ts'acale.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.