San Lucas 24:32 - Bible in Tzotzil de Chenalhó with Deuterocanon

³² Jech laj yalbe sbaic: —¿Yu'un cani ja' Cajvaltic ti lec ipat co'ntontic yu'un c'alal la jchi'intic tal ta lo'il ta bee, xchi'uc ti c'alal laj yalbutic smelol sc'op Diose? —xut sbaic.

Tzotzil Zinacantan

³² ―¿Cꞌu noꞌox yuꞌun ti muc xcojtiquintic yaꞌele ti cꞌalal iloꞌilaj tal ta bee, ti toj lec smelol iyal li scꞌop Rioxe? ―xut la sbaic.

Bible in Tzotzil de Chamula

³² Xi laj yalbe sbaique: —C'alal yacal ta xiyalbotic talel ta be smelol ti c'usi ts'ibabil ta ch'ul c'ope, ¿mi mu lajuc ca'itic ta co'ntonic ta melel ti jun yutsile?

LEQUIL ACH' C'OP

³² Ja' yech iyalbe sbaic chac li'i: —¿Mi mu yechuc xcal ti ica'itic ta co'ontic ti toj lec ispat co'ontic ti c'alal li lo'ilajotic tal jchi'uctic ta bee xchi'uc ti c'alal li yalbotic tal smelol li sc'op Rioxe? ―Xut sbaic.

Tzotzil San Andres

³² Jech laj yalbe sbaic: ―¿Cꞌu chaꞌal muc bu jnaꞌtic mi jaꞌ li Cajvaltique yuꞌun toj lec laj caꞌitic li cꞌalal laj yalbutic talel ta be li smelol li scꞌop Diose? ―xut sbaic.

Tzotzil de Huixtán

³² Hech lic yalbe sbaic: ―¿C'u che'el muc sut co'ntontic ti ja' ti Cajvaltique yu'un imuc'ub co'ntontic ti c'alal laj yalbucutic ti sjam ti sc'op Diose ti c'alal jchi'inojtic tal ti be? ―xut sbaic.

San Lucas 24:32 Iomraidhean Croise

Salmos 104:34

Ta jc'an ti ac'o lecuc yil li c'usitic ta jnope, yu'un ja' no'ox ta sventa ti ta jta xcuxetel co'ntone.

Salmos 39:3

Solel xpulpun no'ox li co'ntone; la jnop ti yu'un tsanem c'oc' ta yut co'ntone, ja' yu'un tsots jech laj cal:

Proverbios 27:17

Li taq'uine tsc'an juxbel ye ta taq'uin noxtoc; ja' no'ox jech ec li cristianoe ta ye cristiano xu' ta xbijub.

Proverbios 27:9

Li muil poxile toj xcuxet xa chca'itic yu'un; ja' jech toj xcuxet co'ntontic yu'un ti c'alal oy boch'o chisbijubtasutique.

Isaías 50:4

Li Muc'ul Diose la sbijubtasun lec, yu'un jech ta jna' c'u x'elan ta jc'opan li boch'otic lubenique. Ta jujun sob chilic, ta xca'ay lec li bijubtasele; ch'anxichi ta jtuc'ulan lec.

Jeremías 15:16

C'alal lac'opanune, xco'laj xchi'uc la jve' ya'yel li ac'ope; ja' mero spatubil co'nton, xcuxetel co'nton ic'ot. Avu'unun o, vo'ot li Muc'ul Diosot ti chapas ta mantal scotol te ta vinajele.

Jeremías 20:9

Me jech chcale: “Mu'yuc xa chic'opoj ta sventa li Muc'ul Diose; ta jip ta co'nton o”, me xichie, li ac'ope chlic tsanuc ta co'nton jech chac c'u cha'al c'oc'; ta xc'ac'ub c'alal ta jbaquiltac. Ta jc'an ta jpajes jba ta yalel li ac'ope, pero mu xu' cu'un.

Jeremías 23:29

Li jc'ope ja' jech chac c'u cha'al c'oc', xchi'uc ja' jech chac c'u cha'al maro ti ta slilin li tone.

Marcos 4:34

Me mu'yuc lo'iletique, mu'yuc la ichanubtasvan. Yan li yajchanc'optaque laj yalbe ya'yic smelol ti c'alal stuquic xae.

San Lucas 24:45

Jech ijambat lec yo'ntonic, yu'un jech ac'o c'otuc ta yo'ntonic li sc'op Diose.

San Juan 6:63

Li jch'uleltique ja' chac' cuxicutic. Li jbec'taltic li' ta banamile mu'yuc c'usi chac'. Li c'usi laj calboxuque ja' sventa ach'ulelic, ja' chac' cuxianic.

Hechos 28:23

Jech te la sa'beic sc'ac'alil c'usi ora ta xtalic. C'alal la sta sc'ac'alile, ep italic yo' bu nacal li Pabloe. Li Pabloe lic yalbe ya'yic c'u x'elan chventainvan li Diose. La sjambe lec smelol; laj yac'be lec yilic sc'oplal li Jesús ti butic ts'ibabil comel yu'un li Moisese xchi'uc li yantic yaj'alc'optac Diose. Sob la sjapuic; te oyic o c'alal to ta mal c'ac'al.

Hebreos 4:12

Yu'un li sc'op Diose cuxul, oy stsatsal, ech'em to jech chtuch' jelovel yu'un jech chac c'u cha'al espada ti cha'jot lec yee. Ch-och c'alal to ta yut jol co'ntontic. Tsli' jelovel c'alal to ta jts'acaliltic, c'alal to ta jch'uxuviltic. Xchi'uc sna' c'usi oy ta co'ntontic, xchi'uc c'usitic ta jnoptic.