San Lucas 24:26 - Bible in Tzotzil de Chenalhó with Deuterocanon

²⁶ ¿Me mu jechuc ts'ibabil ti ta persa chich' vocol li Cristoe, ti ts'acal ta sta slequilale? —x'utatic.

Tzotzil Zinacantan

²⁶ Tsꞌibabil onox ti persa chacꞌ svocol ti Cristoe ti cꞌalal mu toꞌox ch-och ta pasmantale ―xꞌutatic la yuꞌun ti Jesuse.

Bible in Tzotzil de Chamula

²⁶ ¿Mi mu tsots sc'oplal ti ba'yel ta xich' svocol ti Cristo c'alal mu'yuc to ta xich' ti slequilale?

LEQUIL ACH' C'OP

²⁶ ¿Mi mu persauc chac' svocol ba'yi ti Cristoe, ti c'alal mu to'ox chba sta li slequilale? ―X'utatic.

Tzotzil San Andres

²⁶ ¿Mi mu jechuc tsꞌibabil ti ta persa baꞌi ta xichꞌ vocol li Cristoe, ti tsꞌacal to ta xꞌoch ta ajvalilale? ―xi li Jesuse.

Tzotzil de Huixtán

²⁶ ¿Mi mu hechuc chal ti j'alc'opetique ti persa chich' vocol ti Cristoe yu'un hech ch-ac'at ti pasel ti muc'? ―xchi ti Jesuse.

San Lucas 24:26 Iomraidhean Croise

Génesis 22:6

Li Abrahame la stsac li si' sventa chchic'beic o smoton Diose. Laj yac'be xq'uech batel li Isaaque. Te laj yich' batel noxtoc xcuchilo xchi'uc sc'oc', jech ibatic xchibalic.

Daniel 9:26

C'alal me i'ech' xa'ox li chib xchanvinic (62) xemunae, ta xlic smilic li Boch'o t'ujbil yu'un Diose. Li Jerusalén xchi'uc ch'ulnae ta xtal sjines jun ajvalil xchi'uc svinictac. Li slajebale ja' jech chc'ot ta pasel jech chac c'u cha'al pulel ta vo'; li milel chamesele mu xlaj sc'oplal o. Jech tspasic o batel c'alal to ta slajebal, jech chac c'u cha'al chapanbil sc'oplale.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

San Lucas 24:44

Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

San Lucas 24:46

Jech i'albatic: —Jech ono'ox ts'ibabil ta sc'op Dios ti ta xich' vocol li Cristoe, xchi'uc ti ta xcha'cuxi ta yoxibal c'ac'ale.

San Lucas 24:7

Jech laj yal: ‘Ta persa ta xi'ac'at ta sc'ob jpasmuliletic, vu'un ti Xnich'on cristiano lic'ote. Ta sjoc'anicun ta cruz, pero chicha'cuxi ta yoxibal c'ac'al’, xayutoxuc ono'ox —x'utatic.

San Juan 2:22

Ja' yu'un c'alal icha'cuxi ta yoxibal c'ac'al li Jesuse, li yajchanc'optaque ja' to te ivul ta sjolic ti jech ono'ox laj yale. Jech te la xch'unic o ti jech ono'ox ts'ibabil ta sc'op Diose, xchi'uc ti ja' melel li c'usi laj yale.

San Juan 20:9

Mu'yuc c'otem lec ta yo'ntonic me jech ono'ox ts'ibabil ta sc'op Dios ti ta persa ta xcha'cuxi loq'uel ta smuquinale.

Hechos 17:3

Laj yac'be yil, laj yac'be lec sna'ic ti jech ono'ox ts'ibabil ta sc'op Dios ti ta persa ta xich' vocol li Cristoe, xchi'uc ti ta persa ta xcha'cuxie. Jech laj yalbe: —Ja' li Jesús ti li' chacalboxuc sc'oplale, ja' li Cristoe —xut.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

1 Pedro 1:11

La sjaq'uic lec c'u x'elan, c'usi ora chc'ot ta pasel chich' vocol li Cristo ti i'ac'bat yalbeic sc'oplal yu'un li Espíritu yu'un Cristo te oy ta stojolique, xchi'uc c'u x'elan li slequilal tsta ta ts'acale.

1 Pedro 1:3

Coliyalbutic li Diose, ja' li Stot Cajvaltic Jesucristoe, yu'un toj ep la xc'uxubinutic, laj yac' cha'voc'cutic ta ach' ta sventa ti la xcha'cuxes ta smuquinal li Cajvaltic Jesucristoe. Jech la jta spatubil co'ntontic ti mu xlaj sc'oplale.