San Lucas 23:34 - Bible in Tzotzil de Chenalhó with Deuterocanon

³⁴ [Li Jesuse jech laj yalbe li Stote: —Tati, pasbeic perdón, yu'un mu sna'ic li c'usi tspasique —xi.] Li soldadoetique la svoc'be sbaic li sc'u' spoc' Jesuse; la spasic canal tajimol yu'un jech chilic bu jlicucal chc'ot ta stojol jujunic.

Tzotzil Zinacantan

³⁴ Ti Jesuse iscꞌoponbe la Riox ti crixchanoetique: ―Tot, acꞌo ta pertonal li crixchanoetique yuꞌun mu snaꞌic li cꞌusi tspasique ―xi la. Ti solteroetique ixchꞌacbe la sbaic ti scꞌuꞌ Jesuse. Itajinic la, isqꞌuelic la muchꞌu junucal chichꞌ julic.

Bible in Tzotzil de Chamula

³⁴ Xi laj yal ti Jesús ti c'alal jipil ta curus yu'unique: —Tot, ch'aybo smul scolo', yu'un mu sna'ic ti c'usi ta spasique. Ti soldadoetique lic sq'uelic yorail yu'unic yo' ta xvinaj buch'u junucal ta xich'beic sc'u' ti Jesuse.

LEQUIL ACH' C'OP

³⁴ Ti Jesuse ja' yech iyal chac li'i: «Tot, ac'o ta pertonal li crixchanoetique yu'un mu sna'ic li c'usi tspasique.»] ―Xi. Ti soltaroetique ixch'acbe sbaic ti sc'u' Jesuse. Itajinic, isq'uelic much'u junucal chich' julic.

Tzotzil San Andres

³⁴ Li Jesuse lic scꞌoponbe Dios li crixchanoetique: ―Tata, pasanbo perton yuꞌun mu snaꞌic li cꞌusi tspasique ―xi. Li soltaroetique la spasic canal tajimol yoꞌ jech chilic bu jlicucal li scꞌuꞌ spacꞌaltac Jesús ti ta xichꞌbeic jujunique.

Tzotzil de Huixtán

³⁴ Ti Jesuse hech lic yal: ―Tote, pasbeic perdón yu'un scoj ti mu sna'ic ti c'usi tspasique ―xchi tsc'opon ti Diose. Hech ti soldadoetique lic spasic al chilic ti much'u chc'ot ti sventa ti sc'u' spoc' ti Jesuse.

San Lucas 23:34 Iomraidhean Croise

Génesis 50:17

Jech xavalbeic li avits'inique: ‘Pasbuncutic perdón yu'un jmulcutic ti chopol c'usi la jpasbotcutic ta vo'one, vu'uncutic li abanquiluncutique, utic’, xiyutuncutic. Ja' yu'un ta jc'ancutic vocol ta atojol ti ac'o ach'ay ta avo'nton jmulcutic, vu'un li yajtuneluncutic Dios yu'un anima jtotique”, xiic batel. C'alal ja'o jech sbats'il yalbel José li boch'o stacojbeic batel mantale, li Josee i'oc'.

Salmos 22:18

Laj xa svoc'be sbaic li jc'u' jpoq'ue; laj xa spasic canal tajimol xchi'uquic li jlic jc'u'e.

Isaías 53:12

Ja' yu'un li Diose ta xac' ich'atuc lec ta muc' jech chac c'u cha'al li boch'o tspas canal ta pleitoe, ti oy c'usi ep tspojbe li boch'otic tsots svu'elique. Yu'un laj yac' ta milel sbec'tal; laj yich' co'oltsanel jech chac c'u cha'al jpasmuliletic. Jech ep boch'otic la xcuchbe smulic, xchi'uc ja' chc'opoj ta stojol Dios ta sventa li jpasmuliletique.

San Mateo 11:25

Lic sc'opan Dios li Jesuse, jech laj yal: “Tati, vo'ot yajvalot li vinajel banamile. Colaval ti muc xavac'be ya'yic smelol c'usi laj cal xchi'uc c'usi la jpas li boch'otic bijique xchi'uc li boch'otic lec sna' yalojique. Ja' no'ox laj avac'be ya'yic smelol li boch'otic ja' jechic jech chac c'u cha'al ololetique.

San Mateo 11:26

Lec oy Tati, yu'un jech la sc'an avo'nton”, xi.

San Mateo 5:44

Pero vu'un chacalboxuc: c'uxubino avajcontraic; c'opanbeic Dios ta stojol li boch'otic chayuts'intaoxuque.

Marcos 15:24

C'alal la sjoc'anic ta cruz li Jesuse, lic spasic canal tajimol xchi'uquic li sc'u' spoq'ue, yu'un jech chilic bu jlicucal chc'ot ta stojol jujunic.

San Lucas 22:42

Jech laj yal: “Tati, me jech chac'ane, loq'uesbun li jvocol li'i. Pero mu me xc'ot ta pasel c'usi tsc'an co'nton jtuc. Ja' ac'o c'otuc ta pasel li c'usi tsc'an avo'ntone”, xut.

San Juan 17:9

“Vu'un ta jc'anbot vocol ta stojolic. Mu ja'uc ta jc'anbot vocol ta stojol li cristianoetic li' ta banamile. Ja' ta jc'anbot vocol ta stojol li boch'otic laj avac'bune, yu'un ja' avu'untac.

San Juan 19:11

Itac'ov li Jesuse: —Ti manchuc ac'bilot tal avabtel ta toyole, mu'yuc c'usi xu' avu'un chapasbun ti jechuque. Ja' yu'un li boch'o laj yaq'uicun ta ac'obe ja' toj ech'em smulic —xut.

Hechos 16:28

Tsots i'avan li Pabloe, jech laj yal: —¡Mu xamil aba, li' oyuncutic jcotolcutique! —xut.

Hechos 3:17

“Pero li' ta orae, jchi'iltac, ta jna' ti ja' ta scoj muc xana'beic smelol ti jech laj apasbeic li Jesuse. Jech noxtoc muc sna'beic smelol ec li j'abteletic avu'unique.

Hechos 7:60

La squejan sba, tsots i'avan: “Cajval, mu me xavac'be xcuch smulic li jchi'iltac li'i”, xi. C'alal laj yal jeche, icham.

Romanos 12:14

C'anbeic bendición li boch'o chascontrainoxuque. C'anbeic slequilalic; mu xac'anbeic slajel xchamelic.

1 Corintios 2:8

Me junuc banquilaletic li' ta banamil muc sna'ic ec. Ti lajuc sna'ique, muc sjoc'anic ta cruz Yajval lequilal ti jechuque.

1 Corintios 4:12

Oy ep lubel chca'icutic sventa chi'abtej ta jc'ob jtucutic. Puru chopolc'optael chquich'cutic, pero li vu'uncutique puru bendición ta jc'anbecutic. Ep chquich'cutic uts'intael, pero ta jts'iccutic.

1 Timoteo 1:13

Ac'o me ep to'ox c'usi yan xquich' xcal ta stojol, laj to'ox jcontrain xchi'uc la jchopolc'opta. Pero la xc'uxubinun, yu'un mu to'ox jna'be smelol, yu'un mu'yuc to'ox jch'unojbe li sc'ope.

1 Pedro 3:9

Mu me chopoluc c'usi xapasbeic ec li boch'o chopol c'usi chaspasboxuque. Mu me xachopolc'optaic ec li boch'o ta xchopolc'optaoxuque. Ja' tsc'an chac'anbeic slequilalic, yu'un jech ac'o staic bendición. Yu'un ic'biloxuc yu'un Dios ti jech ac'o apasique, yu'un jech ac'o avich'ic bendición.