San Lucas 23:14 - Bible in Tzotzil de Chenalhó with Deuterocanon

¹⁴ Jech laj yalbe: —Li vinic laj aviq'uic tal ta jtojole laj avalic ti ja' ta soques scotol li achi'iltaquique. Pero laj xa quich'be sc'op li' ta atojolic. Me jutuc mu'yuc la jtabe smul jech chac c'u cha'al smul chavalique.

Tzotzil Zinacantan

¹⁴ ―Li vinic liꞌ avicꞌojic tale, ti avalic ti jaꞌ tsocbe sjol li crixchanoetique, avaꞌyojic ti ijacꞌbe cꞌusi smule, pero mi jsetꞌ muc bu ijtabe smul. Yech noꞌox chanopic ti oy smule.

Bible in Tzotzil de Chamula

¹⁴ —Ti vo'oxuque laj avic'beicun talel ti vinic li'e ti ta xavalic ti ta soquesbe yo'nton ti jteclume. Ta aba ta asatic, laj jac'be ti smule, mu'yuc bu laj jtabe ti vo'oxuc ta xavalic ti oy ti smule.

LEQUIL ACH' C'OP

¹⁴ Ja' yech iyalbe chac li'i: Li vo'oxuque avic'becon tal li vinic li'i, chavalic ti ja' tsocbe sjol li crixchanoetic li' ta jteclume; pero li vo'one iquich'be xa lec ye li' ta aba ta asatique, pero mi jset' muc bu ijtabe o smul ti c'usitic avalique.

Tzotzil San Andres

¹⁴ Jech laj yalbe: ―La achiꞌilic liꞌi la avalic ti jaꞌ ta soc scotol la achiꞌiltaquique, jaꞌ yuꞌun la aviqꞌuic talel liꞌ ta jtojole. Pero laj xa quichꞌbe scꞌop liꞌ ta atojolique. Mu jsetꞌuc la jtabe smul. Mu meleluc li cꞌusi la avalique.

Tzotzil de Huixtán

¹⁴ Hech lic yalbe: ―Yu'un ti laj avaq'uic ti jtojol ti achi'il li'to yu'un “tsoques scotol ti jchi'iltaque”, ti xachiique, laj xa quich'be sc'op ti atojolic. Mi jutuc mu jtabe smul. Mu hechuc hech chaj c'u che'el chavalique.

San Lucas 23:14 Iomraidhean Croise

Daniel 6:4

Ja' yu'un li banquilaletic xchi'uc yantic jpasmantaletique lic snopic c'u x'elan xu' tstic'beic smul ta sventa yabtel li Daniele. Pero me jutuc mu'yuc c'usi la stabeic, yu'un li Daniele lec jun yo'nton ta stojol Dios, yu'un mu'yuc c'usi chopol tspas.

San Mateo 27:19

C'alal te chotol ta xchotleb sventa chchapanvan li Pilatoe, la stac tal mantal li yajnile, jech laj yal: “Bijan me, mu me c'usi chopol xapasbe li lequil vinic le'e. Yu'un ep jvocol ta xvaychinel ta ac'ubaltic nax”, xi.

San Mateo 27:24

C'alal laj yil Pilato ti mu'yuc c'usi xu' tspase, xchi'uc ti yo'to ech'em chliquic ta vochlajetel li cristianoetique, jech la stsac vo'; la spoc sc'ob ta stojol scotolic, jech laj yal: —Muc vu'cun ta jmul me ta xmal xch'ich'al li vinic li'i; vo'oxuc ta amulic —xi.

San Mateo 27:4

Jech c'ot yalbe: —Laj xa jta jmul, yu'un laj cac' ta milel li boch'o mu'yuc smule —xut c'otel. Itac'ovic: —C'usi jventacutic li vu'uncutique. Ja' aventa atuc —xutic.

San Mateo 27:54

Li banquilal soldado xchi'uc li yajsoldadotac ti te ta xchabiic li Jesuse, toj xi'el ic'otic ti c'alal laj ya'yic inic li banamile xchi'uc c'alal laj yilic scotol li c'usitic ic'ot ta pasele. Jech laj yalbe sbaic: —Ta melel ja' xnich'on Dios li vinic li'i —xut sbaic.

Hechos 13:28

Ac'o me mu'yuc la stabeic smul ti xu' ta xcham oe, pero la sc'anbeic Pilato ti ac'o yac' ta milele.

Hechos 17:11

Li israeletic te ta Bereae ja' lec yo'ntonic. Mu jechuc yo'ntonic jech chac c'u cha'al li israeletic ta Tesalonicae. Yu'un ta scotol yo'ntonic laj ya'ibeic sc'op li Pabloe. Scotol c'ac'al la sq'uelic li sc'op Diose, yu'un tsq'uelic me xco'laj xchi'uc c'usi ta xchol li Pabloe.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.