San Lucas 22:70 - Bible in Tzotzil de Chenalhó with Deuterocanon

⁷⁰ Jech laj yalic scotolic: —Yu'un vo'ot xnich'onot Dios cha'e —xutic. Itac'ov li Jesuse: —Chaval atuquic ti vu'une —xi.

Tzotzil Zinacantan

⁷⁰ ―¿Mi yech ti voꞌot Xchꞌamalot ti Rioxe cheꞌe? ―xut la scotolic. ―Yech ―xꞌutatic la.

Bible in Tzotzil de Chamula

⁷⁰ Xi laj yalic scotolique: —Ati xcaltic un cha'e, vo'ot Xnich'onot ti Diose. Xi laj stac' ti Jesuse: —Vu'unun jech c'u cha'al ta xavalique.

LEQUIL ACH' C'OP

⁷⁰ ―Ja' o isjac'beic scotolic: ¿Ti xcaltique che'e vo'ot ti xch'amalot Rioxe? ―Xutic. Itac'av ti Jesuse: Atuc xa avalic ti vo'one. —Xi.

Tzotzil San Andres

⁷⁰ Scotolic jech laj yalic: ―¿Mi joꞌot Snichꞌonot Dios apꞌisoj aba? ―xutic. ―Joꞌon ―xi li Jesuse.

Tzotzil de Huixtán

⁷⁰ Scotolic lic yalic: ―¿Mi yu'un ho'ot snich'onot ti Diose chacuy aba? ―xchiic. ―Ho'on ―xchi xtac'av ti Jesuse.

San Lucas 22:70 Iomraidhean Croise

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Salmos 2:7

Vu'un ta jvinajes c'usi snopoj li Muc'ul Diose, jech yalojbun: “Vo'ot jnich'onot; ja' to laj cac' ta ilel ti vo'ot Jnich'onote.

San Mateo 26:25

Li Judase, ja' li boch'o ta xac' ta c'abal li Jesuse, jech la sjac' ec: —¿Me vu'un van?, Jchanubtasvanej —xi. Itac'ov li Jesuse: —Vo'ot chloc' ta ave atuc —xut.

San Mateo 26:64

Itac'ov li Jesuse: —Vo'ot chloc' ta ave atuc ti vu'une. Chacalboxuc ava'yic, vu'un ti Xnich'on cristiano lic'ote, ta to xavilic chotolun ta sbats'ic'ob li Boch'o ech'em svu'ele. Ta to xavilic chital ta toc ta vinajel —xi li Jesuse.

San Mateo 27:11

C'alal te va'al ta stojol Pilato li Jesuse, jech ijac'bat: —¿Me vo'ot muc'ta ajvalilot yu'un li judioetique? —x'utat. Itac'ov li Jesuse: —Vu'un jech chac c'u cha'al chavale —xi.

San Mateo 27:43

Laj yal ti xch'unoj ti chcoltaat yu'un Diose; ac'o coltaatuc ta ora. Yu'un yaloj ti ja' Xnich'on Diose —xut sbaic.

San Mateo 27:54

Li banquilal soldado xchi'uc li yajsoldadotac ti te ta xchabiic li Jesuse, toj xi'el ic'otic ti c'alal laj ya'yic inic li banamile xchi'uc c'alal laj yilic scotol li c'usitic ic'ot ta pasele. Jech laj yalbe sbaic: —Ta melel ja' xnich'on Dios li vinic li'i —xut sbaic.

San Mateo 3:17

Ta ora ivinaj c'op ta vinajel, jech laj yal: “Li'i ja' Jnich'on; lec jc'anoj, lec jpatoj co'nton yu'un”, xi.

San Mateo 4:3

Te ital li pucuje, jech laj yalbe li Jesuse: —Me vo'ot Xnich'onot Diose, albo li tonetic li'i, ac'o c'atajuc ta vaj —xut.

Marcos 14:62

Itac'ov li Jesuse: —Vu'un. Ta to xavilic chotolun ta sbats'ic'ob li Boch'o ech'em svu'ele. Ta to xavilic chiyal tal ta toc ta vinajel, vu'un ti Xnich'on cristiano lic'ote —xi.

Marcos 15:2

Li Pilatoe jech la sjac'be li Jesuse: —¿Me vo'ot muc'ta ajvalilot yu'un li israeletique? —xut. —Vu'un, jech chac c'u cha'al chavale —xi itac'ov li Jesuse.

San Lucas 22:71

Jech laj yalbe sbaic: —¿C'u yu'un ta jc'antic yan testigo? Laj xa ca'ay jtuctic li c'usi iloc' ta yee —xut sbaic.

San Lucas 23:3

Li Pilatoe jech la sjac'be li Jesuse: —¿Me vo'ot muc'ta ajvalilot yu'un li achi'iltac ta israelale? —xut. Itac'ov li Jesuse: —Vu'un jech chac c'u cha'al chavale —xut.

San Lucas 4:41

Oy ep boch'otic iloc' pucuj ta yo'ntonic noxtoc. Li pucujetique tsots i'avanic ti c'alal iloq'uique, jech laj yalic: —Vo'ot Xnich'onot Dios —xiic. Pero li Jesuse la spajes li pucujetique; muc xac' c'opojicuc, yu'un sna'ic ti ja' li Cristoe.

San Juan 1:34

Li vu'une laj xa cotquin. Laj xa calboxuc ava'yic sc'oplal ti ja' Xnich'on Diose”, xi li Juane.

San Juan 1:49

Li Natanaele jech laj yalbe li Jesuse: —Jchanubtasvanej, vo'ot Xnich'onot li Diose. Vo'ot ti cha'och ta ajvalilal li' ta stojol israeletique —xut.

San Juan 10:30

Li vu'une jununcutic xchi'uc li Jtote —xi li Jesuse.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

San Juan 18:37

Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

San Juan 19:7

Itac'ovic: —Li vu'uncutique oy mantal cu'uncutic. Ta xal ta mantal cu'uncutic ti ta persa ta xcham li boch'o ta scuy sba ta Xnich'on Diose —xiic.