San Lucas 22:17 - Bible in Tzotzil de Chenalhó with Deuterocanon

¹⁷ La stsac jun vaso li Jesuse; la stojbe ta vocol Dios. Jech laj yalbe li yajchanc'optaque: —Ilo, pucbo aba acotolic.

Tzotzil Zinacantan

¹⁷ Ti Jesuse istam la jun mucꞌta pꞌis yaꞌlel uva, “colaval” xut la ti Rioxe. ―Uchꞌanic acotolic.

Bible in Tzotzil de Chamula

¹⁷ Va'i un, ti Jesuse laj stsac ti sbisol ya'lel uvae. Laj yalbe vocol ti Diose. Xi laj yalbe ti yajchanc'optaque: —Tsaquic, comon uch'anic acotolic.

LEQUIL ACH' C'OP

¹⁷ Ti Jesuse istam jun p'is ya'lel uva, iyalbe coliyal ti Rioxe, ti c'alal ilaje, ja' yech iyal chac li'i: ―Ilo, uch'an acotolic;

Tzotzil San Andres

¹⁷ Li Jesuse la stsac jun vaso yaꞌlel tsꞌusub, laj yalbe coliyal Dios. Jech laj yalbe li yajchanbalajeltaque: ―Ilo, uchꞌanic acotolic.

Tzotzil de Huixtán

¹⁷ Ti Jesuse ja' i'ac'bat jun taza ya'lel sat uvate' yu'un ti yajchanc'ope. Hech laj stsac ti tazae, lic yalbe vocol ti Diose. Hech lic yalbe ya'yic: ―Ilo, uch'anic acotolic.

San Lucas 22:17 Iomraidhean Croise

Salmos 116:13

Ta xcac'be smoton ta sventa ti la scoltaune; ta xquich' ta muc' li Muc'ul Diose.

Salmos 23:5

Laj xa achapanbun lec jve'el ta mexa ta sat li cajcontrataque, laj amalbun aceite ta jol; chmal xa li yavil bendición avac'ojbune.

Jeremías 16:7

Jech noxtoc mu'yuc boch'o ta xac' lec ve'el ta sventa tspatbe yo'ntonic li boch'otic oy boch'o chcham yu'unique, xchi'uc mu'yuc boch'o chac' uch'bajel ta stojolic li boch'otic chcham stot sme'ique.

San Mateo 14:19

Li Jesuse laj yalbe mantal cristianoetic ti ac'o chotiicuc ta c'unil jobeltique. Li Jesuse la stsac li vo'ob pane xchi'uc li cha'cot choye. La sq'uel muyel vinajel, la stojbe ta vocol Dios. La svoc' li pane xchi'uc li choye. Laj yac'be li yajchanc'optaque. Ja' xa la spucbeic ec li cristianoetique.

San Mateo 15:36

La stsac li vucub pane xchi'uc li bic'tal choye, la stojbe ta vocol Dios. La svoc' li pane xchi'uc li bic'tal choye, laj yac'be li yajchanc'optaque. Ja' xa la spucbeic ec li epal cristianoetique.

San Mateo 26:26

C'alal chve'ique, la stsac jun pan li Jesuse, la stojbe ta vocol Dios; la svoc' li pane, laj yac'be li yajchanc'optaque: —Ilo, ve'anic. Li'i ja' jbec'tal —xut.

Marcos 14:22

C'alal ta xa xve'ique, la stsac pan li Jesuse. La stojbe ta vocol Dios, la svoc' li pane, laj yac'be li yajchanc'optaque. Jech laj yalbe: —Ilo ve'anic, li'i ja' jbec'tal —xut.

San Lucas 22:19

La stsac noxtoc jun pan; la stojbe ta vocol Dios. La svoc' li pane; laj yac'be li yajchanc'optaque. Jech laj yalbe: —Li'i ja' jbec'tal, yu'un ta xcac' jba ta milel ta acojic. Jech me xapasilanic, yu'un jech chana'ilanicun o —xut.

San Lucas 9:16

Li Jesuse la stsac li vo'ob pane xchi'uc li cha'cot choye. La sq'uel muyel vinajel; la stojbe ta vocol Dios. La svoc' li pane xchi'uc li choye. Laj yac'be li yajchanc'optaque, yu'un ja' ac'o spucbeic li cristianoetique.

Romanos 14:6

Li boch'o xch'unoj ti oy jun c'ac'al tsots sc'oplal cha'ye ja' ta sventa Cajvaltic tspas. Li boch'o scotol tsve'e ja' ta sventa Cajvaltic tsve', yu'un tstojbe ta vocol li Diose. Li boch'o mu scotoluc tsve'e ja' ta sventa Cajvaltic ti mu sve'e, yu'un tstojbe ta vocol Dios noxtoc.

1 Corintios 10:16

C'alal chcuch'betic sbel li vaso ti yich'oj bendicione xchi'uc ti ta jtojbetic ta vocol Diose, ¿me mu ja'uc svinajeb ti jun lijc'ot xchi'uc Cristo ta sventa ti la smal xch'ich'ale? Jech noxtoc c'alal ta jvoc'tic pane, ¿me mu ja'uc svinajeb ti jun lijc'ot jchi'uctic li Cristo ta sventa ti laj yac' sbec'tal ta jcojtique?

1 Corintios 11:23

Yu'un ti c'u x'elan la jchanubtasoxuque, ja' jech la xchanubtasun ec li Cajvaltique. C'alal yorail xa ch-ac'at ta c'abal ta ac'ubaltic li Cajvaltic Jesuse, la stsac jun pan;

Deuteronomio 8:10

C'alal me laj avo'ntonic ta ve'ele, lec noj ach'utic chava'yic. Pero ja' tsc'an chavalbeic slequilal, tsc'an chavich'ic ta muc' li Muc'ul Dios cu'untique yu'un toj lec li osil laj yac'boxuque.

1 Samuel 9:13

C'alal cha'ochic ta lume, sa'ic ta ora ti c'alal mu'yuc to chbat ve'uc ta ch'ulnae. Yu'un li boch'otic te oyique, mu'yuc to chve'ic ja' to c'alal me ic'ot li vinique. Yu'un ja' oy ta sventa chac'be bendición ba'yuc li smoton Diose; ja' to xu' tsve'ic li boch'otic ic'bilique. Ja' yu'un ac'beic yipal batel ta ora; ja' yorail xu' te chataic —xiic.