San Lucas 21:9 - Bible in Tzotzil de Chenalhó with Deuterocanon

⁹ C'alal chava'yic oy xa pleito, xchi'uc ti oy xa boch'o ta scontrain sbaique, mu me xaxi'ic. Ta persa jech ta xc'ot ta pasel ba'yuc, pero mu to ja'uc slajebal c'ac'al”, xi.

Tzotzil Zinacantan

⁹ Ti cꞌalal chavaꞌiic ti oy acꞌ cꞌoqꞌue, ti cꞌalal chavaꞌiic ti oy bu tscrontain yajpreserenteique, mu me xaxiꞌic. Chcꞌot onox yech, pero li balamile maꞌuc toꞌox chlaj, liꞌto cꞌuuc sjalile.

Bible in Tzotzil de Chamula

⁹ Mu xaxi'ic yu'un c'alal ta xava'ibeic sc'oplal ti letovajele, ti contrainej baile, yu'un ba'yel jech ta xc'ot ta pasel. Ma'uc to yorail un ti slajebal c'ac'ale.

LEQUIL ACH' C'OP

⁹ Ti c'alal chava'iic ti oy milbaile, ti tscrontain yajpreserenteique, mu me xaxi'ic. Yu'un ba'yi ono'ox chc'ot ta pasel yech chac taje; pero li balamile ma'uc to'ox yora chlaj.

Tzotzil San Andres

⁹ Cꞌalal chavaꞌiic ti oy cꞌop liꞌi schiꞌuc cꞌalal chavaꞌiic ti oy cꞌop ta nome, mu xaxiꞌic. Ta onoꞌox xcꞌot ta pasel pero maꞌuc toꞌox slajeb cꞌacꞌal ―xi.

Tzotzil de Huixtán

⁹ C'alal chava'ibeic sc'opilal ti oy ep muc'ta pleito li' ti balumile, chava'ibeic sc'opilal uc ti chlic yan muc'ta pleito, mu me xaxi'ic. Persa scotol hech chc'ot ti pasel jbael. Mu to ja'uc slajebal c'ac'al ―xchi.

San Lucas 21:9 Iomraidhean Croise

Salmos 112:7

Mu xi' c'alal me oy chopol lo'il chtal ta stojole, yu'un bats'i jun yo'nton o; xch'unoj o ti ja' chcoltaat yu'un li Muc'ul Diose.

Isaías 8:12

“Mu me xavalic ti oy c'usi chapanbil ta mucul jech chac c'u cha'al chalic li achi'iltaque, xchi'uc mu me xaxi'ic, mu me xaniquic yu'un ec li c'usi chi'ic yu'une.

San Lucas 21:10

Jech laj yal noxtoc: “Ta xlic scontrain sbaic cristianoetic ta jujun banamil. Ta to xlic scontrain sbaic ajvaliletic noxtoc.

San Lucas 21:28

C'alal chavilic ta xlic c'otuc ta pasel scotol li c'usitic laj calboxuque, mu me xaxi'ic. Teteuc me asatic, yu'un po'ot xa chacolic”, xi li Jesuse.

San Lucas 21:8

Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic.