San Lucas 21:8 - Bible in Tzotzil de Chenalhó with Deuterocanon

⁸ Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic.

Tzotzil Zinacantan

⁸ ―Pꞌijanic me, mu me xachꞌunic loꞌloel. Yuꞌun ep ti muchꞌutic chtalique, “voꞌon Cristoon”, xiic. “Poꞌot xa xtal ti Cristoe”, xiic jlom. Pero mu me xachꞌunic.

Bible in Tzotzil de Chamula

⁸ Ti Jesuse xi laj yale: —Bijanic, mu xalajic ta lo'lael, yu'un yepal ti buch'utic ta stunesic ti jbi ti xi ta xalique: ‘Vu'unun ti Cristoune.’ Oy yan ti xi ta xalique: ‘Xtal xa ma' ti Cristo une.’ Ja'uc le'e, mu xats'acliic.

LEQUIL ACH' C'OP

⁸ Itac'av ti Jesuse: —P'ijanic me, mu me xa ch'unic lo'loel. Yu'un ep much'utic ta xtalic, ti tsp'isbaic chac c'ucha'al vo'one, ja yech chalic chac li'i: “vo'on Cristoon”, “yu'un ista xa sc'ac'alil ti chtale.” Xiic. Pero mu me xba achi'inic.

Tzotzil San Andres

⁸ Li Jesuse itacꞌav: ―Qꞌuelo me abaic, mu me buchꞌu xasloꞌloic. Yuꞌun oy ep buchꞌutic chalic ti jaꞌ sbi li jbie, jech chalic: “Joꞌon Cristoun ti tꞌujbilun yuꞌun Dios ti chajventainique”, xiic. Oy yan jech chalic: “Jaꞌ xa scꞌacꞌalil ta xtal li Cristoe”, xiic. Pero mu me xachꞌunic.

Tzotzil de Huixtán

⁸ Ti Jesuse hech laj yalbe: ―P'ijanic me, mu me xalajic ti lo'lael. Yu'un ep chtalic chalic: “Ho'on Jcoltavanejun”, xchiic. Oy chtal yalic: “Yorail xa ti chtal ti Cristoe”, xchiic. Mu me xach'unic.

San Lucas 21:8 Iomraidhean Croise

Jeremías 29:8

Vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele, jech chacalboxuc: Mu me xavac' abaic ta lo'lael yu'un li j'alc'opetic te oy ta atojolique, xchi'uc li boch'otic sna'ic scuyoj sbaic c'usi chc'ot ta pasele, xchi'uc li boch'otic oy c'usi chil ta xvayechique.

San Mateo 24:11

Ta xlic ep jlo'lavanej j'alc'opetic. Ep boch'otic ta xlajic ta lo'lael.

San Mateo 3:2

jech laj yal: “Suteso avo'ntonic, yu'un nopol xa yorail chlic ventainvanuc li Diose”, xi.

San Mateo 4:17

Ja'o yorail te lic spuc sc'op Dios li Jesuse, jech laj yalbe li cristianoetique: “Suteso avo'ntonic, yu'un jutuc xa sc'an xlic ventainvanuc li Diose”, xi.

San Lucas 17:23

Oy boch'otic jech chlic yalic: ‘Li' xa oye; le' xa oye’, xiic. Pero mu me xaloq'uic batel; mu me xbat achi'inic.

San Lucas 21:7

Jech la sjac'beic li Jesuse: —Jchanubtasvanej, ¿c'usi ora ta xc'ot ta pasel jech le'e? ¿C'usi sq'uelubil chvinaj ti c'alal po'ot xa chc'ot ta pasele? —xutic.

San Lucas 21:9

C'alal chava'yic oy xa pleito, xchi'uc ti oy xa boch'o ta scontrain sbaique, mu me xaxi'ic. Ta persa jech ta xc'ot ta pasel ba'yuc, pero mu to ja'uc slajebal c'ac'al”, xi.

San Juan 5:43

Li vu'une talemun ta sventa li Jtote, pero mu xavich'icun ta muc'. Yan me oy boch'o jech no'ox ta xtal ta yo'nton stuque, ja' chavich'ic ta muc'.

San Juan 8:24

Ja' yu'un laj calboxuc ti te acuchoj amul chachamique, yu'un mu xach'unic ti Vu'une, jech te acuchoj o amul chachamic —xi li Jesuse.

San Juan 8:28

Ja' yu'un jech laj yalbe yan velta: —C'alal chatoyicun muyel, vu'un li Xnich'on cristiano lic'ote, ja' to te chana'ic o ti Vu'une, xchi'uc ti mu'yuc c'usi ta jpas ta jventa jtuque, ti ja' no'ox ta jpas jech chac c'u cha'al xchanubtasojun li Jtot ti la stacun tale.

1 Corintios 6:9

¿Me mu xana'ic ti mu xu' ch-och yo' bu chventainvan Dios li boch'otic chopol c'usitic tspasique? Mu me xalo'la abaic. Yu'un mu xu' ch-ochic yo' bu chventainvan Dios li boch'otic chmulivajique, li boch'otic chich'ic ta muc' c'usi cuybilic ta diose, li boch'otic ta xmulivajic ta xchi'il no'ox sbaic ta antsil xchi'uc ta xchi'il no'ox sbaic ta vinicale,

Efesios 5:6

Mu me xaslo'laoxuc li boch'otic mu meleluc c'usi chalique. Yu'un li boch'otic mu xch'unic c'usitic yaloj Diose, chapal xa sc'oplal chbat stojic.

2 Tesalonicenses 2:3

Me jutuc mu me boch'o xlaj ta lo'lael avu'unic. Yu'un ba'yuc tsta yorail oy boch'o chchibaj yo'ntonic, xchi'uc ta xlic jun ven chopol vinic ti ja' sve'el ch'ayele.

2 Timoteo 3:13

Yan li boch'otic toj chopolique xchi'uc li jlo'lavanejetique, yo'to ech'em ta soquic o batel. Ta xlo'lavanic, pero jech lo'labil stuquic ec.

1 Juan 4:1

Quermanotac, vo'oxuc ti lec jc'anojoxuque, mu me xach'unic c'usi chalic me oy boch'o chayalboxuc ti ja' ac'bil sna'ic yu'un Ch'ul Espiritue. Ja' lec q'uelic ba'yuc me ja' Espíritu yu'un Dios oy ta stojolic, o me ma'uc. Yu'un oy xa ep jlo'lavanej j'alc'opetic li' ta banamil.

2 Juan 1:7

Yu'un oy xa ep jlo'lavanejetic buyuc no'ox ta xanovic, mu xch'unic ti i'ay yich' sbec'tal li Jesucristoe. Li boch'o jech tspasique ja' jlo'lavanejetic, xchi'uc ja' yajcontratac Cristo.

Apocalipsis 1:3

Xcuxet no'ox yo'nton li boch'o chapta xchi'uc li boch'o cha'ay li c'usitic yaloj Dios li'i, xchi'uc me ta xch'unic li c'usitic ts'ibabile, yu'un po'ot xa chc'ot ta pasel.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.