San Lucas 21:34 - Bible in Tzotzil de Chenalhó with Deuterocanon

³⁴ “Q'uelo me aba atuquic. Mu me stsatsub avo'ntonic ta scoj li c'usitic tsc'an abec'talique, ta sventa li yacubele, xchi'uc ta sventa sc'op o'ntonal ti c'u x'elan chacuxiique. Yu'un jech mu ch'ayemuc avo'ntonic c'alal chc'ot ta pasel

Tzotzil Zinacantan

³⁴ ’Qꞌuelo me abaic, mu me jaꞌuc ta avoꞌonic li cꞌusitic liꞌ ta sba balamile, xchiꞌuc li cꞌusitic chal avoꞌonique, xchiꞌuc li yacubele. Mu me jaꞌuc xavat o avoꞌonic ti bu chataic li cꞌusitic chtun avuꞌunique. Ti mi jaꞌ noꞌox ta avoꞌonique, chꞌayem avoꞌonic chul jtaoxuc ti cꞌalal xichaꞌsut tale.

Bible in Tzotzil de Chamula

³⁴ “Bijanic, mu me xyijub avo'ntonic yu'un ti yacubele, mi yan ti c'usi ta xapasique, ti xvulvun no'ox avo'ntonic c'usi xu' ta xavut aba li' ta sba banomile, yo' mu ch'ayaluc avo'ntonic xataeic ti jech c'ac'al taje.

LEQUIL ACH' C'OP

³⁴ »Q'uelo me abaic, mu me xa vac'be permiso lavo'onique ti naca xa ja' tsnop li c'usitic lec chava'i atuquique, ja' li yacubele, xchi'uc ti chavat o avo'onic ti c'uxi cha cuxiique, yo' ti mu ch'ayemuc o avo'onic ti c'alal xc'ot sc'ac'alil xtale.

Tzotzil San Andres

^34-35 ’Qꞌuelo me abaic, maꞌuc noj me batem ta avoꞌonic li cꞌustic oy liꞌ ta balumile, schiꞌuc li cꞌustic chacꞌan atuquique, schiꞌuc li cꞌu sba chacuxiic liꞌ ta balumile. Mi yuꞌun jaꞌ noꞌox te batem o avoꞌonique, chꞌayem avoꞌonic chjul jtaoxuc li cꞌalal chichaꞌtale. Jech chac cꞌu chaꞌal jcot tsꞌiꞌ ti mu sqꞌuel li bu ta xꞌechꞌe, cꞌalal ta xaꞌie ochem ta petsꞌ, jaꞌ noꞌox jech eꞌuc li crixchanoetique, mu snaꞌic cꞌu ora ta xtal li ichꞌ vocol ta spꞌejel balumile.

Tzotzil de Huixtán

^34-35 ’P'ijanic me, mu me ja'uc te batem avo'ntonic c'u che'el lec cha'ech'ic li' ti balumile, hech mu xa ats'aclinojucun c'alal chul jtaoxuc. Yu'un mi hech chapasique, ch'ayem avo'ntonic chul jtaoxuc ti yorail chcale. Hech chaj c'u che'el ti ts'i' mu sna' c'usi ora chba ochuc ti pets', hech ono'ox uc ti crixchanoetique mu sna'ic c'usi ora chtal ti vocole ti sjoylejal balumil.

San Lucas 21:34 Iomraidhean Croise

Génesis 19:32

Ja' lec cac'tic yacubuc li jtotique. Ts'acal jchi'intic ta vayel, yu'un jech ta x'ayin xnich'on cu'untic —xiic.

Génesis 19:35

C'alal i'ic'ub osile, laj yac'beic yuch' pasem ya'lel ts'usub noxtoc li stotique. Li muquile ja' xa la xchi'in ta vayel ec li stote. Li totile muc xa'ay noxtoc c'alal tal mochluc li stsebe, xchi'uc muc xa'ay ti c'alal itots batele.

Génesis 27:14

Li Jacobe bat yic' tal li tentsunetique; vul yac'be li sme'e. Jech te lic smeltsan li ve'lile. Lec mu la spas jech c'u cha'al tsc'an ono'ox li Isaaque.

Salmos 35:8

Ja' ac'o c'otuc ta stojol stuquic li vocole, ch'ayem yo'nton ac'o taaticuc. Te ac'o syac sba stuquic ta syoquic; te ac'o ochicuc stuquic ta xch'enic.

Proverbios 21:4

Li jtoyba satile, li jtoyba o'ntonale, li boch'o chopol yo'ntonique ja' mulil.

Proverbios 23:20

Mu me xachi'in li jyacubeletique xchi'uc li boch'o mu xpaj yo'ntonic ta ve'ele.

Eclesiastés 9:12

Jech noxtoc mu'yuc boch'o sna' c'usi ora chlaj yorail, jech chac c'u cha'al choyetic ti mu sna'ic me tiq'uil chc'otic ta nuti' sventa stsacubile, xchi'uc li mutetic ti mu sna'ic me te ch-ochic ta yoquile. Ja' jech ec li cristianoetique mu sna'ic me oy c'usi chopol chtal ta stojolic, ac'o me jun yo'ntonic.

Isaías 28:7

Jech noxtoc oy yantic ti jeche' xtamlajetic ta scoj poxe, ti jeche' sts'otlajet yacanic ta scoj c'usi tsotsic ta uch'ele. Li paleetic xchi'uc li j'alc'opetique jeche' xtamlajetic ta yacubel ec ta scoj li c'usi tsotsic ta uch'ele. Ivovij sjolic yu'un li pasem ya'lel ts'usube; jeche' xa sts'otlajet yacan chanovic. Xvovet cha'yic ti c'alal oy c'usi ch-ac'bat yilic ta xch'ulelique; mu'yuc xa smelol c'alal chalic c'u x'elan chcom li boch'o chchapanique.

Oseas 4:11

“Li mulivajele, li yuch'el pasem ya'lel ts'usube ja' chch'ayes li c'usi lec ta nopele, li c'usi lec ta pasele.

Levítico 10:9

“C'alal cha'och ta ch'ulna pasbil ta nucule, o me ja' ch-ochic li anich'nabe, mu me xavuch'ic ya'lel ts'usub xchi'uc c'usiuc no'ox yan pajubtasbil, yu'un jech mu xachamic. Ja' jun mantal ta xcom o ta atojolic c'alal ta avalab anich'nabic.

San Mateo 13:22

Li bec' trigo ic'ot ta ch'ixtique, ja' senyail li boch'otic cha'yic sc'op Dios ti ja' no'ox batem yo'ntonic yu'un li c'usitic oy li' ta banamile ti ja' lo'labilic yu'un li sc'ulejalique, jech te net'bil chc'ot o li sc'op Dios ya'yojique. Jech mu satin o.

Marcos 13:9

“Pero li vo'oxuque q'uelo me abaic. Yu'un ta to xavich'ic aq'uel ta c'abal ta stojol jchapanvanejetic, xchi'uc chayac'boxuc nucul ta nail tsobobbailetic. Oy chayic'oxuc batel ta stojol ajvaliletic, xchi'uc ta stojol muc'tic ajvaliletic, pero vu'un ta jcoj; jech te chavalbicun o batel jc'oplal.

Marcos 4:19

ti ja' no'ox batem yo'ntonic yu'un li c'usitic oy li' ta banamile; ja' lo'labil yo'ntonic yu'un li c'ulejalile xchi'uc li c'usitic xpich'et no'ox yo'ntonic yu'une. Jech te net'bil chc'ot o li sc'op Dios ya'yojique, jech mu satin o.

San Lucas 10:41

Itac'ov li Jesuse: —Marta, Marta, ta sventa ti toj ep c'usitic chanop chapase, jech chlo'ilaj avo'nton.

San Lucas 12:40

Ja' no'ox jechoxuc ec li vo'oxuque, chapalucoxuc me. Yu'un c'alal mu'yuc chanopic chital vu'un ti Xnich'on cristiano lic'ote, ja'o chivul ta loq'uel”, xi li Jesuse.

San Lucas 17:3

Q'uelo me aba atuquic noxtoc. “Me oy la sta smul ta atojol jun achi'ile, tsots xataq'ui. Me la sutes yo'ntone, pasbo perdón.

San Lucas 21:35

jech chac c'u cha'al li c'usi ch-och ta yoquile. Yu'un ja' jech chc'ot ta stojol scotol li cristianoetic ta sbejel banamile.

San Lucas 21:8

Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic.

San Lucas 8:14

Li bec' trigo ic'ot ta ch'ixtique, ja' li boch'otic laj xa ya'yic sc'op Diose, ti ja' batem ta yo'nton sc'ulejalique xchi'uc li c'usitic oy li' ta banamile xchi'uc ti c'usitic tsc'an yo'ntonique. Jech te net'bil chc'ot o li sc'op Dios ya'yojique. Jech mu xch'iaj, mu satin o.

1 Corintios 5:11

Li smelol c'usi la jts'ibaboxuc tale ja' ti mu xu' chacap aba achi'uquic li boch'otic quermanotic ta alel ti chmulivajique, ti xpich'et no'ox yo'ntonique, li boch'otic chich'ic to ta muc' c'usitic cuybilic ta diose, li boch'otic chopol chalbeic sc'oplal xchi'ilique, li jyacubeletique, xchi'uc li j'eleq'uetique. Li boch'otic jech tspasique me ja'uc ta ve'el mu xu' chachi'inic.

1 Corintios 6:10

li j'eleq'uetique, li boch'otic xpich'et no'ox yo'ntonique, li jyacubeletique, li boch'otic chopol chalbeic sc'oplal xchi'ilique, xchi'uc li boch'otic tslo'labeic ta mucul c'usi oy yu'un xchi'ilique.

Gálatas 5:20

yich'el ta muc' c'usitic mu ja'uc Dios, ac'chamel, contrainvanej, liquesejc'op, ti'o'ntavanej, sbic'tal o'ntonal, tsalbail, voc'bail, sa'el c'usi lec ta ch'unel chca'itic,

Deuteronomio 29:19

“C'alal me laj xa ava'yic scotol li c'usitic albil ono'ox chc'ot ta pasele, me oy boch'o chlic snop avu'unic ti toj lec cha'ay sbae, me jech chlic yale: ‘Li vu'une toj lec chbat cu'un scotol, manchuc me ta jpas li c'usi tsc'an co'ntone’, me xie. Le'e ja' ta scoj me layavnaijic acotolique.

Filipenses 4:6

Mu me c'usi xlo'ilaj avo'ntonic yu'un. Me oy c'usi sc'an avu'un chava'yique, c'anbeic Dios, vocoletanic ta stojol, xchi'uc tojbeic ta vocol.

Hebreos 12:15

Q'uelilanic me ti mu me oyuc boch'o mu sta li coltael chijyac'butic Diose, yu'un me yan o yo'ntone xu' jech chc'ot jech chac' c'u cha'al yibel ch'ail ts'i'lal, jech xu' ep boch'o chlic socuc yu'un.

2 Pedro 3:10

Li sc'ac'alil c'alal chtal Cajvaltique ja' jech chac c'u cha'al jun j'elec'. Ta sc'ac'alil le'e, tsots xvo'et c'alal chc'ac' li vinajele. Li c'usitic oy ta vinajele ta x'ul ta c'oc'. Jech noxtoc li banamile xchi'uc scotol li c'usitic te oye ta xlaj scotol.

2 Pedro 3:14

Ja' yu'un vo'oxuc ti lec jc'anojoxuque, c'alal chamalaic ta xc'ot ta pasel jech chac le'e, aq'uic persa ti junuc avo'ntonic, ti mu'yucuc avic'ubalic, ti mu'yuc amulic chvul staoxuc li Diose.

Apocalipsis 3:3

Vuleso me ta ajolic li c'usi laj ava'yic, xchi'uc ti c'u x'elan lachanubtasatic ta sliquebe. Ja' me ch'unic o. Suteso me avo'ntonic. Me mu xaq'uel abaique, ta xital ta atojolic jech chac c'u cha'al j'elec'; mu xana'ic c'usi ora chital.

1 Samuel 25:36

C'alal isut batel ta stojol smalal li Abigaile, te tspas jun q'uin c'ot sta li smalale; chac' lec ve'el. Xco'laj xchi'uc spas q'uin jun ajvalil tspas. Li Nabale toj xcuxet no'ox yo'nton, yu'un yacuben xa lec. Ja' yu'un li Abigaile muc xalbe ya'ay ta ora smalal li c'usi la spase; ja' to laj yalbe ta yoc'omal.