San Lucas 21:27 - Bible in Tzotzil de Chenalhó with Deuterocanon

²⁷ Ja'o ta xilic chiyal tal ta toc, vu'un ti Xnich'on cristiano lic'ote. Ep jtsatsal xchi'uc tsots jxojobal chital.

Tzotzil Zinacantan

²⁷ Chil scotol crixchanoetic ti oy jyuꞌele, ti oy jxojobal ti cꞌalal xiyal tal ta ba toc ta balamil voꞌon ti coꞌol crixchanootique.

Bible in Tzotzil de Chamula

²⁷ Va'i un, ti co'ol j'elantique, ja' o ta xiyilicun ta xital ta ba toc xchi'uc ti jmuc'ul jtsatsale, ti jlequil cutsile.

LEQUIL ACH' C'OP

²⁷ Chil scotol crixchanoetic ti oy jyu'ele, ti oy jxojobal ti c'alal xiyal tal ta ba toc ta balamil vo'on ti Xch'amal crixchano li c'ote.

Tzotzil San Andres

²⁷ Jaꞌ xa o ta xilic scotol li crixchanoetique ti chiyal talel ta toc ta vinajel schiꞌuc jtsatsal schiꞌuc juꞌel, joꞌon li coꞌol crixchanoutique.

Tzotzil de Huixtán

²⁷ Ja' yorail chiyal tal ti vinajel xchi'uc toc, ho'on ti co'ol crixchanoucutique. Chiyilucun scotol crixchanoetic. Chilic ti jelaven jp'ijile, ti lum lec ti jquevale.

San Lucas 21:27 Iomraidhean Croise

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

San Mateo 24:30

Ja'o ta xvinaj tal senyail ta vinajel ti chital, vu'un ti Xnic'on cristiano lic'ote. Scotol jaychop cristianoetic ta sbejel banamil ta x'oq'uic ta scoj xi'el. Ta xilic chiyal tal ta toc ta vinajel xchi'uc ep jtsatsal xchi'uc tsots jxojobal, vu'un ti Xnich'on cristiano lic'ote.

San Mateo 25:31

Jech laj yal noxtoc li Jesuse: “C'alal chital jchi'uc jxojobal, vu'un ti Xnich'on cristiano lic'ote, ta jchi'in tal scotol li ch'ul j'almantaletique; ja'o chlic chotlicun ta jchotleb ti jun yutsil slequile.

San Mateo 26:64

Itac'ov li Jesuse: —Vo'ot chloc' ta ave atuc ti vu'une. Chacalboxuc ava'yic, vu'un ti Xnich'on cristiano lic'ote, ta to xavilic chotolun ta sbats'ic'ob li Boch'o ech'em svu'ele. Ta to xavilic chital ta toc ta vinajel —xi li Jesuse.

Marcos 13:26

Ja'o ta xilic ta xiyal tal ta toc xchi'uc ep jtsatsal xchi'uc jxojobal, vu'un ti Xnich'on cristiano lic'ote.

San Lucas 21:26

Li cristianoetique ch-alubic ta scoj xi'el, xchi'uc ta scoj sc'op o'ntonal li c'usitic chtal li' ta banamile. Yu'un scotol li c'usitic oy ta vinajele ta xnic scotol.

Apocalipsis 1:7

A'yo ava'yic, li Cristoe ta xyal tal ta toc. Scotol cristianoetic ta xil ta satic, xchi'uc ta xilic ec li boch'otic la smilique. Scotol jnaclumetic ta banamil ta x'oq'uic yu'un. Ta melel jech chc'ot ta pasel. Jechuc.

Apocalipsis 14:14

C'alal te jq'ueloje, laj quil jun saquil toc. Ta sba li toque oy boch'o te chotol xco'laj xchi'uc cristiano. Oy scoronail sjol pasbil ta c'anal taq'uin, xchi'uc stsacoj jun sjoz lec juxbil ye.