San Lucas 21:25 - Bible in Tzotzil de Chenalhó with Deuterocanon

²⁵ “Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

Tzotzil Zinacantan

²⁵ ’Ti cꞌalal poꞌot xaꞌox xichaꞌsut tale, oy seña ta cꞌacꞌal, xchiꞌuc ta jchꞌulmeꞌtic, xchiꞌuc ta cꞌanaletic. Li crixchanoetic ta sjunlej balamile chiꞌic tajmec yuꞌun tsots tajmec chyucꞌyonaj li mare, xvoꞌoꞌet xa tajmec.

Bible in Tzotzil de Chamula

²⁵ “Ti ta sat c'ac'ale, oy c'usi ta xvinaj senyailtac, senyailtac ta u, senyailtac ta c'analetic. Ti jujun muc'tiquil lum li' ta banomile, mu stac' a'yeluc ta xa'iic c'usi xu' ta spasic yu'un xi'elal ti tsots xjumumet ti muc' ta nabe, ti xva'i xcotij syuc'benal ti vo'e.

LEQUIL ACH' C'OP

²⁵ »Ti c'alal po'ot xa'ox xicha'sut tale, oy seña ta c'ac'al, xchi'uc ta jch'ulme'tic, xchi'uc ta c'analetic; li crixchanoetic ta sjunlej balamile, mu xa a'ibaj c'usi tspasic, chi'ic tajmec yu'un tsots tajmec chyuc'yonaj li mare, xvo'o'et xa tajmec.

Tzotzil San Andres

²⁵ ’Li cꞌalal poꞌot xaꞌox chichaꞌtale, oy cꞌusi ta xvinaj ta vinajel ti toj xiꞌel sba, toj labal sbae. Yuꞌun ta xcꞌataj li cꞌacꞌale, schiꞌuc li ue, schiꞌuc li cꞌanaletique. Jech nojtoc ta xjeltaj li cꞌu sba ta xnic li nabe. Más to tsots ta xyuqꞌuilan sba jech ta xiꞌic o li crixchanoetic ta spꞌejel balumile.

Tzotzil de Huixtán

²⁵ ’Te ti vinajel chjel ti c'u che'el ono'ox ch-abtejic ti c'ac'ale, ti ue, ti c'analetique. Ja' no'ox hech uc li' ti balumile chjel ti c'u che'el ono'ox ch-abtej ti nabe. Más tsots chc'opoj ti nabe, más tsots tsyuques sba ti jyalel hech yu'un chi'ic scotol ti crixchanoetic li' ti balumile.

San Lucas 21:25 Iomraidhean Croise

Salmos 46:3

ac'o me tsots chbac' nab, ac'o me ep tsyuq'uilan sba, ac'o me chnic xa vitsetic yu'un li stsatsale.

Isaías 13:10

Li c'analetic ta vinajel xchi'uc li jujutsob c'analetique mu xa xac' xojobalic. Li c'ac'al c'alal ja' to no'ox chloc' tale, ta ora ch-ic'ub; li ue mu xa xac' xojobal noxtoc.

Isaías 17:12

A'yo ava'yic, le' xa ch-avanic tal epal cristianoetic ta yantic banamil; xc'uletic no'ox tal jech chac c'u cha'al chbac' muc'ta nab; xvochetic no'ox tal jech chac c'u cha'al chbac' nojelal uc'um.

Isaías 24:23

C'alal chlic abtejuc jech chac c'u cha'al muc'ta ajvalil te ta vits Sión ta Jerusalén li Muc'ul Dios ti ech'em svu'ele, chlic macuc xojobal li u xchi'uc c'ac'ale; li banquilaletic te ta lum yu'une ta xilbeic slequilal yutsilal li Muc'ul Diose.

Isaías 5:30

C'alal tsta sc'ac'alil chtal li yantic banamile, x'avetic no'ox tal ta scontrainel lum Israel jech chac c'u cha'al c'alal xvo'et no'ox muc'ta nabe. Me oy boch'o tsq'uel li banamile, chvinaj ti ch-ic'ube, xchi'uc chvinaj ti ch-ic'ub ta pimil toc li vinajele.

Isaías 51:15

“Vu'un Muc'ul Diosun avu'un; Muc'ul Dios ech'em stsatsal, xi li jbie. Vu'un la jyuc' li nabe; laj cac' vo'etuc li yip ti xyuc'lajet no'oxe.

Jeremías 4:23

C'alal la jq'uel li banamile, ja' to laj quil ti xch'ijan, ti yavnaijem oe; c'alal la jq'uel noxtoc li vinajele, mu'yuc xa c'usi yac'oj xojobal o.

Daniel 12:1

‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

Miqueas 7:4

Li boch'o lec yo'nton yu'unique ja' jech chac c'u cha'al ch'ix c'otem; li boch'o tuc' yo'ntonic yilele ja' jech xchopolilic jech chac c'u cha'al pimilal ch'ixtic. Pero tsta sc'ac'alil ta xich'beic stojol smulic, jech chac c'u cha'al laj yal li jq'uel-osiletic yu'unic ta toyol, ja' li j'alc'opetique. Jech chlic capijuc sjolic o.

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

San Mateo 27:45

C'alal ista o'lol c'ac'ale, i'ic'ub osil. Ic' icom c'alal to ta o'lol syalel c'ac'al.

Marcos 13:24

“C'alal me i'ech' scotol li vocoletic laj calboxuque, ja'o ta x'ic'ub li c'ac'ale., Mu'yuc ta xac' xojobal li ue.,

Marcos 13:26

Ja'o ta xilic ta xiyal tal ta toc xchi'uc ep jtsatsal xchi'uc jxojobal, vu'un ti Xnich'on cristiano lic'ote.

Marcos 15:33

C'alal o'lol xa'ox c'ac'ale, i'ic'ub osil ta scotol li banamile. Ic' icom c'alal to ta o'lol syalel c'ac'al.

San Lucas 21:24

Oy ta xmilatic ta espada. Oy chucbil chbatic ta yantic banamil. Li lum Jerusalén li'i chlaj ta pech'el ta teq'uel yu'un yanlum cristianoetic, ja' to me its'aqui sc'ac'alil yu'unique.

San Lucas 21:26

Li cristianoetique ch-alubic ta scoj xi'el, xchi'uc ta scoj sc'op o'ntonal li c'usitic chtal li' ta banamile. Yu'un scotol li c'usitic oy ta vinajele ta xnic scotol.

Hechos 2:19

Ta xcac' ta ilel muc'tic sq'uelubiltac ta vinajel, ta xcac' tsots senyailtac ta banamil; ja' ch'ich' xchi'uc c'oc', xchi'uc epal ch'ayil.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.