San Lucas 21:24 - Bible in Tzotzil de Chenalhó with Deuterocanon

²⁴ Oy ta xmilatic ta espada. Oy chucbil chbatic ta yantic banamil. Li lum Jerusalén li'i chlaj ta pech'el ta teq'uel yu'un yanlum cristianoetic, ja' to me its'aqui sc'ac'alil yu'unique.

Tzotzil Zinacantan

²⁴ Oy jlom chamileic ta espada. Oy jlom chachuqueic, chaꞌiqꞌueic echꞌel ta yantic o balamil. Li namal crixchanoetique chtal yixtalanic sjunlej li Jerusalene. Liꞌic o ti cꞌu sjalil ch-acꞌbatic permiso yuꞌun ti Rioxe.

Bible in Tzotzil de Chamula

²⁴ Ti jlome espada xve' yu'unic. Ti jlome chucbil ta xbatic ta jujun muc'tiquil lum. Ti jyanlumetique ta soquesic ta xpech'ilanel ta teq'uel ti jteclum Jerusalene ja' to mi ts'aqui sc'ac'alil ti c'u sjalil ta x'ac'bat spasique.

LEQUIL ACH' C'OP

²⁴ Oy jlom chamileic ta espada, oy jlom chachuqueic ech'el ta yantic o balamil; li jyan lum crixchanoetique ta stec'ulanic comel li Jerusalene, ja' to mi its'aqui sc'ac'alil ti c'u sjalil ch-ac'bat spasique.

Tzotzil San Andres

²⁴ Oy noꞌox buchꞌu avuꞌunic chamileic ta machita. Oy noꞌox buchꞌu avuꞌunic chachuqueic, chaꞌiqꞌueic batel ta yosilal jyanlum crixchanoetic. Jech lachꞌayic o, joꞌoxuc ti liꞌ toꞌox nacaloxuc ta jteclum Jerusalene. Li jyanlum crixchanoetique iꞌoch xa ta sbaic li jteclume, jaꞌ xa ti cꞌusi tspasbeique. Jaꞌ to mi itsꞌaqui li cꞌu sjalil ta xꞌacꞌbat yichꞌic ta venta yuꞌun li Diose, jaꞌ to chjeltaj yajval.

Tzotzil de Huixtán

²⁴ Chmilatic ti espada. Ti much'u cuxajtic toe chchucatic, hech patil chpucatic batel ti slumal yanlum crixchanoetic. J'ech'el chlaj yipic o ti jchi'iltic ti li' nacajtic ti jteclum li'to. Ja' j'ech'el tsventainic ti yanlum crixchanoetic avi jteclum li'to, chixtanic ja'to mi ista yorail yu'un ti Diose ti tsjelbe yajval stuc.

San Lucas 21:24 Iomraidhean Croise

Génesis 34:26

Te la smilic comel ta espada noxtoc li Hamor xchi'uc Siqueme. Jech noxtoc laj yiq'uic batel li yixlalic ti te xa'ox oy ta sna li Siqueme.

Éxodo 17:13

Jech li Josuee ivu' yu'un la smilic ta espada scotol li amalequetique.

Isaías 5:5

Lec oy, chacalboxuc ava'yic c'usi ta jpasbe li ts'usubtic cu'une: ta jloq'uesbe li scoralile yu'un jech ac'o yich' ulesel; ta jvuq'uesbe li scoraltonale yu'un ac'o tal yich' pech'ilanel ta teq'uel.

Isaías 63:18

Yu'un mu'yuc jal laj yu'unin yosilalic li ach'ulnich'nabe; li j'uts'intavanejetique laj xa xpech'ilanic ta teq'uel li ch'ulna avu'une.

Isaías 66:12

Yu'un jech yaloj li Muc'ul Diose: “Vu'un ta xcac'be tal jun o'ntonal li lum Jerusalene; ja' jech ta jmalbe tal jech chac c'u cha'al uc'um. Ja' ta xcac'be scotol sc'ulejal li yantic banamile; ja' jech pulbil ta xcac'be jech chac c'u cha'al nojelal uc'um. Ja' xa chlic smac'linoxuc acotolic li lum Jerusalene; chaspetoxuc lec ta sc'ob, chascajanoxuc lec ta sba yo'.

Isaías 66:19

Ta xcac'be yilic jun senyail; oy to boch'o ta xcac' jatovicuc batel yu'unic. Ta xcac' baticuc ta yantic banamil: ta Tarsis, ta Fut, ta Lud, ti bu lec sna'ic spiquel flechaetique, xchi'uc ta jtaquic batel ta namal banamil ta ti'ti' nab ti bu mu'yuc ono'ox ya'yojbicun jc'oplale, ti mu'yuc ono'ox yilojic jlequilale. Ja' ta xcac' spucbicun batel jc'oplal ta stojol yantic banamiletic.

Lamentaciones 1:15

Li Muc'ul Diose la sloq'uesbun batel ta jtojol li tsatsal viniquetic cu'un ti ja' chiscoltaicune. La stacbun tal jtsob soldadoetic, yu'un tal smilbicun li soldadoetic cu'une. Li Muc'ul Diose la xpech'bun ta teq'uel li jnaclumetic cu'un ti ja' jechic jech chac c'u cha'al tojol tsebetique, ja' jech la spasbe jech chac c'u cha'al chich' pech'el ta teq'uel sat ts'usub sventa chich' pits'bel ya'lele.

Daniel 12:7

Li boch'o te va'al ta ba uc'ume la stoy muyel xchibal sc'ob ta vinajel, jech laj yal ta jamal ta stojol li Dios ti cuxul o sbatel osile: ‘Ta o'lol xchanibal jabil, ja'o c'alal chlaj sc'oplalic ta tsatsal uts'intael li yu'untac Diose, ja'o ta xc'ot ta pasel scotol’, xi.

Daniel 8:13

“Ts'acal laj ca'ay chc'opoj j'almantal, pero oy yan j'almantal jech la sjac'be li yan chc'opoje: ‘¿Baq'uin to chlaj sc'oplal li c'usi chopol chich' pasel te ta scajleb li milbil matanal chich' aq'uel scotol c'ac'ale, xchi'uc li c'usi toj chopol chich' pasel te ta xch'ulna Dios ta sventa ti ochem o ta c'abale, xchi'uc li pech'el ta teq'uel ta stojol yu'untaque?’, xi.

Daniel 9:27

Ta to xtal yan jun xemuna noxtoc; li ajvalile ja'o oy ep boch'otic oy c'usi chchapanic xchi'uc. C'alal o'lol x'ech' li xemunae, ta xlaj sc'oplal yaq'uel li milbil matanale xchi'uc li yantic matanale. Toj ven chopol c'usi chlic yich' pasel te ta scajleb smoton Dios, ja' to me ic'ot ta pasel chich' ulesel li boch'o chac' ta pasel c'usi chopol jech chac c'u cha'al chapanbil ono'ox sc'oplale’, xiyutun li Gabriele”, xi li Daniele.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

San Lucas 21:25

“Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

Romanos 11:25

Quermanotac, ta jc'an chana'ic c'usi chapal yu'un Dios ti mu'yuc to'ox boch'o la sna'e, yu'un jech mu xanopic ti lec xana'ique. Li' ta orae tsatsuben yo'ntonic li israeletique, pero ja' no'ox me its'aqui ti c'u yepal sc'oplal ch-ic'atic li yanlum cristianoetique,

Hebreos 11:34

Oy itic'atic ta muc'ta c'oc', muc xc'aq'uic. Oy chmilatic ox ta espada, pero icolic batel. Ja' ic'ataj ta stsatsalic li yalubenal sbec'talique. Jech oy lec ivu' yu'unic paspleito; la snutsic batel yanlum soldadoetic.

Apocalipsis 11:2

Yan li yamaq'uil ta spate mu me xatsac ta bisel, yu'un cac'ojbe xa ta sc'ob yanlum cristianoetic. O'lol xchanibal jabil chtal xpech'ilanic ta teq'uel li ch'ul lume.