San Lucas 20:47 - Bible in Tzotzil de Chenalhó with Deuterocanon

⁴⁷ Jech noxtoc ta spojbeic c'usi oy yu'un li me'on antsetique. Lec xa jal ta sc'opanic Dios scuyoj sbaic yilel. Le'e tsots ta x'ac'bat stoj smulic”, xi li Jesuse.

Tzotzil Zinacantan

⁴⁷ Ta sloꞌlobeic cꞌusuc yuꞌun li meꞌanal antsetique. Yech noꞌox ti jal tscꞌoponic Rioxe, jaꞌ noꞌox yoꞌ mu xvinaj o ti chopol cꞌusi tspasique. Yechꞌo un más castico chichꞌic ―xꞌutatic la yuꞌun ti Jesuse.

Bible in Tzotzil de Chamula

⁴⁷ Naca spojbel no'ox yu'unic sna ti me'lal antsetique. Yo' mu xvinaj ti jech ta spasique, jal ta xc'opoj xti'inic. Taje, tsots ta xich'ic tsitsel.

LEQUIL ACH' C'OP

⁴⁷ Ta spojbeic sna li me'anal antsetique, yo' mu c'usi smañaic o yilele, jal ta jmec ta sc'oponic ti Rioxe. Yech'o un más to tsots castico chich'ic.» ―X'utatic yu'un ti Jesuse.

Tzotzil San Andres

⁴⁷ Jech nojtoc ta sloꞌlobeic li cꞌustic oy yuꞌun li meꞌanal antsetique. Jaꞌ yuꞌun altic ti jal ta staic ta naꞌel li Diose. Ta onoꞌox xichꞌic tsots vocol ―xi li Jesuse.

Tzotzil de Huixtán

⁴⁷ Tspojbeic ti c'utic oy yu'un ti me'on antsetique. Ti c'u che'el chch'umbatic smantalique yu'un chaq'uic ti q'uelel ti hal tsc'oponic Dios. Hech yu'un jelaven chich'ic castigo stuquic ―xchi ti Jesuse.

San Lucas 20:47 Iomraidhean Croise

Isaías 10:2

Mu'yuc xa tuc' chachapanic li boch'o mu xu' tspoj sbaique; mu'yuc xa ta avo'ntonic li boch'otic abul sbaic te ta stojol jteclumale. Chapojbeic c'usitic oy yu'un li me'on antsetique; chavelc'anbeic c'usitic oy yu'unic li me'on ololetique.

Ezequiel 22:7

Li jnaclumetic avu'une mu xich'ic ta muc' li stot sme'ique. Abul sbaic ta uts'intael yu'unic li yanlumetic te nacalique, xchi'uc la spojbeic c'usitic oy yu'unic li me'on antsetique xchi'uc li me'on ololetique.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Amós 2:7

Solel la xpech'ic ta teq'uel ta pucuctic li boch'otic mu'yuc stu ch-ilatique; mu'yuc tuc' la xchapanic li boch'o abul sbaique. Li querem xchi'uc stote la scoman chi'inic ta vayel li jun tsebe; ja' jech la soquesbicun o jc'oplal.

Miqueas 2:2

Xpich'et no'ox yo'ntonic yu'un li yosil xchi'ilique, jech chbat spojic; chac xa yu'unuc ya'yic li sna xchi'ilique, jech chbat spojic noxtoc. Chuts'intaic li xchi'iltaquique; chac'beic svocol c'alal ta yajnil xnich'nab, xchi'uc tspojbeic li c'usitic ac'bil comel yu'un stot sme'e.

Miqueas 2:8

Jech chal li Muc'ul Diose: “Li vo'oxuque chacontrainic xa li jteclumale; chapojbeic sc'u' noxtoc li boch'otic te chjelovique. Ja' jech chapasbeic jech chac c'u cha'al avajcontraic ti c'alal oy muc'ta c'ope.

Miqueas 3:2

Pero li vo'oxuque ja' chac'anic li c'usitic chopole; ja' abajojic li c'usitic leque. Chacho'beic loq'uel c'alal ta snuculil ya'yel li jteclumale; yu sbaquil xa telel chcom avu'unic.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

Marcos 12:40

Xchi'uc ta slo'labeic c'usitic oy yu'un me'on antsetic. Jal ta sc'opanic Dios yileluc sventa ta smacbeic sat li cristianoetique. Le'e tsots ta x'ac'bat stoj smulic”, xi li Jesuse.

San Lucas 12:1

C'alal ja'o chlo'ilaj li Jesuse, la stsob sbaic tal ta stojol ep ta mil cristianoetic; te ta snet'ilan sbaic scotolic. Li Jesuse ba'yuc jech laj yalbe li yajchanc'optaque: “Q'uelo me abaic ta sventa svolesubil xch'ut pan yu'un li fariseoetique, yu'un ja' no'ox chlo'lavanic.

San Lucas 20:46

“¿Q'uelo me abaic yu'un li boch'otic lec xchanojic smantal Diose? Yu'un ja' no'ox lec cha'yic ti nat sc'u' tslapic c'alal chloq'uic ta xanubale, xchi'uc ti nupbil sc'obic ta jujun cuxub o'ntonal ta yut lume, xchi'uc ti ja' ta st'ujic sliqueb chotlebal ta nail tsobobbailetique xchi'uc ti c'alal yorail oy lec ve'ele.

San Lucas 21:1

Li Jesuse la stoy sat; laj yil ti oy jc'ulejetic ta xaq'uic smoton Dios te ta yavile.

1 Tesalonicenses 2:5

Xana'ic lec ti mu'yuc bu lec xa xic'opojcutic ta sventa yu'un oy c'usi ac'o avac'buncutic. Mu'yuc bu xilo'lavancutic ta sventa yu'un xpich'et co'ntoncutic yu'un ataq'uinic. Ja' testigo cu'uncutic li Diose.

SUN TITO 1:16

Chalic ti xotquinic Diose pero ta sventa c'usitic tspasic chvinaj ti mu meleluque. Solel bolibenic o, jbajmantaletic o; mu'yuc stuic o ta sventa li lequil abtele.

Santiago 3:1

Quermanotac, mu me epuc xa'ochic ta jchanubtasvanej. Na'ic me vu'uncutic ti ochemuncutic ta jchanubtasvaneje tsots chquich'cutic ich'bel jc'opcutic.