San Lucas 2:4 - Bible in Tzotzil de Chenalhó with Deuterocanon

⁴ Jech ec li Josee iloc' batel ta lum Nazaret ta Galilea banamil. Ibat ta lum Belén te ta Judea banamil, yu'un ja' te ivoc' li smoltot ta vo'onee, ja' li Davide.

Tzotzil Zinacantan

^4-5 Ti Josee ilocꞌ la ta jteclum Nazaret ta estado Galilea, ibat la ta estado Judea. Icꞌot la ta jteclum Belén yuꞌun la jaꞌ tey ayanem ti smucꞌtatot ti ta voꞌnee, jaꞌ la ti Davide. Jaꞌ la slumal ti Jose uque, yechꞌo la ti tey ba yacꞌ ta tsaquel sbiic ta Belén xchiꞌuc ti yajnile, jaꞌ ti Maríae. Pero mu toꞌox la bu chcol.

Bible in Tzotzil de Chamula

⁴ Ti jech taje, ti Josee loc' batel ta jteclum Nazaret ti oy ta Galilea, bat ta jteclum Belén bu voc' ti ajvalil David ti oy ta Judeae, yu'un ti Josee ja' snitilul ti Davide.

LEQUIL ACH' C'OP

⁴ Ti Josee iloc' ech'el ta jteclum Nazaret ta yosilal Galilea, ibat ta yosilal Judea ic'ot ta jteclum Belén, yu'un ja' tey slumal ti rey Davide, yu'un ti Josee ja' smuc'tatot ti Davide.

Tzotzil San Andres

⁴ Li Josee ilocꞌ batel ta jteclum Nazaret li te ta Galilea balumile, ibat ta Judea balumil. Te icꞌot ta jteclum Belén yuꞌun te ivocꞌ li smoltot ta voꞌonee, jaꞌ li Davide.

Tzotzil de Huixtán

⁴ Hech yu'un ti Josee iloc' batel ti jteclum Nazaret sbi, te ti estado Galilea. Imu batel ti estado Judea. Te ic'ot ti jteclum yo' bu i'an ti antiguo statamole. Ja' David sbi ti antiguo statamole ti Josee. Belén sbi ti jteclume.

San Lucas 2:4 Iomraidhean Croise

Génesis 35:19

Ja' jech ic'ot ta pasel c'alal icham li Raquele. Te la smuquic comel ta sbelal Efrata, ja' li Belén sbi ta orae.

Génesis 48:7

C'alal liloc' ta Padan-arame, te icham tal ta be ta yosilal Canaán li ame'e, ja' li Raquele. Jutuc xa'ox sc'an xivulcutic ta Efrata ti c'alal ichame. Jech te la jmuc comel ta sbelal Efrata, ti bu Belén xa sbi ta orae —xi li Israele.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

San Mateo 1:20

C'alal jech snopoj li Josee, ivaychin. Ta xvayech laj yil jun yaj'almantal Dios, jech i'albat: “José, vo'ot smomnich'onot David, mu xaxi' chavic' li Mariae, yu'un li yol xchi'inoje ja' ac'bil yu'un Ch'ul Espíritu.

San Mateo 2:23

Te bat nacluc ta jun lum Nazaret, yu'un jech ac'o c'otuc ta pasel ti laj yal yaj'alc'optac Dios ta vo'one, te liquem tal ta Nazaret, xi sc'oplale.

San Lucas 2:3

Jech scotol cristianoetic bat yac' ta tsaquel sbiic ta slumal stuquic.

San Lucas 2:5

Jech te ibat yac' ta tsaquel sbiic ta Belén xchi'uc li Mariae, ja' li yajnile. Li Mariae oy xa'ox xch'ut.

San Lucas 4:16

Li Jesuse ibat ta Nazaret ti bu ich'ie. C'alal ja'o sc'ac'alil chcux yo'ntonique, te i'och ta nail tsobobbail, yu'un jech ono'ox stalel o. Te iva'i, yu'un ta xapta sc'op Dios.

San Juan 1:46

Itac'ov li Natanaele: —¿Me oy sc'oplal oy boch'o lec ta xloc' te ta lum Nazarete? —xi. —Batic, bat jq'ueltic avil —xi li Felipee.

San Juan 7:42

Ts'ibabil comel ta sc'op Dios ti ja' te chlic ta stojol smomnich'nab li Davide, xchi'uc ti te ta xvoc' ta Belén yo' bu slumal li Davide —xiic.

Rut 1:19

Jech te ibatic xchibalic; te ic'otic ta Belén. C'alal ic'otic ta Belene, li yajvaltac lume labal laj ya'yic. Jech laj yalic li antsetique: —¿Me mu ja'uc Noemí le'e? —xiic.

Rut 2:4

Li Booze ibat ta Belén; te c'ot sc'opan li svinictaque, jech laj yalbe: —Ac'o xchi'inoxuc li Muc'ul Diose —xut. —Jech ac'o yac'bot ep bendición ec li Muc'ul Diose —xi itac'ovic.

Rut 4:11

Li banquilaletique xchi'uc li boch'otic te oyique jech laj yalic: —Lec oy, vu'un testigo chicomcutic. Li Muc'ul Diose ac'o yac' ti xu' chavic' li Rute; ac'o comuc jech chac c'u cha'al Raquel xchi'uc Lea ti ja' la sliquesic sts'unubal li Israele. Vo'ot lec ich'bil ta muc' chacom li' ta Efrata, xchi'uc oy lec ac'oplal chcom li' ta Belén.

Rut 4:17

Li antsetic ti nopol nacalic xchi'uc Noemie jech laj yalic: —Ivoc' xa jun squerem li Noemie —xiic. Obed laj yac'beic sbi li quereme. Li Obede ja' stot li Isaie; ja' smoltot li Davide.

1 Samuel 16:1

Li Muc'ul Diose jech laj yalbe li Samuele: —¿Baq'uin to ch-ech' at-o'nton chava'ay ta sventa li Saule? Yu'un li vu'une mu xa jc'an ti ja' ajvalil o yu'un li achi'iltaque. Ja' lec nojeso batel ta aceite li acachue; batan ta sna Isaí te ta Belén, yu'un jt'ujojbe xa jun xnich'on sventa ch-och ta ajvalilal —xut.

1 Samuel 16:4

Li Samuele la spas c'usi i'albat yu'un li Muc'ul Diose. C'alal ic'ot ta Belene, te ital nupatuc ta be yu'un li moletic te ta lume, pero ta xi'el italic. Jech la sjac'beic: —¿Me tal apatbun co'ntoncutic? —xutic.

1 Samuel 17:12

Oy jun vinic te nacal ta Belén, Isaí sbi. C'alal ja'o ochem ta ajvalilal li Saule, mol xa'ox li vinique. Oy vaxquib xnich'nab; li slajebe ja' David sbi.

1 Samuel 17:58

Jech la sjac' li Saule: —Querem, albun ca'ay boch'o atot —xut. Itac'ov li Davide: —Ajvalil, ja' jtot li Isaí te nacal ta Belene —xut.

1 Samuel 20:6

Me la sjac'bot bu oyun li jtotique, jech xavalbe: ‘Ibat ta slumal ta Belén; ta anil no'ox la sc'an sc'ac'al yu'un la ibat xchi'in xchi'iltac te ta slumal ta Belén, yu'un la ja' yorail chac'beic smoton Dios ta sventa jujun jabil’, uto.