San Lucas 2:36 - Bible in Tzotzil de Chenalhó with Deuterocanon

³⁶ Te oy noxtoc jun ants Ana sbi; ja' yaj'alc'op Dios ec. Ja' stseb li Fanuele; ja' liquem ta jchop sts'unubal Aser. Me'el xa li Anae. Vucub no'ox jabil laj yic' sbaic xchi'uc smalal;

Tzotzil Zinacantan

³⁶ Jaꞌo la tey ta tiꞌ templo jun jꞌisraelal ants, Ana la sbi. Yajꞌalcꞌop Riox la. Fanuel la sbi ti ánima stote. Jaꞌ la smucꞌtatot ti Aser ti ta más voꞌnee. Meꞌel xa la ti Anae. Vucub noꞌox la jabil oy smalal yuꞌun la icham ti vinique.

Bible in Tzotzil de Chamula

³⁶ Ti bu taje, oy jun ants, Ana sbi, ti yayil xae, ti oy ta stojol ta yalel ti c'usi ta x'ac'bat sna' yu'un ti Diose, ti ja' yantsil nich'on ti Penuele, snitilul ti Aser sbie. Tseb to ox ti malije, ja' no'ox vucub (7) jabil laj yic' sbaic xchi'uc ti smalale.

LEQUIL ACH' C'OP

³⁶ Ja'o tey noxtoc jun j'alc'op ants Ana sbi, ja' stseb ti Penuele, ja' smuc'tatot ti Aser ti ta más vo'nee. Me'el xa ox tajmec ti Anae. Tseb to'ox tajmec ti c'alal inupune, vucub no'ox jabil iyic' ti smalale;

Tzotzil San Andres

³⁶ Te oy ta yamaqꞌuil li mucꞌta chꞌulna jun jꞌisraelal ants, Ana sbi. Jaꞌ ta xal scꞌop Dios eꞌuc. Jaꞌ yantsilnichꞌon Fanuel, jaꞌ smoltot ta voꞌone li Asere. Meꞌel xa li Anae. Jucub noꞌox jabil laj yicꞌ sbaic schiꞌuc li smalale yuꞌun icham.

Tzotzil de Huixtán

³⁶ Te oy uc ti yut templo jun ants, Ana sbi. Ja' j'alc'op yu'un Dios uc ti Anae. Ja' judio ants ti Anae, ja' stseb ti Fanuele ti oy ti jchop yu'un ti Asere. Me'el xa ti Anae. Hucub no'ox habil laj yic' sbaic xchi'uc ti smalale, patil icham ti smalale.

San Lucas 2:36 Iomraidhean Croise

Génesis 30:13

Li Leae jech laj yal: “¡Toj xcuxet co'nton! Li antsetique xu' chalic ti lec xa xcuxet co'ntone. Ja' yu'un li olole Aser ta sbiin”, xi.

2 Reyes 22:14

Jech ibat li pale Hilquiase, xchi'uc li Ahicam, Acbor, Safán, xchi'uc Asaiase. Ibatic ta stojol j'alc'op ants, Hulda sbi, ja' li yajnil Salum, xnich'on Ticva, smomnich'on Harhas, ja' li boch'o oy ta sventa xchabiel c'u'iletic ta ch'ulnae. Li Huldae te nacal ta xcha'voc'al Jerusalén; te c'ot sc'opanic,

Job 5:26

Lec ataoj amalubel chacham jech chac c'u cha'al jchuc trigo ti lec staoj syijil chich' tuch'ele.

Salmos 92:14

Ac'o me mol me'elic xa, ta to satinic; lec tsotsic o, lec yoxic o.

Éxodo 15:20

Ja' yu'un li j'alc'op Mariae, ja' li xvix Aarone, la stsac jun sepsep taq'uin. Scotol li antsetique la xchi'inic ta ac'ot; co'ol la stijic li sepsep taq'uine.

Ezequiel 13:17

“Xnich'on cristiano, li' ta orae ja' xa xaq'uel batel li antsetic te ta alumal ti chalic c'usi chc'ot ta pasel ta jventa scuyojique. Albo ti staoj tsots smulique.

San Lucas 2:35

Jech noxtoc ja' ta sventa ta xvinaj o c'u x'elan yo'ntonic li jchi'iltactique. Ep to chava'ay c'ux avocol ta sventa li avole —xi li Simeone.

San Lucas 2:38

Ja'o te ic'ot ec ti c'alal chlo'ilaj li Simeone; la stojbe ta vocol Dios ec. Lic spucbe sc'oplal li olole; laj yalbe scotol li boch'otic smalaojic coltael te ta Jerusalene.

Hechos 2:18

Ta sc'ac'alil le'e ta xcac'be Espíritu cu'un li jmozotac, li jquiarataque. Ta to xlic c'opojicuc ta jventa.

Hechos 21:9

Oy chanib stseb li Felipee, mu'yuc to malijemic; ja' j'alc'opetic yu'un Dios ec.

1 Corintios 11:5

Pero me mu'yuc macal sjol tsc'opanic Dios, xchi'uc chalic c'usi ch-ac'bat sna'ic yu'un Dios li antsetique, ja' chac' ta q'uexlal ec li sjolique. Yu'un co'ol chc'otic jech chac c'u cha'al li boch'o juxbil sbejlijil sjole.

1 Corintios 12:1

Quermanotac, ta jc'an chana'beic lec smelol c'u x'elan li jmotontic chijyac'butic Ch'ul Espiritue.

1 Timoteo 3:2

Ja' yu'un li boch'o ta x'och ta jq'uelvanej yu'un jcholc'opetique, tsc'an lec sc'oplal, tsc'an jun no'ox yajnil, lec stalel, lec srazón, oy lec smelol c'u x'elan oy, ch-ic'van ochel ta sna, lec sna' xchanubtasvan.

1 Timoteo 5:9

Li me'on antsetic ti xu' ch-och ta vun sbiique, ja' li boch'otic yich'ojic xa oxvinic (60) jabile, ti jun yo'nton laj yich'ic ta muc' anima smalalique,

Josué 19:24

Li yo'obal velta canal tajimol la spasique ja' ic'ot ta stojolic li jchop liquemic ta Asere.

Apocalipsis 7:6

Li jchop liquemic ta Asere lajcha'mil (12,000) laj yich'ic ec. Li jchop liquemic ta Neftalie lajcha'mil (12,000) laj yich'ic ec. Li jchop liquemic ta Manasese lajcha'mil (12,000) laj yich'ic ec.

Jueces 4:4

Ja'o ochem ta pasmantal yu'un israeletic jun ants Débora sbi; ja' j'alc'op yu'un Dios. Ja' yajnil jun vinic Lapidot sbi.

1 Samuel 1:2

Li Elcanae oy chib yajnil. Li june Ana sbi; li yane Penina sbi. Li Peninae oy yalab; yan li Anae mu'yuc yol.