San Lucas 2:35 - Bible in Tzotzil de Chenalhó with Deuterocanon

³⁵ Jech noxtoc ja' ta sventa ta xvinaj o c'u x'elan yo'ntonic li jchi'iltactique. Ep to chava'ay c'ux avocol ta sventa li avole —xi li Simeone.

Bible in Tzotzil de Chamula

³⁵ yo' yepal no'ox ta svinajesbat c'u s'elan ta snop ta yo'nton ti ta jujun tale. Jech xtoc, co'ol to s'elan jun cuchilu ta xti'van yipal ta avo'nton ta xava'i ti vo'ot une.

LEQUIL ACH' C'OP

³⁵ ja' yo' xvinaj o ti c'usitic oy ta yo'onic li crixchanoetique. Pero li vo'ote, co'ol c'ucha'al espada ti cha syayijesbe avo'on scotol li c'usitic ch-c'ot ta pasele.

San Lucas 2:35 Iomraidhean Croise

Salmos 42:10

C'alal xa ta jbaquil chti'vanan ta uts'intael yu'un li cajcontrataque; jujun c'ac'al jech chiyalbicun: “¿Bu oy li Dios avu'une?”, xiic.

San Lucas 2:34

Li Simeone la sc'anbe bendición ta stojolic, jech laj yalbe li Mariae, ja' li sme' unin olole: —A'yo ava'ay tseb, ta sventa li avol li'i, ep jchi'iltactic li' ta Israel ta xyalic ta lum, xchi'uc ep jchi'iltactic ta xva'iic ta sventa noxtoc. Ja' svinajeb ti li' xa oy li tojobtasel yu'un Diose, pero mu x'ich'at ta muc'.

San Lucas 2:36

Te oy noxtoc jun ants Ana sbi; ja' yaj'alc'op Dios ec. Ja' stseb li Fanuele; ja' liquem ta jchop sts'unubal Aser. Me'el xa li Anae. Vucub no'ox jabil laj yic' sbaic xchi'uc smalal;

San Juan 19:25

Li sme' Jesuse te nopol va'alic ta yolon cruz xchi'uc li smuque, ja' li María sbi noxtoque, ja' li yajnil Cleofase. Te oy noxtoc li yan María liquem tal ta Magdalae.

1 Corintios 11:19

Ta ono'ox xc'ot ta pasel chavoc' abaic me mu co'oluc c'usi chanopique, yu'un jech ac'o vinajuc li boch'o lec xch'unoj avu'unique.

Deuteronomio 8:2

Vuleso me ta avo'ntonic scotol c'u x'elan li be bu laj yic'oxuc tal cha'vinic (40) jabil ta xocol banamil li Muc'ul Dios cu'untique. Le'e ja' sventa la sbic'tajesoxuc, xchi'uc la sq'uelboxuc avo'ntonic, yu'un tsc'an tsna' me chac'an chach'unbeic, o me mu xac'an xach'unbeic li smantaltaque.

1 Juan 2:19

Ja' li' iliquic ta jtojoltic, pero ta melel mu ja'uc ono'ox jch'unolajeletic; ti ja'uc jch'unolajeletique, li' jchi'uctic o ti jechuque. Ti jech ic'ot ta pasele ja' svinajeb ti mu ja'uc ono'ox jch'unolajeletique.