San Lucas 2:34 - Bible in Tzotzil de Chenalhó with Deuterocanon

³⁴ Li Simeone la sc'anbe bendición ta stojolic, jech laj yalbe li Mariae, ja' li sme' unin olole: —A'yo ava'ay tseb, ta sventa li avol li'i, ep jchi'iltactic li' ta Israel ta xyalic ta lum, xchi'uc ep jchi'iltactic ta xva'iic ta sventa noxtoc. Ja' svinajeb ti li' xa oy li tojobtasel yu'un Diose, pero mu x'ich'at ta muc'.

Tzotzil Zinacantan

^34-35 ―Acꞌu yacꞌboxuc bentisyon ti Rioxe ―xꞌutatic la yuꞌun ti Simeone. ―Lavole jaꞌ chvinaj o cꞌu xꞌelan yoꞌon li jchiꞌiltactic ta israelale. Chcrontainat tajmec, mu xcꞌane tajmec yuꞌun jlom li jchiꞌiltactique. Chlic avat o avoꞌon ti mu xcꞌanee. Pero oy jlom jchiꞌiltactic ti chlecub o yoꞌonique ―xꞌutat la yuꞌun Simeón ti Maríae.

Bible in Tzotzil de Chamula

³⁴ Va'i un, ti lequilal oy yu'un ti Simeone laj yac'be yich' ti olole, ti xi laj yalbe ya'i ti María, sme' ti Jesuse: —A'yio ava'i, ti olol li'e yich'oj talel ti yepal no'ox ta xbajic yu'un ti israeletique mi ta stamel sbaic liquel ta stael ti coltael yu'une. Ta xvinaj ti yepal mu xich'ic ta muq'ue,

LEQUIL ACH' C'OP

³⁴ I'ac'batic bentisyon yu'un ti Simeone, xi i'albat ti María sme' Jesuse: ―Q'uelavil, li unen li'i albil xa ono'ox sc'oplal ti ja chtal yac' ti ep much'utic ta xlomic o ta lume xchi'uc ti oy much'utic ta stam o sbaic li ta Israele. Ja' chvinaj o ti ep ti much'utic mu xich'ic ta muq'ue,

Tzotzil San Andres

^34-35 Li Simeone la scꞌanbe slequilal yutsilal Dios ta stojolic. Jech laj yalbe nojtoc li smeꞌ li unene, jaꞌ li Maríae: ―Aꞌio me, ta sventa la avol liꞌi jaꞌ ta xvinaj o cꞌu sba yoꞌonic li jchiꞌiltactic ta israelale. Ep ta xichꞌ contrainel la avole yuꞌun mu xcꞌane yuꞌun ep jchiꞌiltactic. Jech chlic avat avoꞌon ta scoj ti mu xcꞌanee. Pero oy yan jchiꞌiltactic ta xtuqꞌuib yoꞌonic ta sventa la avole ―xi li Simeone.

Tzotzil de Huixtán

^34-35 Ti Simeone laj sc'ambe bendición ti stojol ti olole. Hech laj yalbe ti sme' ti olole, ja' ti Maríae: ―A'yo me ava'i, ti sventa ti avol li'to hech tspasbatic proval yo'ntonic ti jchi'iltique, ho'ucutic ti yelnich'onucutic ti Israel xchi'uque, hech chvinaj ti c'usi tsnopique. Ja' ep chbolib yo'ntonic ti jchi'iltique yu'un. Hech yu'un ep chich' contrainel ti avole yu'un mu xc'anat yu'unic. Ja' ti sventa uc ti ep chavich' mul ho'oti. Oy yan ti jchi'iltique ja' chlecub yo'ntonic yu'un ―xchi ti Simeone.

San Lucas 2:34 Iomraidhean Croise

Génesis 14:19

Laj yac'be bendición li Abrame, jech laj yalbe: “Ac'o yac'bot ep bendición li Dios te oy ta vinajele, ja' li yajval vinajel banamile.

Génesis 47:7

Li Josee laj yic' batel ta stojol faraón noxtoc li stote, ja' li Jacobe. Li Jacobe lec laj yich' ta muc' li ajvalile; la sc'anbe bendición ta stojol.

Éxodo 39:43

C'alal laj yil Moisés ti ja' jech imeltsaj yu'unic scotole, lic sc'anbe bendición ta stojolic.

Isaías 8:18

Li vu'un xchi'uc li jchi'iltac yac'ojbun jventain Muc'ul Diose, vu'uncutic svinajebuncutic ti oy c'usi tspas ta stojol Israel li Diose, ja' li Dios te nacal ta vits Sione.

Oseas 14:9

Li boch'o bij ti xa'ibe lec smelole ac'o ya'ibe lec smelol li c'op li'i: Li be yu'un Muc'ul Diose lec tuc'. Li boch'otic tuc' yo'ntonique ja' te chanovic batel; yan li boch'otic chopolique te tsbosi yacanic.

San Mateo 11:19

C'alal lital, vu'un ti Xnich'on cristiano lic'ote, la jchi'inoxuc ta ve'el, ta uch'bajel, pero jech laj avalic noxtoc: ‘Q'uelavil, toj ech'em xve', toj ech'em xuch' ya'lel ts'usub. Lec chil sbaic xchi'uc jtsobpatanetic xchi'uc yan jpasmuliletic’, xachiic noxtoc. Pero li boch'o bije ta xvinaj ta sventa yabtel”, xi li Jesuse.

San Mateo 12:46

C'alal ja'o chchi'in ta lo'il cristianoetic li Jesuse, te ivulic ta amac' sme' xchi'uc xchi'iltac, yu'un tsc'an ta sc'opanic li Jesuse.

San Mateo 21:44

[Li boch'otic chbalch'ujic ta sba li ton le'e ta sc'asic. Pero me ja' chyal tal ta sbaic stuc li tone, toj lilijel chc'otic o —xi li Jesuse.]

San Mateo 27:63

Jech c'ot yalbeic: —Ajvalil, jna'ojcutic ti jech yaloj li jlo'lavanej c'alal cuxul to'oxe: ‘Ta yoxibal c'ac'al chicha'cuxi loq'uel ta jmuquinal’, xi ono'ox.

San Lucas 2:35

Jech noxtoc ja' ta sventa ta xvinaj o c'u x'elan yo'ntonic li jchi'iltactique. Ep to chava'ay c'ux avocol ta sventa li avole —xi li Simeone.

San Juan 3:20

Yu'un scotol li boch'otic ja' tspasic c'usitic chopole, toj chopol chilic li luze, jech mu sc'an xtalic, yu'un ja' mu sc'anic xvinaj li c'usi tspasique.

San Juan 5:18

C'alal laj yal jech li Jesuse, yo'to isoc sjolic o li j'abteletic yu'un judioetique; solel tsc'an ta smilic o li Jesuse. Muc ja'uc xa no'ox ta scoj ti muc xchabi li sc'ac'alil cuxub o'ntonale; ja' ta scoj noxtoc ti laj yal ti ja' Stot li Diose. Yu'un laj xa sco'lajes sba jech chac c'u cha'al Dios.

Hechos 13:45

Pero li yantic judioetique xti'et ic'ot yo'ntonic c'alal laj yilic li epal cristianoetic la stsob sbaique. Laj yalic ti mu meleluc c'usi ta xal li Pabloe; lic xchopolc'optaic.

Hechos 17:6

Pero mu'yuc te la staic, ja' yu'un ja' la stsaquic tal li Jasone xchi'uc jayibuc jch'unolajeletic. C'ot yaq'uic ta stojol li j'abteletic te ta lume. Tsots i'avanic, jech laj yalic: —Oy viniquetic ti ja' ta socbeic sjol cristianoetic ta sbejel banamile; vulemic xa li' ta jlumaltic noxtoc.

Hechos 24:5

Yu'un li vinic li'i, ivinaj xa lec ti ja' chac' ta ch'amel sc'a'al chamele, ti ja' ta socbe sjol li xchi'iltac ta buticuc no'ox nacajtic ta scotol banamile. Ja' banquilal yu'unic scotol li boch'otic xch'unojbeic sc'op li jun vinic liquem tal ta Nazarete.

Hechos 28:22

Pero ta jc'an chca'icutic c'usi chanop ec. Yu'un li yan c'op ach'unoje ca'yojcutic ti scotol jchi'iltactic chopol ta xc'opojic ta sventae —xiic.

Hechos 4:26

Jmoj ta stsob sbaic li ajvaliletic li' ta banamile, xchi'uc li jpasmantaletique co'ol ta xchapanic ti tscontrainic li Diose xchi'uc li boch'o t'ujbil yu'une, ja' li Cristoe’, xi ono'ox.

Hechos 6:7

Jech ipuc o li sc'op Diose, i'epajic ta jyalel li jch'unolajeletic te ta Jerusalene. Oy ep paleetic la xch'unic ec.

Romanos 9:32

¿C'u yu'un ti muc staique? Yu'un ja' ibat yo'ntonic ta mantaletic; ma'uc ibat yo'ntonic ta sventa xch'unojel yo'ntonic. La snopic ti ta sventa yabtelic lec ch-ilatique, ja' yu'un te ech' sbosi yacanic ta ton ti ja' sventa sbosiubil yacanic li boch'otic mu xch'unique.

1 Corintios 1:23

Li vu'uncutique ja' chcalbecutic sc'oplal li Cristo ti ijoc'anat ta cruze, pero li judioetique solel jmacbe cha'yic o. Jech ec li yanlum cristianoetique bol lo'il no'ox cha'yic.

Hebreos 7:1

Yu'un li Melquisedeque ja' ajvalil ta lum Salem, xchi'uc ja' banquilal pale yu'un Dios ta vinajel noxtoc. Ja' ti bat snup ta be Abraham ta vo'one c'alal isut tal ta stsalel ajvaliletique, xchi'uc ti laj yac'be bendicione.

Hebreos 7:7

Jcotoltic ta jna'tic ti ja' no'ox boch'o muc' yabtel xu' chac'be bendición li boch'o biq'uit yabtele.

1 Pedro 4:14

Cuxetuc no'ox avo'ntonic me oy boch'o chaxchopolc'optaoxuc ta scoj li Cristoe, yu'un li Ch'ul Espíritu yu'un Dios ti toj ech'em slequilale te xchi'inojoxuc o.

1 Samuel 2:20

Ja' yu'un li pale Elie chac'be bendición li Elcana xchi'uc yajnile, jech chalbe: “Ac'o yac'bot yan anich'nab li Muc'ul Diose; ja' xq'uexol ti li' laj yac' o ta stojol Muc'ul Dios li avajnile”, xut. Jech tsutic batel ta snaic.