San Lucas 2:27 - Bible in Tzotzil de Chenalhó with Deuterocanon

²⁷ Li Simeone i'ac'bat sna' yu'un Ch'ul Espíritu ti ac'o batuc ta ch'ulna ta Jerusalene. Jech c'alal ibatic ta ch'ulna li stot sme' unin Jesús, yu'un bat spasic c'usi chal li mantaletique,

Tzotzil Zinacantan

²⁷ Ti Simeone iꞌalbat la yuꞌun ti Chꞌul Espíritue ti acꞌu la batuc ta mucꞌta temploe. Jaꞌo la ibatic ta templo ti Josee, xchiꞌuc ti Maríae, xchiꞌuc ti unene, yuꞌun la ba spasic chac cꞌu chaꞌal chal li mantale. Tey la cꞌot staic ta tiꞌ templo ti Simeone.

Bible in Tzotzil de Chamula

²⁷ Ac'bat sna' yu'un Ch'ul Espíritu ti Simeone, ti batuc ta ch'ulnae. C'alal ja' o ic'bil batel ta ch'ulna yu'un stot sme' ti Jesús yo' ta spasic jech c'u cha'al ta xal ti oy c'usi tsots albil sc'oplale,

LEQUIL ACH' C'OP

²⁷ Ti Simeone i'ac'bat sna' yu'un ti Ch'ul Espiritue ti ac'u batuc ta muc'ta temploe; ti Josee, xchi'uc ti Maríae, iyiq'uic ech'el ta templo li unen Jesuse, yu'un ba spasic chac c'u cha'al chal li mantale,

Tzotzil San Andres

²⁷ Li Simeone ijulesbat ta sjol ta yoꞌon yuꞌun li Chꞌul Espíritu ti acꞌo batuc li ta mucꞌta chꞌulna li te ta Jerusalene. Jech cꞌalal ibatic li ta mucꞌta chꞌulna li José schiꞌuc li Maríae, schiꞌuc li unene, yuꞌun ba spasic jech chac cꞌu chaꞌal ta xal li mantaletique, te xaꞌox oy ta yamaqꞌuil li mucꞌta chꞌulna li Simeone.

Tzotzil de Huixtán

²⁷ Yu'un hech i'albat ti Simeone yu'un ti Ch'ul Espíritue, hech yu'un ital te ti templo te ti Jerusalén. Hech yu'un te oy ti templo ti Simeone ti c'alal italic ti templo xchi'uc ti nene olol Jesús ti Josee xchi'uc ti Maríae. Yu'un tal spasic hech chaj c'u che'el chal ti mantaletique.

San Lucas 2:27 Iomraidhean Croise

Jeremías 32:11

Laj quich'be li svunale ac'bil xa lec sello; ja' jech lec pasbil jech chac c'u cha'al chal ta mantal yu'unique, xchi'uc laj quich' noxtoc jlic copia ti mu'yuc yich'oj selloe.

San Mateo 4:1

Li Jesuse ja'o i'ic'at batel yu'un Espíritu ta xocol banamil yu'un ac'o q'uelbatuc yo'nton yu'un li banquilal pucuje.

San Lucas 2:22

C'alal its'aqui yu'unic ti c'u yepal c'ac'al tsc'an chich'ic lecubtasel jech chac c'u cha'al ts'ibabil ta mantaletic yu'un Moisese, laj yiq'uic batel ta Jerusalén li Jesuse, bat yaq'uic ta stojol Dios.

San Lucas 2:28

li Simeone la spet li olole; la stojbe ta vocol Dios, jech laj yal:

San Lucas 2:41

Li stot sme' Jesuse scotol jabil ta xc'otilanic ta Jerusalén ti c'alal yorail q'uin Coltael yu'unique.

San Lucas 2:48

C'alal laj yilic li José xchi'uc Mariae, toj ch'ayel ic'ot yo'ntonic. Li Jesuse jech i'albat yu'un li sme'e: —Querem, ¿c'u yu'un ti jech laj apasbuncutique? La jt'unotcutic xchi'uc li atote. Ep laj cat co'ntoncutic avu'un —xut.

San Lucas 2:51

Li Jesuse la xchi'in sutel ta Nazaret li stot sme'e; lec la xch'unbe smantal li stot sme'e. Li Mariae la xchabi lec ta yo'nton scotol.

San Lucas 4:1

Li Jesuse iventainbat yo'nton yu'un li Ch'ul Espiritue; iloc' batel ta uc'um Jordán. Ic'bil ibat ta xocol banamil yu'un li Ch'ul Espiritue.

Hechos 10:19

C'alal te to tsnopbe smelol c'usi laj yil li Pedroe, jech i'albat yu'un li Ch'ul Espiritue: “Oy oxib viniquetic tal sa'icot.

Hechos 11:12

Li Ch'ul Espiritue laj yalbun ti ac'o jchi'in batel li viniquetique, ti mu me xlo'ilaj co'nton chibate. La xchi'inicun batel noxtoc li vaquib jch'unolajel li'i. Jech te li'ochcutic ta sna li vinic ti la stacun ta iq'uele.

Hechos 16:7

C'alal ic'otic ta sts'aquil Misia banamile, ta ox xbatic ta Bitinia banamil. Pero ipajesatic yu'un li Ch'ul Espiritue.

Hechos 8:29

Li Felipee jech i'albat yu'un li Ch'ul Espiritue: “Noch'ajan batel, bat chi'ino li vinic le' tiq'uil ta scaretae”, x'utat.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.

Apocalipsis 17:3

Jech ta sventa Ch'ul Espíritu laj ca'ay laj yic'un batel ta xocol banamil ti j'almantale. Te laj quil jun ants cajal ta jcot tsajal jti'vanej bolom. Li jti'vanej bolome oy ep sbi ta scotol sbec'tal; li sbitaque ja' tscuy sba ta Dios. Oy vucbej sjol xchi'uc lajuneb xulub.