San Lucas 2:25 - Bible in Tzotzil de Chenalhó with Deuterocanon

²⁵ Oy jun israel vinic te ta Jerusalén, Simeón sbi. Lec tuc' yo'nton, lec yich'oj ta muc' Dios. Smalaoj ti tsta yorail tsta spatubil yo'nton li israeletique. Ventainbil yu'un Ch'ul Espíritu li Simeone.

Tzotzil Zinacantan

²⁵ Oy toꞌox la jun jꞌisrael tey ta Jerusalene, Simeón la sbi. Lec la yoꞌon, yichꞌoj la ta mucꞌ ti Rioxe. Smalaoj la chtal ti muchꞌu chloqꞌuesatic o ta scꞌob ti preserente ta Romae. Ti Simeone chiꞌinbil xa ono la yuꞌun ti Chꞌul Espíritue.

Bible in Tzotzil de Chamula

²⁵ Ti jech sc'ac'alil taje, oy jun vinic ventainbil yu'un ti Ch'ul Espíritu ti nacal ta Jerusalén, ti sbiinoj Simeone, ti oy slequil yutsil ti yich'oj ta muc' ti Diose, xchi'uc ti smalaoj spojel scoltael ti israeletique.

LEQUIL ACH' C'OP

²⁵ Oy jun j'israel tey nacal ta Jerusalen Simeón sbi, toj lec c'usitic tspas, lec yo'on, smalaoj chtal ti much'u chtal coltavanuc ta slumal ti j'israeletique, li Simeone chi'inbil yu'un ti Ch'ul Espiritue.

Tzotzil San Andres

²⁵ Oy jun jꞌisraelal vinic te ta Jerusalén, Simeón sbi. Tucꞌ yoꞌon ta stojol Dios, lec yichꞌoj ta mucꞌ. Smalaoj ti ta xtal jun ajvalil yuꞌunique yuꞌun jaꞌ ta xcolic loqꞌuel ta scꞌob li yan ajvalile. Li Simeone ventainbil yoꞌon yuꞌun li Chꞌul Espíritue.

Tzotzil de Huixtán

²⁵ Oy jun vinic te ti Jerusalén. Simeón sbi ti vinique. Toj yo'nton ti stojol ti Diose. Xch'unoj ti mero melel ti Diose. Smalaoj ti chtal ti Jcoltavaneje yu'un hech chmuc'ub yo'ntonic xchi'uc ti xchi'iltaque, ja' ti co'ol yelnich'nab Israel xchi'uque. Oy ti yo'nton ti Simeone ti Ch'ul Espíritue.

San Lucas 2:25 Iomraidhean Croise

Génesis 6:9

Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.

Job 1:1

Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.

Job 1:8

Li Muc'ul Diose jech la sjac'be li banquilal pucuje: —¿Me laj avil li cajtunel Job ti mu'yuc boch'o yan jech te ta banamil jech chac c'u cha'al ti lec tuc' yo'ntone, ti lec c'usitic tspase, ti lec yich'ojun ta muq'ue, xchi'uc ti svoc'oj sba o ta sventa li c'usi chopole? —xut.

Isaías 25:9

Me la sta li sc'ac'alil le'e, jech chalic: “Le'e ja' Dios cu'untic; ja' jpatoj co'ntontic yu'un, yu'un ja' la scoltautic; ja' no'ox Muc'ul Dios ti la jpat co'ntontic ta stojole; xijtse'in no'ox, xcuxet no'ox co'ntontic ta stojol yu'un la scoltautic”, xiic.

Isaías 40:1

Li Muc'ul Dios, ja' li Dios avu'unique, jech chal: “Patbeic yo'nton, patbeic yo'nton li jteclumale.

Miqueas 6:8

A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.

Números 11:25

Jech li Muc'ul Diose iyal tal ta toc, tal sc'opan li Moisese. Xchi'uc laj yich'be jutuc li stsatsal yac'ojbee, ja' laj yac'be li lajuneb xchanvinic (70) banquilaletique. C'alal laj yich'ic li stsatsalique, lic c'opojicuc jech chac c'u cha'al j'alc'opetic. Pero li c'usi laj yalique, muc xa xcha'alic yan velta.

Números 11:29

Pero li Moisese jech laj yal: —¿Me it'ix xa avo'nton ta jtojol? Oyuc c'uxi xc'ot ta pasel ch-ac'batic espíritu yu'un Muc'ul Dios scotol li jchi'iltactique, scotol j'alc'opetic chc'otic ti jechuque —xi.

Marcos 15:43

Te oy jun vinic, José sbi, liquem tal ta Arimatea. Lec ich'bil ta muc'; ja' jun j'abtel te ta ch'ulna. Smalaoj ec ti chtal ventainvanuc li Diose. Tsots yo'nton i'och sc'anbe sbec'tal Jesús ta stojol li Pilatoe.

San Lucas 1:41

C'alal laj ya'ay ic'opanat yu'un María li Isabele, tsots la xijilan sba li yol xchi'inoje. Li Isabele iventainbat yo'nton yu'un li Ch'ul Espiritue.

San Lucas 1:6

Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

San Lucas 1:67

Li Zacarías, ja' li stot unin quereme, iventainbat yo'nton yu'un Ch'ul Espíritu. Jech lic c'opojuc jech chac c'u cha'al jun j'alc'op:

San Lucas 2:38

Ja'o te ic'ot ec ti c'alal chlo'ilaj li Simeone; la stojbe ta vocol Dios ec. Lic spucbe sc'oplal li olole; laj yalbe scotol li boch'otic smalaojic coltael te ta Jerusalene.

Hechos 10:2

Li Cornelioe lec yich'ojic ta muc' Dios scotolic te ta sjunul sna. Ep ic'uxubinvan te ta lum, xchi'uc scotol c'ac'al ta sc'opan Dios.

Hechos 10:22

Itac'ovic: —Ja' la stacuncutic tal li banquilal soldado Cornelioe. Ja' li tuq'uil vinique ti lec yich'oj ta muc' Diose. Lec sc'oplal ta scotol yosilal li judioetique. I'albat yu'un jun ch'ul j'almantal ti ta xic'ot batel ta sna sventa cha'ay c'usi chavalbee —xiic.

Hechos 2:5

Oy te nacalic ta Jerusalén ep judioetic ti scotol yo'nton yich'ojic ta muc' Dios, ti spucoj to'ox sbaic ta buticuc no'ox banamilale.

Hechos 24:16

Ja' yu'un tsots sc'oplal chca'ay ti mu me jta jmul ta stojol li Diose xchi'uc ta stojol li cristianoetique.

Deuteronomio 18:15

“Li Muc'ul Dios cu'untique ta to st'ujboxuc jun j'alc'op avu'unic jech chac c'u cha'al vu'un, pero ch'unbeic me li c'usi chayalboxuque.

2 Pedro 1:21

Yu'un li sc'op Diose mu ta yo'ntonuc cristiano iloc' tal. Ja' iventainatic yu'un Ch'ul Espíritu. Ja' viniquetic ic'opojic ta sventa Dios.