San Lucas 19:44 - Bible in Tzotzil de Chenalhó with Deuterocanon

⁴⁴ Chasjinesot o yalel c'alal ta banamil. Te ta xchamic li jnaclumetic avu'une. Me jbejuc ton mu'yuc bu cajal chcom ta sba yac'ol yan ton ta scoj ti muc xavich' ta muc' li sc'ac'alil coltael ital ta atojole”, xi li Jesuse.

Tzotzil Zinacantan

⁴⁴ Chtal slomesbel scotol li snaique. Ta xlaj scotolic. Jaꞌ ti mu xchꞌunic ti voꞌon listac tal ti Rioxe, ti tal jtojbe li smulique ―xi la ti Jesuse.

Bible in Tzotzil de Chamula

⁴⁴ Lilijem ta xcom ti jteclum avu'unique, mi ja'uc jbejuc ton cajal ta xcom ta sba ti yan tone. Milbil ta xacom acotolic. Jech ta xc'ot ta pasel, yu'un mu'yuc laj avich'ic ta muc' ti c'alal tal svu'lanoxuc ti Diose —xi laj yal ti Jesuse.

LEQUIL ACH' C'OP

⁴⁴ chtal slomesel scotol li anae. Ta xich'ic milel li jnaclejetic avu'une, mi jp'ej ton muc' bu cajal chcom ta sba li yan tonetique, ja' ti muc' xa vojtiquin ti c'alal ay ta atojol ti Rioxe.» ―Xi ti Jesuse.

Tzotzil San Andres

⁴⁴ Chtal sjinesic la ateclumalique. Mu jpꞌejuc ton latsal chcom, scotol ta sjinesic. Chasmilic acotolic nojtoc. Jaꞌ ta scoj ti mu xachꞌunic ti joꞌon tacbilun talel yuꞌun Dios sventa chajcoltaique ―xi li Jesuse.

Tzotzil de Huixtán

⁴⁴ Chjinat ti jteclum avu'unique. Mi jp'ejuc ton mu'yuc bu chcom ti sba yan ton yu'un scotol chjinat, chasmiloxuc acotolic. Yu'un mu xach'unic ti nihul xa ti atojolic, ho'on ti Diosune ―xchi ti Jesuse.

San Lucas 19:44 Iomraidhean Croise

Salmos 137:9

Coliyal li boch'o ta stsac li ololetic avu'un ti ta snet' lec ta tone.

Isaías 10:3

¿C'usi chapasic ti c'alal tsta yorail chapanele? ¿Boch'o chaviq'uic yu'un ac'o scoltaoxuc c'alal chavilic chlic tal ta nom li boch'otic chtal yulesoxuque? ¿Bu chavaq'uic comel li ac'ulejalique?

Isaías 29:3

Yu'un ta jsetu ta carpanaetic li apat axocone; ta jva'an tec'ubaletic ta spatpat acoraltonal, jech chavich' ochentael o.

Jeremías 11:23

Mu'yuc xa boch'o chcom avu'unic, yu'un tsta yorail ta xcac'boxuc atoj amulic, vo'oxuc ti te nacaloxuc ta Anatote”, xi li Diose.

Lamentaciones 1:8

Li Jerusalene mu'yuc xa stu ch-ilat ta scoj ti la sa' tsots smule. Li boch'otic yich'ojic to'ox ta muq'ue mu'yuc xa lec chilic, yu'un laj yilic ti yalem o ta q'uexlale. Ja' yu'un li Jerusalene solel joybijem xa no'ox choc'ta sba.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Daniel 9:26

C'alal me i'ech' xa'ox li chib xchanvinic (62) xemunae, ta xlic smilic li Boch'o t'ujbil yu'un Diose. Li Jerusalén xchi'uc ch'ulnae ta xtal sjines jun ajvalil xchi'uc svinictac. Li slajebale ja' jech chc'ot ta pasel jech chac c'u cha'al pulel ta vo'; li milel chamesele mu xlaj sc'oplal o. Jech tspasic o batel c'alal to ta slajebal, jech chac c'u cha'al chapanbil sc'oplale.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.

San Mateo 24:2

Li Jesuse jech laj yal: —Laj xa avilic scotol c'u x'elan. Melel li c'usi chacalboxuque, me jbejuc ton mu'yuc bu cajal ta xcom ta sba yac'ol yan ton, scotol ta xich' jinesel —xi.

Marcos 13:2

Itac'ov li Jesuse: —Chavilic ti yan to sba smuc'tiquil li naetique. Pero me jbejuc ton mu'yuc bu cajal ta xcom ta sba yac'ol yan ton; scotol ta xtal yich' jinesel —xut.

San Lucas 1:68

“Coliyal li Cajvaltic Diose, ja' li Dios yu'un Israele, yu'un tal xa sq'uelutic, tal xa scolta li steclumale.

San Lucas 1:78

Yu'un toj ep c'uxutic ta yo'nton li Dios cu'untique, ja' yu'un ivul ta jtojoltic jun xojobal ach' c'ac'al ta toyol.

San Lucas 19:42

Jech laj yalbe: “Avotquinuc ti ja' sc'ac'alil chata jun avo'ntone, lec. Pero mu xavotquin.

San Lucas 21:6

Li Jesuse jech laj yal: —Scotol li c'usitic chavilic li' ta orae ta to sta sc'ac'alil ta xich' vuq'uesel scotol. Me jbejuc ton mu'yuc bu cajal ta xcom ta sba yac'ol yan ton —xut.

1 Pedro 2:12

Lecuc me c'usi chapasic ta stojol li boch'otic mu'yuc yich'ojic ta muc' Diose. Ac'o me chal ac'oplalic ti chopol c'usi chapasique, pero c'alal chilic ti lec c'usitic chapasique, chalbeic slequilal Dios ti c'alal chtal chapanvanuque.