San Lucas 19:17 - Bible in Tzotzil de Chenalhó with Deuterocanon

¹⁷ Itac'ov li yajvale: ‘Lec oy, vo'ot lequil j'abtelot cu'un. Ta sventa ti jun avo'nton laj aventain li jtaq'uin ti jutuc no'ox laj cac'bot comele, jech chacac'bot aventain lajuneb lum’, x'utat.

Tzotzil Zinacantan

¹⁷ “Li voꞌote lec xanaꞌ xaꞌabtej. Jutuc ti lacacꞌbee pero sjunul avoꞌon laꞌabtej o, yechꞌo un chajticꞌ ta coviernoal scuenta lajuneb jteclum”, xꞌutat.

Bible in Tzotzil de Chamula

¹⁷ Xi laj stac' ti ajvalile: ‘Lec oy, ja' jun lequil j'abtelot. Ti ta slequil avo'nton laj aventain ti jutebe, ta xa'och ta ajvalil cu'un, ta xaventain lajuneb jteclum.’

LEQUIL ACH' C'OP

¹⁷ Li reye itac'av: “Li vo'ote lequil j'abtelot; jutuc ti lacac'bee pero sjunul avo'on la'abtej o, lavie chacac'be acuentain lajuneb (10) jteclum.” —X'utat.

Tzotzil San Andres

¹⁷ Itacꞌav li yajvale: “Lec oy. Joꞌote lequil jtunelot. Yuꞌun jun avoꞌon la ajolintas li jtaqꞌuine, jaꞌ yuꞌun chcacꞌ aventain lajuneb jteclum”, xꞌutat.

Tzotzil de Huixtán

¹⁷ I'albat yu'un ti yajvale: “Ho'ot lequil abatot cu'un. Yu'un jun avo'nton laj ajolintas ti jtaq'uine hech yu'un lajuneb jteclumetic chacac'bot aventain”, xut.

San Lucas 19:17 Iomraidhean Croise

Génesis 39:4

Jech lec i'ilat yu'un yajval li Josee. Li Potifare la stic' ta scoltaubbail ta abtel stuc li Josee, xchi'uc la stic' ta jchabina yu'un. Ja' laj yac'be sventain scotol li c'usitic oy yu'une.

Proverbios 27:18

Li boch'o ta xchabi lec li higo te'e ta slo'be sat; ja' no'ox jech ec li boch'o lec sc'anoj yajvale ta sta ich'el ta muc'.

San Mateo 25:21

Jech i'albat yu'un li yajvale: ‘Lec oy, vo'ot lequil j'abtelot cu'un; lec jun avo'nton la'abtej. Ta sventa ti lec jun avo'nton laj aventain li c'usi jutuc no'ox laj avich'e, ja' yu'un chacac'bot aventain li yepale. La' ochan, cuxetuc no'ox avo'nton achi'uc li avajvale’, x'utat.

San Lucas 16:10

“Li boch'o lec xtojob ta sventainel li c'usi mu'yuc tsots sc'oplale, ja' no'ox jech lec xtojob ta sventainel noxtoc li c'usi tsots sc'oplale. Yan li boch'o mu xtojob ta sventainel c'usi mu'yuc tsots sc'oplale, ja' no'ox jech mu xtojob ta sventainel li c'usi tsots sc'oplale.

San Lucas 19:16

Li boch'o ba'yuc itale jech laj yal: ‘Cajval, li ataq'uin laj avac'bun comele ijolin cu'un lajuneb’, xut.

San Lucas 19:18

Ital noxtoc li yane, jech laj yal: ‘Cajval, li ataq'uin laj avac'bun comele ijolin cu'un vo'ob’, xut.

San Lucas 22:30

Yu'un jech te chave'ic, chavuch'ic vo' ta jmexa ti bu ta jpas mantale. Jech noxtoc te chachotiic ta chotlebaletic sventa chachapanic li lajcha'chop israeletique”, xi li Jesuse.

Romanos 2:29

Ja' mero Judío chijc'ot ta sventa c'u x'elan li yut co'ntontique. Li mero circuncisión quich'ojtic chc'ote ja' ta yut co'ntontic, ja' ta sventa svu'el Dios; ma'uc ta sventa ti ts'ibabil xa lec ta vun quich'ojtic li smantaltac Diose. Li boch'o jech chac le'e ja' lec ch-ilat yu'un Dios; ma'uc lec ch-ilat yu'un cristianoetic.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

2 Timoteo 2:10

Ja' yu'un ta jts'ic scotol vocol ta scoj li boch'otic t'ujbilic yu'un Diose, yu'un jech ac'o colicuc ec ta sventa li Cristo Jesuse, jech chbat xchi'inic ta slequilal sbatel osil.

1 Pedro 1:7

Yu'un ja' sventa chich' q'uelel me oy xch'unojel avo'ntonic. Yu'un li xch'unojel co'ntontique toj lec. Ja' mu sta jech li c'anal taq'uin chich' q'uelel ta c'oq'ue, yu'un sna' xlaj. Yan li xch'unojel avo'ntonic chich' q'uelele, jun yutsil, lec ac'oplalic yu'un; ich'biloxuc ta muc' c'alal chtal li Cajvaltic Jesucristoe.

1 Pedro 5:4

Yu'un jech c'alal chtal li Banquilal yu'un jchabichijetique, chavich' amotonic ti toj jun yutsile ti mu sna' xlaj oe.

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.