San Lucas 19:14 - Bible in Tzotzil de Chenalhó with Deuterocanon

¹⁴ Pero ibajat yu'un li xchi'iltaque, jech lic staquic batel boch'o chbat yal ti bu batem yich' tal yabtele. Jech c'ot yalic: ‘Mu jc'ancutic ja' ta x'och ta ajvalilal cu'uncutic li jchi'ilcutic le'e’, xiic c'otel.

Tzotzil Zinacantan

¹⁴ Li xchiꞌiltac ta slumale mu scꞌanic ti jaꞌ ch-och ta preserenteale. Istaquic echꞌel mantal ti mu yaꞌuc acꞌbatuc snombramientoe. “Mu jcꞌanticotic ti jaꞌ ch-och ta preserenteal ta jlumalticotique”, xiic cꞌotel.

Bible in Tzotzil de Chamula

¹⁴ Ti jnaclejetic ta muc' ta lum yu'une, xti'et sjolic ta stojol. Laj staquic batel jun chib j'al-mantal yo' xi ta xc'ot yalique: ‘Mu jc'ancutic ta x'och ta ajvalil ta jlumalcutic ti vinic taje.’

LEQUIL ACH' C'OP

¹⁴ Pero mu xc'ane yu'un li crixchanoetic ta slumale, istaquic ech'el mantal yo' bu batem yich' tal yabtele, ti ja' yech ch-cot yalic chac li'i: “Mu jc'anticotic ti ja' ch-och ta reyal li vinic li'i.” —Xiic c'otel.

Tzotzil San Andres

¹⁴ Li crixchanoetique chopol iyaꞌiic ti jaꞌ ta xꞌoch ta ajvalilal li schiꞌilique. Jaꞌ yuꞌun la staquic batel buchꞌu chba yal li bu ba schꞌam talel yabtele. Jech cꞌot yalic: “Mu jcꞌancutic ti jaꞌ ta xꞌoch ta ajvalilal cuꞌuncutic li jchiꞌilcutic taje”, xiic cꞌotel.

Tzotzil de Huixtán

¹⁴ Hech yu'un scotol ti crixchanoetique mu xtun laj ya'yic ti ch-och ti ajvalil ti xchi'ile c'alal tsut talel, hech yu'un patil laj staquic batel ti much'utic chba sc'anic parte. Hech chba yalic: “Mu jc'antutic ti ja' chisventainuntutic ti jchi'il lume”, xchiic c'otel.

San Lucas 19:14 Iomraidhean Croise

2 Samuel 23:7

Li boch'o tsc'an tstsaque ja' no'ox xu' chluch ta jch'ix taq'uin, o ta lanza, ja'o chich' chiq'uel ta c'oc', yu'un jech ac'o c'ac'uc o ta j'ech'el”, xi li sq'ueoje.

Isaías 49:7

Li Muc'ul Diose, ja' li Jpojvaneje; ja' li Ch'ul Dios yu'un Israele, jech chalbe li steclumal ti solel na'lebilic oe, ti bajbilic o yu'un li yantic lumetique, ti mozoinbilic yu'un li j'uts'intavanejetique: “C'alal chayiloxuc li muc'tic ajvaliletique, tsva'an sbaic; c'alal chayiloxuc li banquilaletique, tsquejan tspatan sbaic ta atojolic. Ja' sventa chi'ich'at ta muc', vu'un li Muc'ul Diosun ti mu jna' jel jc'ope; vu'un li Ch'ul Diosun yu'un Israel ti la jt'ujoxuque”, xi.

Zacarías 11:8

Ta jun no'ox u la jtac loq'uel oxib jchabichijetic; lic ech'uc co'nton yu'unic, yu'un chopol lic yilicun.

San Lucas 14:32

Me cha'ay ti mu xu' yu'une, c'alal nom to'ox oy li yajcontrae, ta stac batel xchi'il ta abtel, yu'un ac'o bat slequilc'opan li yan ajvalile, yu'un ac'o co'lajuc yo'ntonic.

San Lucas 19:13

C'alal mu'yuc to'ox chbate, laj yic' lajuneb yaj'abtel. Laj yac'be lajuneb mina jujunic. Jech laj yalbe: ‘Bat jolintasic, ja' to ti c'alal chisut tale’, xut comel.

San Lucas 19:15

“C'alal isut tal ta yich'el yabtele, c'ot stacan ta iq'uel li smozotac ti yac'ojbe sjolintasic staq'uine, yu'un tsc'an cha'ay c'u yepal ijolin yu'unic.

San Lucas 19:27

Jech noxtoc li boch'otic ta scontrainicun ti mu sc'anic vu'un chiventainvane, iq'uic tal scotol li'i. Li' ta jsat xamilic’, xi li ajvalile”, xi li Jesuse.

San Juan 1:11

Li' ivul ta stojol li yu'untaque, pero li yu'untaque muc sc'anic.

San Juan 15:18

“Me chopol chayiloxuc li cristianoetique, na'ic me ti ba'yuc jech chopol laj yilicune.

1 Samuel 8:7

Jech itac'bat yu'un li Muc'ul Diose: “A'ibo c'usi chasc'anbicot li achi'iltaque. Muc vo'cot ti chasbajicote; ja' vu'un chisbajicun, yu'un jech mu xa teuc ta jpas mantal ta stojolic.