San Lucas 18:30 - Bible in Tzotzil de Chenalhó with Deuterocanon

³⁰ ta stabe ep xq'uexol li' ta banamil, xchi'uc ta xcuxi sbatel osil —xi li Jesuse.

Bible in Tzotzil de Chamula

³⁰ ta xich'be ep xq'uexol li' ta banomile, xchi'uc ti ta ach' banomil ta to xtale, ta xich'ic ti xcuxlejalic sventa sbatel osile.

LEQUIL ACH' C'OP

³⁰ ta stabe ep sq'uexol lavi li' to cuxule, xchi'uc ta xcuxi ta sbatel osil. —X'utatic yu'un ti Jesuse.

Tzotzil de Huixtán

³⁰ ja' ep ch-ac'bat xq'uexol li' ti ora to. Ch-ac'bat yich' uc xcuxlejal sbatel osil ―xchi ti Jesuse.

San Lucas 18:30 Iomraidhean Croise

Job 42:10

C'alal la sc'opanbe Dios ta stojol xchi'iltac li Jobe, li Muc'ul Diose lic sloq'uesbe svocol li Jobe, xchi'uc laj yepajesbe yan velta c'usitic oy yu'un. X'ech' to jech yepal laj yepajesbe jech chac c'u cha'al oy ono'ox yu'une.

Salmos 119:103

Li ac'ope ja' toj lec chi' ta lajesel chca'ay; ja' xcom xchi'il li spom muc'ta pome.

Salmos 119:111

Ja' jmoton o sbatel osil chca'ay li amantaltaque, yu'un ja' te ta jta o xcuxetel co'nton.

Salmos 119:127

Yu'un li vu'une ja' jc'anoj o li mantaletic avu'une; jeloven jc'anoj jech chac c'u cha'al bats'i lequil c'anal taq'uin.

Salmos 119:162

Toj xcuxet no'ox co'nton yu'un li c'usi avaloje, jech chac c'u cha'al li boch'o tsta ep sc'ulejal ti toj xcuxet yo'ntone.

Salmos 119:72

Ja' toj ech'em tsots sc'oplal chca'ay li chanubtasel chloc' ta avee; ja' mu sta jech tsots sc'oplal chca'ay li c'anal taq'uin xchi'uc saquil taq'uine, ac'o me bats'i ep ta mil.

Salmos 37:16

Ac'o me jutuc no'ox c'usi oy yu'un li boch'o tuc' yo'ntone, ja' toj lec; yan li c'usitic oy yu'un jc'ulejetique mu'yuc stu.

San Mateo 12:32

Li boch'o chopol chc'opoj ta jtojol, vu'un ti Xnich'on cristiano lic'ote, ta to spasbatic perdón. Pero li boch'o chopol chc'opoj ta stojol Ch'ul Espiritue mu'yuc ta spasbatic o perdón, me ja'uc li' ta banamil, me ja'uc ta sbatel osil”, xi li Jesuse.

San Mateo 4:24

Ivinaj sc'oplal ta scotol Siria banamil. Jech te laj yic'beic tal ta stojol scotol li jchameletique; ep ta chop jchameletic laj yiq'uic tal. Laj yiq'uic tal li boch'otic oy ep svocolique, li boch'otic oy c'usi chti'van cha'yique, li boch'otic ochem pucuj ta yo'ntonique, li boch'otic yich'ojic tu'p iq'ue, xchi'uc li boch'otic aluben yoc sc'obique. Scotol icol yu'un li Jesuse.

1 Timoteo 4:8

Li boch'o ta snopes sbec'tal ta jchopuc tajimole, lec ta xtun ta sventa jaychopuc no'ox. Yan li boch'o ta snopes sba ta yich'el ta muc' Diose, ja' chtun ta sventa scotol. Oy c'usi ta jtatic yu'un ta sventa jcuxlejaltic li' ta ora xchi'uc ta sventa sbatel osil.

1 Timoteo 6:6

Ta melel ja' jc'ulejaltic c'otem ti jch'unojtique, ti jun co'ntontic yu'un ti c'u yepal c'usitic oy cu'untique.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.