San Lucas 18:14 - Bible in Tzotzil de Chenalhó with Deuterocanon

¹⁴ Chacalboxuc ava'yic, li jtsobpatane mu'yuc xa smul ch-ilat yu'un Dios ti c'alal isut batel ta snae. Yan li fariseoe mu jechuc. Yu'un li boch'otic tstoy sbaique ja' ta sbic'tajesatic. Yan li boch'otic biq'uit ta xac' sbaique ja' ta x'ac'atic ta ich'el ta muc' yu'un li Diose”, xi li Jesuse.

Tzotzil Zinacantan

¹⁴ Chacalbe avaꞌiic. Li jcꞌan-locꞌ-cꞌusiticuque acꞌbil xa pertonal yuꞌun smul ti cꞌalal isut ta snae. Yan li jfariseoe muc xꞌaqꞌue ta pertonal. Ti muchꞌutic stoyoj sbaique ch-aqꞌueic ta qꞌuexlal yuꞌun mu xcꞌaneic yuꞌun ti Rioxe. Yan ti muchꞌutic mu snaꞌ stoy sbaique jaꞌ ch-aqꞌueic ta ichꞌel ta mucꞌ yuꞌun ti Rioxe ―xꞌutatic la yuꞌun ti Jesuse.

Bible in Tzotzil de Chamula

¹⁴ Melel ta xcalboxuc ava'iic, c'alal sut batel ta sna ti jc'an-patan-taq'uine, lec xa x'ilat yu'un ti Diose. Ja'uc ti fariseoe mu'yuc bu laj sta ti lec x'ilat yu'un ti Diose. Yu'un ti buch'u cajal ta xac' sbae, ta spec'tsanat. Ti buch'u biq'uit ta xac' sbae, ta x'aq'ue ta ich'el ta muc'.

LEQUIL ACH' C'OP

¹⁴ Chacalbe ava'iic, li jc'an-loc'-c'usiticuque, c'alal isut ech'el ta snae, ac'bil xa pertonal yu'un li smule, yan li jfariseoe muc' x'aq'ue ta pertonal. Yu'un ti much'u chac' sba ta ich'el ta muc' stuque, ta x'aq'ue ta q'uexlal; yan ti much'u biq'uit chac' sbae, ta x'aq'ue ta ich'el ta muc'.» ―X'utatic yu'un ti Jesuse.

Tzotzil San Andres

¹⁴ Chacalbeic, li jtsobpatane pasbil xa perton yuꞌun smul li cꞌalal isut batel ta snae. Yan li jfariseoe muc bu spasbat perton yuꞌun smul. Yuꞌun li buchꞌutic ta stoy sbaique jaꞌ ta xbicꞌtajese yuꞌun li Diose. Yan li buchꞌutic ta sbicꞌtajes sbaique, jaꞌ ta xꞌaqꞌueic ta ichꞌel ta mucꞌ yuꞌun li Diose ―xi li Jesuse.

Tzotzil de Huixtán

¹⁴ Chacalbeic, ti jtsobpatane ch'ayem xa smul isut batel ti sna. Ti fariseoe muc xch'ay ti smule. Yu'un scotol ti much'u chac' sba ti pasel ti muc', ja' mu spasat ti muc' yu'un ti Diose. Ti much'u biq'uit chac' sbae, ja' tspasat ti muc' yu'un ti Diose ―xchi ti Jesuse.

San Lucas 18:14 Iomraidhean Croise

Job 22:29

Yu'un li Diose tsbic'tajes li jtoybaetique; ja' tscolta li boch'o biq'uit chac' sbaique.

Job 25:4

¿C'u x'elan xu' chal jun vinic ti toj tuc' ta stojol li Diose? ¿C'u x'elan xu' chal mu'yuc smul ta stojol Dios li boch'o voq'uem ta jun antse?

Job 9:20

Me ta xcal ti lec tuc'une, ta que no'ox jtuc chvinaj ti oy jmule; me ta xcal ti mu'yuc c'usi chopol jpasoje, ja' svinajeb ti chopolune.

Salmos 138:6

Ac'o me toj ech'em amuc'ul, vo'ot li Muc'ul Diosote, pero oy ta avo'nton li boch'o biq'uit ch-ilatique; yan li jtoybaetique chaq'uel tal ta nom li c'usi tspasique.

Salmos 143:2

Mu me xachapanun, vu'un li avajtunelune, yu'un me junuc cristiano mu'yuc boch'o tuc' yo'nton ta atojol.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Proverbios 15:33

Li boch'o chich' ta muc' Muc'ul Diose te chchan batel lec c'u x'elan chbijub; ti c'u x'elan xu' ta jtatic ich'el ta muq'ue tsc'an biq'uit chcac' jbatic ba'yuc.

Proverbios 18:12

Li toybaile ja' chisyalesutic ta lum; yan me biq'uit chcac' jbatique, chquich'tic ich'el ta muc'.

Proverbios 25:7

Ja' lec malao no'ox iq'uel; ja' vocol me ja' no'ox ata q'uexlaltasel ta stojol li banquilaletique. Me oy c'usi laj avil lec ta asate,

Proverbios 29:23

Li jtoybae ta syalesat yu'un li stoyobbaile; yan li boch'o biq'uit chac' sbae ta x'ich'at ta muc'.

Proverbios 3:34

Li Muc'ul Diose ta sna'le li boch'otic chna'levanique; yan li boch'otic biq'uit yac'oj sbaique ta xc'uxubin.

Eclesiastés 9:7

Batan me, cuxetuc no'ox avo'nton bat ve'an avot, bat uch'an ya'lel ats'usub, yu'un lec chil Dios li avabtele.

Isaías 45:25

Vu'un ta jventa tspasic canal; vu'un ta jventa ich'bilic ta muc' chc'otic li smomnich'nab Israele”, xi li Muc'ul Diose.

Isaías 53:11

Ta to xlic yil c'u yepal tsatin li vocol la sts'ique; toj xcuxet no'ox yo'nton ti c'alal chile. Ta sventa li tuq'uil Yajtunel Diose ep boch'otic mu'yuc smul chc'otic, yu'un la xcuchbe scotol li xchopolilique.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Daniel 4:37

“Ja' yu'un vu'un li Nabucodonosorune, ta xcalbe slequilal, ta xquich' ta muc', ta xcac' ta ich'el ta muc' li Ajvalil ta vinajele, yu'un li yabtele puru melelic; tuc' scotol li c'usitic tspase, xchi'uc xu' yu'un ta sbic'tajes li boch'otic tstoy sbaique”, xi li ajvalile.

Habacuc 2:4

A'yo ava'ay, li boch'o chopol yo'nton ta jtojole ja' no'ox ta stoy sba; yan li boch'o tuc' yo'nton chquile ja' chcuxi, yu'un jun yo'nton xch'unoj”, xi.

San Mateo 23:12

Li boch'o muc' chac' sbae, ja' ta sbic'tajesat. Yan li boch'o biq'uit chac' sbae, ja' ta x'ac'at ta ich'el ta muc'.

San Mateo 5:3

“Xcuxet no'ox yo'nton li boch'o abul sba cha'yique, yu'un ja' chventainatic yu'un Dios.

San Lucas 1:52

La sjip loq'uel ta xchotlebic li jpasmantaletique; ja' la stoy liquel li boch'otic mu'yuc stu ch-ilatique.

San Lucas 10:29

Li vinique mu sc'an tsalel, jech laj yalbe li Jesuse: —¿Boch'o li jchi'ile? —xut.

San Lucas 14:11

Yu'un li boch'o muc' chac' sbaique, ta sbic'tajesatic. Yan li boch'o biq'uit chac' sbaique, ja' ta x'ac'atic ta ich'el ta muc' —xi li Jesuse.

San Lucas 16:15

Li Jesuse jech laj yalbe: “Li vo'oxuque chavaq'uic ta ilel ta stojol cristianoetic ti tuc' avo'nton avalojique, pero li Diose xotquin li avo'ntonique. Yu'un li boch'o chac' sba ta ich'el ta muc' ta stojol cristianoetique ja' mu'yuc stu ta stojol li Diose.

Romanos 3:20

Yu'un ta sventa xch'unel li mantaletique mu xu' tuc' co'ntontic chijyilutic o li Diose. Yu'un li mantaletic ac'bilutique ja' no'ox sventa ac'o quiltic ti oy jmultique.

Romanos 4:5

Yan li boch'o ma'uc ta sventa yabtel lec ch-ilat yu'un Diose, ti ja' no'ox chch'un li Boch'o xu' yu'un chch'aybe smul jpasmuliletique, le'e tuc' yo'nton ch-ilat yu'un Dios ta sventa xch'unojel yo'nton.

Romanos 5:1

Ja' yu'un li' ta orae, tuc' xa co'ntontic lijc'ot ta sventa xch'unojel co'ntontic. Jech ico'laj co'ntontic xchi'uc Dios ta sventa li Cajvaltic Jesucristoe.

Romanos 8:33

¿Boch'o xu' tstic'be smul li boch'otic t'ujbilic yu'un Diose, yu'un ja' Dios stuc la slecubtas?

Gálatas 2:16

Pero ac'o me judioutic, laj xa jna'tic ti muc ta sventauc mantaletic mu'yuc jmultic chijyilutic li Diose. Ja' no'ox ta sventa ta jch'untic li Jesucristoe. Ja' yu'un laj xa jch'untic li Jesucristoe, jech mu'yuc xa jmultic chijyilutic li Diose. Ma'uc ta sventa yu'un ivu' cu'untic xch'unel li mantaletique. Yu'un mu'yuc boch'o xu' mu'yuc smul ch-ilat yu'un Dios ta sventa yabtel stuc.

Santiago 4:10

Ja' lec biq'uit xavac' abaic ta stojol li Cajvaltique, jech lec muc' chac'otic yu'un.

Santiago 4:6

Pero li Diose slequil no'ox yo'nton chixc'uxubinutic, ja' yu'un jech ts'ibabil: “Li Diose tscontrain li jtoybaetique; yan li boch'o biq'uit chac' sbaique ja' ta xc'uxubin”, xi.

1 Samuel 1:18

—Bats'i colaval —xi itac'ov li Anae. Jech isut batel li Anae; lic ve'uc. Mu'yuc xa laj yat yo'nton.