San Lucas 18:13 - Bible in Tzotzil de Chenalhó with Deuterocanon

¹³ Yan li jtsobpatane nom no'ox va'al icom. Mu sc'an stoy sat ta vinajel. Ja' no'ox la smajilan sna yo'nton, jech la sc'opan Dios: ‘Dios cu'un, c'uxubinun, yu'un jpasmulilun’, xut.

Tzotzil Zinacantan

¹³ Li jcꞌan-locꞌ-cꞌusiticuque nom vaꞌal icom. Mi jaꞌuc scꞌan sqꞌuel muyel vinajel. Jaꞌ noꞌox ismajulan stiꞌ yoꞌon. “Cajval, cꞌuxubinon yuꞌun jmulavilon”, xut ti Rioxe.

Bible in Tzotzil de Chamula

¹³ Ja'uc ti jc'an-patan-taq'uine, ta patil nijil com ta q'uexlal. Mi ja'uc jutebuc stoy muyel ti sat ta vinajele. Ja' no'ox smajolan xa ti sti' yo'ntone, ti xi laj yale: ‘Ch'ul Dios, c'uxubinun, yu'un jsa'mulilun.’

LEQUIL ACH' C'OP

¹³ Pero li jc'an-loc'-c'usiticuque nom va'al icom, mi ja'uc sc'an sq'uel muyel vinajel, ja' no'ox ismajulan sti' yo'on, xi iyale: “¡Riox Cajval, c'uxubinon yu'un jmulavilon!” —Xut ti Rioxe.

Tzotzil San Andres

¹³ Pero li jtsobpatane nomnom noꞌox vaꞌal icom yuꞌun ta xiꞌ li Diose. Mu scꞌan stoy sat ta vinajel nojtoc. Yuꞌun snaꞌ ti chopol li yoꞌone, jaꞌ noꞌox la smajulan stiꞌ yoꞌon, jech la scꞌopon Dios: “Dios, cꞌuxubinun yuꞌun jpasmulilun”, xut li Diose.

Tzotzil de Huixtán

¹³ Ti jtsobpatane nom to va'al yu'un chi' yu'un ti Diose. Mi jutuc mu sq'uel muel yu'un chi' ti Diose. Yu'un laj sna' ti mu xtun ti yo'ntone hech yu'un lic smajilan sti' yo'nton, hech laj sc'opon Dios: “Dios, c'uxubinun yu'un mu xtun ti co'ntone”, xchi ti stojol ti Diose.

San Lucas 18:13 Iomraidhean Croise

2 Samuel 12:13

Li Davide jech laj yalbe li Natane: —Laj xa jta jmul ta stojol li Muc'ul Diose —xi. Itac'ov li Natane: —Li Muc'ul Diose muc vo'ocot chayac'bot atoj li amule; muc vo'cot chasmilot.

2 Crónicas 33:19

Ti c'u x'elan la sc'opan Dios xchi'uc c'u x'elan itac'bat sc'op, xchi'uc c'u x'elan smul xchi'uc ti mu junuc yo'ntone, xchi'uc ti butic la spasbe toyol sc'opanbil yan diosetique, xchi'uc ti butic la sva'ananbe sloc'obal li Asera xchi'uc li sloc'obal sdiosic ti c'alal mu'yuc to'ox tsbic'tajes sbae, te ts'ibabil ta svun li j'alc'opetic ti icoltaat yu'une.

2 Crónicas 33:23

Me jutuc mu'yuc la sbic'tajes sba ta stojol Muc'ul Dios jech chac c'u cha'al la sbic'tajes sba li stote. Jech i'epaj o smul ta stojol li Diose.

Esdras 9:6

jech laj calbe: “Dios cu'un, toj ep chiq'uexov ta atojol. Mu xa jna' c'usi chacalbot, yu'un bats'i ep li jmulcutique; jeloven xa c'alal ta jolcutic, c'otem xa c'alal ta vinajel.

Job 42:6

Ja' yu'un ta jsutes co'nton ta atojol; li' ta xcac' jba ta pucuctic, ta tantic —xi li Jobe.

Salmos 106:6

Jtaoj jmulcutic ec jech chac c'u cha'al li jtot jme'cutic ta vo'onee; la jpascutic ec li c'usi chopole xchi'uc li c'usi mu xtune.

Salmos 119:41

Muc'ul Dios, ac'bun li c'uxubinel avu'une; ac'bun li coltael avu'un jech chac c'u cha'al avaloje.

Salmos 130:7

Ja' me jech xamalaic chascoltaoxuc Muc'ul Dios, vo'oxuc israeletic, yu'un ta melel chataic c'uxubinel yu'un; lec ts'acal coltael chayac'boxuc.

Salmos 25:11

Muc'ul Dios, vo'ot ti ich'bil ta muc' abie, pasbun perdón yu'un li yepal jmule.

Salmos 25:7

Mu me ja'uc xana'bun li jmule xchi'uc li c'usi chopol jpasoj ta jbic'tale. Ja' me na'un ta sventa li yutsil slequil avo'ntone.

Salmos 40:12

Yu'un li' xa sjoyibtaojun li c'usitic chopole; mu xa xlaj ta atel c'u yepal. Ta xa xisnet'un li jchopolile; mu xa xquil lec osil yu'un. Solel i'epaj ta jyalel, ech'em xa jech yepal jech chac c'u cha'al stsotsil jol; ta xa xlaj stsatsal co'nton yu'un.

Salmos 41:4

Jech laj cal: “Muc'ul Dios, avocoluc c'uxubinun, tsatsubtasun, ac'o me ep jtaoj jmul ta atojol”, xichi.

Éxodo 33:10

C'alal chilic israeletic ti te chvul yac' sba ta sti' ch'ulna pasbil ta nucul li toque, ta jujuntal te chlic squejan sbaic ta sti' scarpanaic sventa chich'ic ta muc' li Muc'ul Diose.

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Isaías 6:5

Jech la jnop: “¡Ay, toj abul jba; ta xa xicham! Yu'un laj xa quil ta jsat li Muc'ul Ajvalile, ja' li Muc'ul Dios ti ech'em svu'ele, vu'un ti ep sbolil quee xchi'uc ti li' nacalun ta stojol li cristianoetic ti puru chopol c'usi chloc' ta yeique”, xichi.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Ezequiel 16:63

Jech chlic vuluc ta avo'nton, chlic q'uexovan, chlic macuc ave ta scoj q'uexlal c'alal chavil ti ta jpasbot perdón scotol li c'usi chopol laj apase’, uto”, xi li Muc'ul Diose.

Daniel 9:5

la jta jmulcutic; la jpascutic c'usi mu xtun. Toj chopol c'usi la jpascutic, ven jtoybauncutic; la jcomtsancutic li mantaletic avu'une xchi'uc li c'usitic avaloje.

San Mateo 10:3

xchi'uc Felipe, Bartolomé, Tomás xchi'uc Mateo ti jtsobpatan to'oxe, xchi'uc Santiago xnich'on Alfeo, xchi'uc Lebeo,

San Mateo 6:5

“C'alal chac'opanic Diose, mu me jechuc xapasic jech chac c'u cha'al tspasic li jlo'lavanejetique. Yu'un li stuquique ja' lec cha'yic ti va'ajtic ta nail tsobobbail xchi'uc ta chiquin xoraltic c'alal tsc'opanic Diose yu'un jech ac'o ilaticuc yu'un li cristianoetique. Melel chacalboxuc, le'e yich'oj xa o smotonic ti jech tspasique.

San Mateo 9:13

Bat nopo ava'yic c'usi smelol ti jech yaloj Diose: ‘Ja' ta jc'an ti chac'uxubinvanique; ma'uc no'ox ta jc'an ti chavac'bicun milbil matanale’, xi. Li vu'une mu ja'uc tal quic' li boch'otic tuc' scuyoj sbaique. Ja' tal quic' li jpasmuliletique —xi li Jesuse.

Marcos 11:25

C'alal chac'opanic Diose, pasbeic perdón li boch'o oy smul avu'unique. Jech chaspasboxuc perdón yu'un amulic ec li Atotic te oy ta vinajele —xi.

San Lucas 17:12

Te ic'ot ta tsobtsobnaetic. Te italic lajuneb viniquetic tsacbilic ta c'a'el chamel. Nom no'ox la sva'an sbaic.

San Lucas 22:41

Li Jesuse la svoc' sba batel jutuc. Jech snatil ijelov batel jech chac c'u cha'al snatil xijtenubaj ta ton. Te la squejan sba, la sc'opan Dios.

San Lucas 23:48

Scotol li epal cristianoetic te tsobolique laj yilic lec scotol li c'usitic ic'ot ta pasele. C'alal isutic batel ta snaique, la smajilan batel sna yo'ntonic.

San Lucas 5:8

C'alal jech laj yil li Simone, la squejan sba ta stojol li Jesuse, jech laj yalbe: —Cajval, mu xachi'inun, yu'un li vu'une jpasmulilun —xut.

Hechos 2:37

C'alal laj ya'yic c'usi laj yal li Pedroe, tsots laj yat yo'nton yu'un smulic. Jech la sjac'beic li Pedroe xchi'uc li yantic yajtacbolaltac Jesuse: —Jchi'iltac, ¿c'usi tsc'an ta jpascutic? —xiic.

Romanos 5:8

Pero li Diose laj yac' ta ilel ti ta melel sc'anojutique, ac'o me solel yuxub jpasmulilutic, pero icham ta jcojtic li Cristoe.

2 Corintios 7:11

Q'uelo avilic c'usi lec laj ataic ta sventa ti ja' laj yac' avat avo'ntonic li Diose. Yu'un oy xa ta avo'ntonic xchapanel li c'ope; chac'anic ti mu'yuc amul chacomique; la'ilinic yu'un li mulile; oy xi'el laj ava'yic; laj avat avo'ntonic cu'uncutic; toj tsots sc'oplal laj ava'yic ti ac'o lecubuc scotole. Ja' jun tojobtasel laj ava'yic. Ta sventa scotol le'e ja' svinajeb ti mu'yuc amulic ta sventa li c'usi c'otem ta pasel ta atojolique.

1 Timoteo 1:15

Ja' melel li c'op li'i; ja' tsc'an ac'o yich' ch'unel. Li Jesucristoe i'ay ta banamil, ay scolta jpasmuliletic. Vu'une ech'em la jsa' li jmule; ja' mu sta jech li yantique.

Hebreos 4:16

Ja' yu'un junuc co'ntontic ac'o nopajcutic batel ta stojol li Jc'uxubinvaneje, yu'un jech xu' ta jtatic c'uxubinel, yu'un jech xu' ta jtatic coltael ti c'alal yorail oy jvocoltique.

Hebreos 8:12

Yu'un j'ech'el ta jch'aybe o ta co'nton li xchopolilique; mu'yuc xa bu ta jt'abbe o ta co'nton li smulique”, xi li Diose.