San Lucas 18:11 - Bible in Tzotzil de Chenalhó with Deuterocanon

¹¹ Li fariseoe te c'ot sva'an sba ti c'alal la sc'opan Diose, jech laj yal: ‘Dios, colavalbun ti mu jechuc co'nton jech chac c'u cha'al li yan cristianoetique. Yu'un li stuquique ta x'elc'ajic, mu'yuc tuc' yo'ntonic, ta xmulivajic. Mu jechuc co'nton noxtoc jech chac c'u cha'al li jtsobpatan li'i.

Tzotzil Zinacantan

¹¹ Li jfariseoe vaꞌal iscꞌopon Riox, mu xa muchꞌu xtaon chaꞌi. “Colaval, Cajval, ti muc bu yechon chac cꞌu chaꞌal li yan jchiꞌiltaque ti ch-elcꞌajique, ti chopol sjolique, ti tsaꞌ yantsique. Muc bu yechon noxtoc chac cꞌu chaꞌal li jcꞌan-locꞌ-cꞌusiticuc liꞌ vaꞌale.

Bible in Tzotzil de Chamula

¹¹ Ti fariseoe xi ta xal ti va'al ta xc'opoj xti'ine: ‘Colavalbun, Ch'ul Dios, ti mu jechuc j'elan jech c'u cha'al ti yane, ti ta x'elc'ajique, ti mu'yuc xch'ulel xa'i sbaique, ti jsa'muliletique. Mi ja'uc jutebuc jech j'elan jech c'u cha'al ti jc'an-patan-taq'uin li'e.

LEQUIL ACH' C'OP

¹¹ Li jfariseoe va'al isc'opon Riox, ja' yech iyal chac li'i: “Riox Cajval, colaval ti muc bu yechon chac c'u cha'al li yantique, ti ch-elc'ajique, ti chopol sjolique, ti tsa' yantsique, muc' bu yechon noxtoc chac c'u cha'al li jc'an-loc'-c'usiticuc le' va'ale.

Tzotzil San Andres

¹¹ Li jfariseoe te vaꞌal ista ta naꞌel li Diose, stoyoj noꞌox sba. Jech laj yal: “Dios, colavalbun ti muc bu jechun jech chac cꞌu chaꞌal li yan jchiꞌiltaque. Yuꞌun li stuquique ta xꞌelcꞌajic, chopol yoꞌonic, ta xmulivajic. Muc bu jechun nojtoc jech chac cꞌu chaꞌal li jtsobpatan li liꞌ chasta ta naꞌele.

Tzotzil de Huixtán

¹¹ Te va'al ti fariseoe tstoy sba ti stojol ti Diose, hech chalbe: “Dios, hocol avalbun ti mu hechuc co'nton hech chaj c'u che'el yan crixchanoetic, ja' ti ch-elc'ajique, ti mu tojuc yo'ntonique, ti chmulivajique. Mu hechuc co'nton hech chaj c'u che'el ti jtsobpatan lume ti chasc'oponote.

San Lucas 18:11 Iomraidhean Croise

Salmos 134:1

Albeic slequilal Muc'ul Dios, vo'oxuc li yajtuneloxuque, vo'oxuc ti te oyoxuc o ta xch'ulna Muc'ul Dios sjunul ac'ubale.

Proverbios 20:6

Ep boch'otic chalic ti lec yo'ntonique, pero ¿me oy bu ta jtatic ti bats'i tuc' ta melele?

Proverbios 30:12

Oy boch'otic tsnopic ti toj lequique, pero mu'yuc scomtsanojic li xchopolilique.

Isaías 1:15

C'alal chatoy ac'obic ta jtojole, li vu'une ta jnac' jsat ta atojolic. C'alal ep chac'opanicune, mu'yuc ta jtuc'ulanboxuc, yu'un nojem ta ch'ich' chquil li ac'obique.

Isaías 58:2

Jujun c'ac'al vu'un chisa'icun yilel; oy ta yo'nton tsc'an tsna' scuyoj sbaic li c'usitic ta jc'ane. Xco'laj xchi'uc ja'ic yilel li boch'otic ja' tspasic c'usitic tuq'ue, ti mu'yuc scomtsanojic o li smantaltac Dios yu'unique. Chisc'anbicun tuq'uil mantaletic; tsc'an xa chnopajic tal ta jtojol yilel.

Isaías 65:5

Jech chalbe li xchi'ilique: ‘Te no'ox oyanic, mu xtal apiquicun, yu'un li vu'une ts'u'iltasbilun lec ta jyalel, mu xu' chtal apiquicun’, xutic. Li cristianoetic le'e ja' jechic chca'ay jech chac c'u cha'al ch'ayil ch-och ta jni'; ja' jechic noxtoc jech chac c'u cha'al c'oc' ti scotol c'ac'al te chchic'vanic oe.

Jeremías 2:28

Judá, ¿bu oy li diosetic avu'un apasoje? Ja' ac'o sva'an sbaic tal avu'un, jq'ueltiquic me xu' yu'unic chascoltaot ti c'alal yorail chavich' tsots avocole; yu'un ja' to jech yepal jech chac c'u cha'al lumetic avu'un li adiostaque.

Jeremías 2:35

Ac'o me ja' jech apasoj pero jech chaval: ‘Mu'yuc jmul, ja' yu'un li Diose mu'yuc xa ch-ilin ta jtojol’, xachi. Lec oy, yu'un chaval ti mu'yuc amule, ta jchapanot quic me ta melel mu'yuc amule.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

San Mateo 10:3

xchi'uc Felipe, Bartolomé, Tomás xchi'uc Mateo ti jtsobpatan to'oxe, xchi'uc Santiago xnich'on Alfeo, xchi'uc Lebeo,

San Mateo 5:20

Chacalboxuc ava'yic, me ja' no'ox jech chapasic jech chac c'u cha'al li jchanubtasvanejetic xchi'uc li fariseoetique, mu xu' chavich'ic ventainel yu'un Dios.

San Mateo 6:5

“C'alal chac'opanic Diose, mu me jechuc xapasic jech chac c'u cha'al tspasic li jlo'lavanejetique. Yu'un li stuquique ja' lec cha'yic ti va'ajtic ta nail tsobobbail xchi'uc ta chiquin xoraltic c'alal tsc'opanic Diose yu'un jech ac'o ilaticuc yu'un li cristianoetique. Melel chacalboxuc, le'e yich'oj xa o smotonic ti jech tspasique.

Marcos 11:25

C'alal chac'opanic Diose, pasbeic perdón li boch'o oy smul avu'unique. Jech chaspasboxuc perdón yu'un amulic ec li Atotic te oy ta vinajele —xi.

San Lucas 20:47

Jech noxtoc ta spojbeic c'usi oy yu'un li me'on antsetique. Lec xa jal ta sc'opanic Dios scuyoj sbaic yilel. Le'e tsots ta x'ac'bat stoj smulic”, xi li Jesuse.

San Lucas 22:41

Li Jesuse la svoc' sba batel jutuc. Jech snatil ijelov batel jech chac c'u cha'al snatil xijtenubaj ta ton. Te la squejan sba, la sc'opan Dios.

Gálatas 3:10

Yan li boch'otic batem yo'ntonic ta sventa li mantaletique, oyic o ta sventa ch'ayel. Yu'un jech ts'ibabil ta sc'op Dios: “Ac'o ac'batuc stoj smul li boch'o mu xch'un, mu xich' ta muc' li chanubtasel li' ts'ibabil ta svunal mantaletique”, xi ts'ibabil.

Filipenses 3:6

Ta sventa ti bats'i tsots sc'oplal laj ca'ay li smantaltac Diose, jech laj cuts'intaan li jch'unolajeletic ta jujutsobe. Mu'yuc jmul o laj ca'ay, yu'un jch'unoj ti tuc' co'nton chiyilun Dios ta sventa li mantaletique.

Apocalipsis 3:17

Yu'un jech chavalic: Vu'une lec jc'ulejun, jtaoj xa scotol, mu'yuc c'usi yan sc'an cu'un, xachiic. Mu xavil abaic ti solel me'onoxuc, ti abul abaic, ti xataq'uic oc'tael, ti ma'satoxuc, xchi'uc ti bats'i cuxul t'anal chaquiloxuque.