San Lucas 17:30 - Bible in Tzotzil de Chenalhó with Deuterocanon

³⁰ Ja' jech tspasic noxtoc c'alal chicha'sut tal, vu'un ti Xnich'on cristiano lic'ote.

Tzotzil Zinacantan

³⁰ Jaꞌ noꞌox yech tspasic li crixchanoetique ti cꞌalal xichaꞌsut tal, voꞌon ti coꞌol crixchanootique.

Bible in Tzotzil de Chamula

³⁰ Ja' jech s'elan ti sc'ac'alil c'alal ta xicha'sut talel ti vu'un co'ol j'elantique.

LEQUIL ACH' C'OP

³⁰ Ja' no'ox yech chc'ot ta pasel ti c'alal xicha'sut tal, vo'on ti Xch'amal crixchano li c'ote.

Tzotzil San Andres

³⁰ Cꞌalal chichaꞌtal, joꞌon li coꞌol crixchanoutique, jaꞌ jech ta spasic eꞌuc li crixchanoetique.

Tzotzil de Huixtán

³⁰ Ja' hech yac'oj sba tspasic uc ti crixchanoetique ti c'alal chicha'sut talele, ho'on ti co'ol crixchanoucutique.

San Lucas 17:30 Iomraidhean Croise

San Mateo 16:27

Yu'un ta to sta sc'ac'alil chital xchi'uc xojobal Jtot, vu'un ti Xnich'on cristiano lic'ote. Ta jchi'in yalel tal li j'almantaletic cu'une, ja' ta xtal cac'be stojol jujun cristiano ti c'u x'elan la spasique.

San Mateo 24:3

C'alal te xa'ox chotol ta vits Olivatic li Jesuse, te inopajic batel ta stojol li yajchanc'optaque, jech laj yalbeic li Jesuse: —Albun ca'icutic c'usi ora ta xc'ot ta pasel li c'usi laj avale, xchi'uc ¿c'usi senyail chavac' quilcutic ti c'alal chacha'tale? ¿C'usi sq'uelubil ti c'alal po'ot xa slajebal c'ac'ale? —xutic.

San Mateo 24:37

“Jech chac c'u cha'al ic'ot ta pasel ta yorail li Noee, ja' no'ox jech ta xc'ot ta pasel c'alal chital, vu'un ti Xnich'on cristiano lic'ote.

San Mateo 24:39

Muc xch'unic ti chtal li pulel ta vo'e. Ja' to la xch'unic ti c'alal itale, pero ilaj o scotolic. Ja' jech ta xc'ot ta pasel c'alal chital ec, vu'un ti Xnich'on cristiano lic'ote.

San Mateo 26:64

Itac'ov li Jesuse: —Vo'ot chloc' ta ave atuc ti vu'une. Chacalboxuc ava'yic, vu'un ti Xnich'on cristiano lic'ote, ta to xavilic chotolun ta sbats'ic'ob li Boch'o ech'em svu'ele. Ta to xavilic chital ta toc ta vinajel —xi li Jesuse.

Marcos 13:26

Ja'o ta xilic ta xiyal tal ta toc xchi'uc ep jtsatsal xchi'uc jxojobal, vu'un ti Xnich'on cristiano lic'ote.

San Lucas 17:24

Yu'un ja' jech chac c'u cha'al sacsevul ti xleblej no'oxe, ti sacjaman to chvinaj ta jujujot sti' vinajele, ja' jech chital c'alal me la sta sc'ac'alil vu'un ti Xnich'on cristiano lic'ote.

San Lucas 17:29

Yan li Lote iloc' batel ta Sodoma, ja'o iyal tal c'oc' ta vinajel xchi'uc azufre; jech icham o scotolic.

San Lucas 21:22

Yu'un ja' xa sc'ac'alil ta xich'beic stojol jech chac c'u cha'al ts'ibabil comele.

San Lucas 21:27

Ja'o ta xilic chiyal tal ta toc, vu'un ti Xnich'on cristiano lic'ote. Ep jtsatsal xchi'uc tsots jxojobal chital.

1 Corintios 1:7

Jech mu'yuc xa c'usi yan sc'an avu'unic; ataojic xa scotol li matanal chac' Diose. Ja' xa no'ox chamalaic c'usi ora chvul ta loq'uel li Cajvaltic Jesucristoe.

1 Corintios 1:8

Jech noxtoc ja' chastsatsubtasboxuc o batel avo'ntonic c'alal to ta slajeb, yu'un jech mu'yuc amulic chc'ot ti c'alal tsta sc'ac'alil ta xchapanvan li Cajvaltic Jesucristoe.

Colosenses 3:4

C'alal chtal li Cristo ti ja' xa acuxlejalique, co'ol chac'ot achi'uquic, co'ol alequil avutsil achi'uquic.

2 Tesalonicenses 1:7

Vo'oxuc ti chavich'ic vocol li' ta orae, co'ol ta jcux co'ntontic c'alal chyal tal ta vinajel li Cajvaltic Jesucristoe xchi'uc li yaj'almantaltac ti ech'em svu'elique.

1 Pedro 1:13

Ja' yu'un bijanic me, nopic lec li c'usi chapasique. Junuc avo'nton malaic li c'usi sc'oplal chayac'boxuc ta slequil yo'nton Dios c'alal ta xcha'tal li Cajvaltic Jesucristoe.

1 Pedro 1:7

Yu'un ja' sventa chich' q'uelel me oy xch'unojel avo'ntonic. Yu'un li xch'unojel co'ntontique toj lec. Ja' mu sta jech li c'anal taq'uin chich' q'uelel ta c'oq'ue, yu'un sna' xlaj. Yan li xch'unojel avo'ntonic chich' q'uelele, jun yutsil, lec ac'oplalic yu'un; ich'biloxuc ta muc' c'alal chtal li Cajvaltic Jesucristoe.

1 Pedro 4:13

Ja' tsc'an cuxetuc no'ox avo'ntonic, yu'un co'ol chavich'ic vocol jech chac c'u cha'al laj yich' vocol li Cristoe. Jech xcuxet no'ox avo'ntonic noxtoc ti c'alal tsta yorail chtal xchi'uc slequilal yutsilale.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.

1 Juan 3:2

Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

Apocalipsis 1:7

A'yo ava'yic, li Cristoe ta xyal tal ta toc. Scotol cristianoetic ta xil ta satic, xchi'uc ta xilic ec li boch'otic la smilique. Scotol jnaclumetic ta banamil ta x'oq'uic yu'un. Ta melel jech chc'ot ta pasel. Jechuc.