San Lucas 17:25 - Bible in Tzotzil de Chenalhó with Deuterocanon

²⁵ Pero persa ba'yuc ta xquich' ep vocol, yu'un mu xisc'anicun li cristianoetic li'i.

Tzotzil Zinacantan

²⁵ Pero baꞌyi chcacꞌ tajmec jvocol yuꞌun mu xiscꞌanic li jqꞌuex jchiꞌiltactic liꞌi.

Bible in Tzotzil de Chamula

²⁵ Ja'uc le' une, ba'yel ep ta xquich' vocol, ti bajbil tenbilun yu'un ti jnaclejetic avi li'e.

LEQUIL ACH' C'OP

²⁵ Pero ba'yi chcac' tajmec jvocol yu'un mu xisc'anic li jq'uex crixchanoetic li'i.

Tzotzil San Andres

²⁵ Pero persa baꞌi chquichꞌ ep vocol yuꞌun mu xiscꞌanic li jchiꞌiltactic ta israelale.

Tzotzil de Huixtán

²⁵ Persa jbael chquich' ep vocol yu'un mu xisc'anucun ti jchi'iltic ti li'oyic ti balumil ti ora to.

San Lucas 17:25 Iomraidhean Croise

Isaías 53:3

Solel na'lebil, bajbil yu'un li cristianoetique, ja' jun vinic ti pixil ta tsots vocole. Solel la snopes sba lec ta xcuchel scotol vocol; solel mu xa stac' q'uelel; bajbil ta j'ech'el, pero mu'yuc sc'oplal laj ca'itic.

San Mateo 16:21

Li Jesuse ja'o te lic yalbe jech chac li'i: —Ta persa chibat ta Jerusalén, te chc'ot quich' ep vocol yu'un li moletique xchi'uc li banquilal paleetique xchi'uc li jchanubtasvanejetic yu'unique. Te chiyaq'uicun ta milel. Chimucat, pero chicha'cuxi ta yoxibal c'ac'al —xut.

San Mateo 21:42

Li Jesuse jech laj yalbe yan velta: —¿Me mu aq'uelojicuc li c'usi ts'ibabil ta svun Diose?: ‘Li ton ti mu'yuc lec laj yilic li jpasnaetique, ja' ono'ox i'och ta mero chiquin na. Le'e ja' la spas stuc li Cajvaltic Diose; toj jun yutsil chquiltic ti jech la spase’, xi ts'ibabil.

Marcos 10:33

“Xana'ic ti chijbatutic ta Jerusalene. Vu'un ti Xnich'on cristiano lic'ote te ta xi'ac'at ta sc'ob banquilal paleetic xchi'uc ta sc'ob li boch'otic lec xchanojic smantal Diose. Te chiyaq'uicun ta milel. Chiyaq'uicun ta sc'ob yanlum cristianoetic.

Marcos 12:10

“¿Me mu'yuc aq'uelojic ti jech ts'ibabil ta sc'op Diose?: ‘Li ton ti mu'yuc lec laj yilic li jpasnaetique, ja' ono'ox i'och ta mero chiquin na.

Marcos 8:31

Li Jesuse jech lic yalbe li yajchanc'optaque: “Vu'un ti Xnich'on cristiano lic'ote, ta persa ta xca'ay ep jvocol, yu'un mu xisc'anicun li jchapanvanejetique xchi'uc li banquilal paleetique xchi'uc li jchanubtasvanejetic ta smantal Diose. Ta ximilat, pero chicha'cuxi ta yoxibal c'ac'al”, xut.

Marcos 9:31

yu'un tsc'an ta xchanubtas lec li yajchanc'optaque. Jech laj yalbe: —Vu'un ti Xnich'on cristiano lic'ote ta xi'ac'at ta sc'ob cristianoetic. Ta xismilicun. C'alal chamenun xa'oxe, chicha'cuxi ta yoxibal c'ac'al —xi.

San Lucas 18:31

Li Jesuse slecoj laj yic' loq'uel li yajchanc'optaque, jech laj yalbe: “Q'uelavilic, chijbat xa ta Jerusalén. Vu'un ti Xnich'on cristiano lic'ote, ja' te chc'ot ta pasel scotol li jc'oplal la sts'ibaic comel yaj'alc'optac Dios ta vo'onee.

San Lucas 18:33

Ta xac'bicun nucul; ta xismilicun; pero ta xicha'cuxi ta yoxibal c'ac'al”, xi li Jesuse.

San Lucas 24:46

Jech i'albatic: —Jech ono'ox ts'ibabil ta sc'op Dios ti ta xich' vocol li Cristoe, xchi'uc ti ta xcha'cuxi ta yoxibal c'ac'ale.

San Lucas 9:22

Jech laj yalbe noxtoc li yajchanc'optaque: —Vu'un ti Xnich'on cristiano lic'ote, ta persa ta xquich' ep vocol. Mu xisc'anicun li banquilaletique xchi'uc li banquilal paleetique xchi'uc li boch'otic lec xchanojic smantal Diose. Ta xismilicun, pero chicha'cuxi ta yoxibal c'ac'al —xi.

San Juan 1:11

Li' ivul ta stojol li yu'untaque, pero li yu'untaque muc sc'anic.

San Juan 12:38

Yu'un ja' ic'ot o c'usi la sts'iba li j'alc'op Isaías ta vo'onee. Jech la sts'iba: “Cajval, ¿boch'o chch'un li c'usi laj calbecutique? ¿Boch'o ta stojol laj yac' ta ilel stsatsal svu'el li Cajvaltique?”, xi ono'ox.

1 Samuel 10:19

Pero li vo'oxuque laj xa abajic li Dios cu'untic ti la scoltaoxuc ta sventa c'opetic xchi'uc ta sventa avocolique, yu'un jech laj avalic: ‘Mo'oj, ac'buncutic jun ajvalil cu'untic’, xachiic. Ja' yu'un li' ta orae la'ic ta stojol Muc'ul Dios acotolic ta jujuchopoxuc, xchi'uc ta jujuchop abiic —xut.

1 Samuel 8:7

Jech itac'bat yu'un li Muc'ul Diose: “A'ibo c'usi chasc'anbicot li achi'iltaque. Muc vo'cot ti chasbajicote; ja' vu'un chisbajicun, yu'un jech mu xa teuc ta jpas mantal ta stojolic.