San Lucas 17:10 - Bible in Tzotzil de Chenalhó with Deuterocanon

¹⁰ Ja' no'ox jech ec li vo'oxuque, me laj ach'unic scotol c'usitic chayalboxuc Diose, tsc'an jech chavalic: ‘Li vu'une mu'yuc c'usi xu' cu'un, yu'un ja' no'ox la jpas li c'usi sc'oplal ta jpase, tsc'an xachiic’, xi li Jesuse.

Tzotzil Zinacantan

¹⁰ Jaꞌ noꞌox yechoxuc uc, mi achꞌunic li cꞌusitic chayalbeic ti Rioxe, “Mu cꞌu xitunoticotic o. Jaꞌ noꞌox ijpasticotic ti cꞌu yepal liyalboticotique”, chianic me ―xꞌutatic la yuꞌun ti Jesuse.

Bible in Tzotzil de Chamula

¹⁰ Ja' jech ti vo'oxuque, c'alal mi laj apasic c'u s'elan yaloj ti Diose, sc'an ti xi ta xavalique: ‘Ma'uc lequil jtuneluncutic, ja' no'ox laj jpascutic ti c'u yepal ja' cabtel laj ca'icutique.’ ”

LEQUIL ACH' C'OP

¹⁰ Ja' no'ox yech li vo'oxuc uque, mi ach'unic li c'usitic chayalbeic ti Rioxe, ja' no'ox yech xavalic chac li'i: “Mu c'u xitunoticotic o, yu'un mu c'usi ep ijpasticotic ja' no'ox ijpasticotic li cabtelticotique.” Chianic me ―x'utatic yu'un ti Jesuse.

Tzotzil San Andres

¹⁰ Jaꞌ noꞌox jech eꞌuc li joꞌoxuque, mi la achꞌunic scotol li cꞌustic chayalbeic li Diose, mu me xatoy abaic yuꞌun mu cꞌusi xuꞌ avuꞌun apas atuquic. Jaꞌ noꞌox la apasic li cꞌusi avabtel yacꞌojboxuc li Diose. Ti laj yacꞌoxuc li Diose yuꞌun tscꞌan ti chatunic yuꞌune ―xi li Jesuse.

Tzotzil de Huixtán

¹⁰ Ja' no'ox hech uc ti ho'oxuque, mi laj xa ach'umbeic scotol ti c'utic chayalboxuc ti Diose, hech me xavalic: “Mu yu'unuc lequil abatucutic yu'un ti hech laj xa jpastique. Yu'un ja' ono'ox cabteltic yac'ojbucutic”, xachiic me ―xchi ti Jesuse.

San Lucas 17:10 Iomraidhean Croise

Isaías 6:5

Jech la jnop: “¡Ay, toj abul jba; ta xa xicham! Yu'un laj xa quil ta jsat li Muc'ul Ajvalile, ja' li Muc'ul Dios ti ech'em svu'ele, vu'un ti ep sbolil quee xchi'uc ti li' nacalun ta stojol li cristianoetic ti puru chopol c'usi chloc' ta yeique”, xichi.

Isaías 64:6

Li vu'uncutique ja' jechuncutic jech chac c'u cha'al ic'ubal; li c'usi lec la jpascutic calojcutique ja' jech chac c'u cha'al poc' ti chich' cusel o ic'ubale. Li jchopolilcutique la xcuchuncutic batel jech chac c'u cha'al chcuchat batel ta ic' yanal te' ti taquin xae.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

San Mateo 25:30

Li ch'ajil j'abtel li'i, jipic loq'uel ta ic' osil. Te ac'o c'ot yoc'ta sba; te c'uxetuc o ye’,, xi li yajvale”, xi li Jesuse.

San Lucas 17:11

C'alal ibat ta Jerusalén li Jesuse, te ijelov ta sts'aquil Galilea xchi'uc Samaria.

San Lucas 17:9

Me la xch'unbot amantale, ¿me chatojbeic ta vocol noxtoc?

Romanos 11:35

¿Boch'o oy c'usi laj yac'be ba'yuc ti jech ja' xa no'ox tspac sutel tale?

Romanos 3:12

Scotolic ch'ayemic ta be, bolibenic o ta j'ech'el. Mu'yuc boch'o lec c'usi tspas, me junuc solel mu'yuc o.

Filemón 1:11

Le' olon tale, li Onesimoe ja' to'ox amozo ti mu xtun avu'une, pero li' ta orae lec ta xtun avu'un xchi'uc ta xtun cu'un ec.