San Lucas 16:9 - Bible in Tzotzil de Chenalhó with Deuterocanon

⁹ “Vu'un chacalboxuc: Li c'usitic oy avu'unic ti ja' no'ox ac'biloxuc aventainique, tunesic sventa chasa' boch'o lec chavil aba achi'uquic. Jech c'alal tsta yorail chlaj sc'oplal li ac'ulejalique, oy boch'o chayic'oxuc ochel ta sna ta sbatel osil.

Tzotzil Zinacantan

⁹ ’Voꞌoxuc ti oy cꞌusuc avuꞌunique, tscꞌan chacoltavanic o. Mu me atuquicuc noꞌox ti lec chaꞌechꞌic liꞌ ta sba balamile. Mi chacoltavanic o li cꞌusitic snaꞌ xlaje, chaꞌiqꞌueic ochel ta vinajel ta sbatel osil.

Bible in Tzotzil de Chamula

⁹ “Ta xcalboxuc ava'iic, tunesic ti c'usi oy avu'unic li' ta banomil ti sna' xlaje yo' jech ta xnopaj tal avu'unic ti yane. Yu'un c'alal ta xlaj sc'oplal ti c'usitic ta xatunesique, oy buch'u xmuyubaj xa ta xayic'oxuc ochel ta naclej sbatel osil.

LEQUIL ACH' C'OP

⁹ »Li vo'one chacalbeic, li c'ulejal chataic li' ta sba balamile, ti ja' no'ox ac'bil acuentainique, tunesic ta scuenta cha sa' o much'utic lec chavil aba achi'uquic, yu'un mi ilaj lac'ulejalique, oy much'u xu' chayiq'uic ochel ta sna ta sbatel osil.

Tzotzil San Andres

⁹ ’Li joꞌoxuque chacalbeic, li cꞌustic oy avuꞌunique naca noꞌox acꞌbiloxuc, jech scꞌan chacoltavanic o. Mu me jaꞌ noꞌox batem ta avoꞌonic ti lec chaꞌechꞌic liꞌ ta balumil schiꞌuc li cꞌustic oy avuꞌunique yuꞌun xlaj noꞌox. Mi chacoltavanique, jech chaꞌiqꞌueic ochel ta vinajel sbatel osil.

Tzotzil de Huixtán

⁹ ’Ti crixchanoetique ja' chtun yu'unic ti c'utic oy yu'unic li' ti balumile yu'un tspasic ti c'usi chopole. Ti ho'oxuque hech chacalbeic, ti c'usi oy avu'unic li' ti balumile ac'o tunuc avu'unic yu'un chacoltaic ti crixchanoetique. Hech tsc'an ti Diose. Hech yu'un c'alal mi nachamique, nichim no'ox yo'nton ti Diose chayic'oxuc ochel ti vinajel. “Lequil abatot”, xayutoxuc.

San Lucas 16:9 Iomraidhean Croise

Salmos 73:26

Li jbec'tal xchi'uc co'ntone ta xlaj yip, pero li stsatsal co'ntone ja' li Diose; mu'yuc c'usi yan sc'an chca'ay o sbatel osil.

Proverbios 14:24

Li sc'ulejal boch'o bije ja' scorona chc'ot; li xchopolil boch'o chopolique ja' sbolilic chc'ot o.

Proverbios 19:17

Li boch'o chac'be xq'uex me'on c'usi oy yu'une ja' laj yac'be o chc'ot li Diose; jech noxtoc ja' stuc Muc'ul Dios chac'be stojol li c'usi lec tspase.

Proverbios 23:5

Q'uelo lec avil li c'ulejalile, anil no'ox chbat; xco'laj no'ox xchi'uc ta xloc' xic' ya'yel; jech chac c'u cha'al xic ta xvil no'ox batel.

Eclesiastés 11:1

Me chbat achon ta yan lum li abolomale; c'alal me i'ech' jayibuc c'ac'ale, laj apas xa'ox canal.

Isaías 57:16

Muc j'ech'eluc chopol chquil o li jteclumale; muc j'ech'eluc chi'ilin o yu'unic. Yu'un mu vocoluc chlaj stsatsal yo'ntonic ta jtojol; mu vocoluc xu' chch'ay batel li xch'ulelic ti vu'un cac'ojbeique.

Daniel 4:27

Ja' yu'un ajvalil, ch'uno li bijubtasel chacalbote: pajeso xa me aba ta sa'el li amule; ja' xa paso batel li c'usi tuq'ue. Quechano spasel li c'usitic chopole; ja' coltao li boch'otic abul sba ta uts'intaele. Oy yic'al jech xu' to chlic ata batel jun avo'nton’, xiyutun li Daniele”, xi li ajvalile.

San Mateo 19:21

Itac'ov li Jesuse: —Me chac'an ti lec ts'acal chapase, batan, bat chono scotol li c'usitic oy avu'une; q'uelanbo me'onetic. Jech chc'ot ata ac'ulejal ta vinajel. La' me, la ts'aclinun —xut.

San Mateo 6:19

“Mu me xatsob ac'ulejalic li' ta banamil, yu'un chlaj ta c'uxel ta chil, xchi'uc chcuxin, xchi'uc xu' chbat ta elec'.

San Mateo 6:24

“Mu'yuc boch'o xu' yu'un me tsa' chib yajval. Yu'un xu' tsbaj li june, xu' ja' lec tsc'an li yane; xu' ja' lec chil li june, xu' tslaban li yane. Ja' no'ox jech mu xu' chatunic yu'un Dios me ja' batem avo'ntonic yu'un ac'ulejalique.

San Lucas 11:41

Ja' lec c'uxubinvananic; q'uelanic c'usitic oy avu'unic, jech lec sac chcom li yute.

San Lucas 12:33

Chonic li c'usi oy avu'unique, ac'beic me'onetic. Ja' tsobo ac'ulejalic te ta vinajel ti bu mu sna' xlaj oe. Yu'un te ta vinajele mu x'och j'elec', mu c'usi xjoch'in.

San Lucas 14:14

Jech chayac'bot bendición li Diose, yu'un mu xu' yu'unic spaquel. Jech chavich' amoton c'alal chcha'cuxiic li boch'otic tuc' yo'ntonique —xi li Jesuse.

San Lucas 16:11

Me mu xana'ic stunesel li ac'ulejalic li' ta banamile, ¿boch'o ta xch'un ti xu' avu'unic sventainel li mero ac'ulejalique?

San Lucas 16:13

“Me junuc mozo mu xu' yu'un chtun ta chib yajval. Yu'un xu' chopol chil li june; xu' ja' lec chil li yane. Xu' ja' lec chich' ta muc' li june; xu' ja' mu xich' ta muc' li yane. Ja' jech mu xu' chatunic yu'un Dios me ja' batem avo'ntonic yu'un li taq'uine”, xi li Jesuse.

San Lucas 16:4

Ta jna' xa c'usi ta jpas c'alal me liloc' ta cabtele, yu'un jech oy boch'o chixc'uxubinun, chiyotesicun ta snaic’, xi.

Hechos 10:31

Jech laj yalbun: ‘Cornelio, li ac'op c'alal chac'opan Diose laj xa yich' a'yel; li c'uxubinel chavaq'ue laj xa sna' li Diose.

Hechos 10:4

Li Cornelioe la sq'uel li j'almantale, toj xi'el ic'ot, jech la stac'be: “¿C'usi chaval, Cajval?”, xut. Jech i'albat yu'un li j'almantale: “Li sc'opanel Dios chapase xchi'uc li c'usi chaq'uelane, ic'ot c'alal ta stojol Dios sventa mu xch'ay o ta yo'nton.

2 Corintios 4:17

Yu'un li vocol li' chquich'cutic ti jliquel no'oxe ja' chich' tal li jlequilalcutic ti mu'yuc slajebe, ti toj ech'em yutsile.

Judas 1:21

Te me oyanic o ta stojol li Dios ti lec sc'anojoxuque, junuc avo'ntonic malaic tsta sc'ac'alil chixc'uxubinutic li Cajvaltic Jesucristoe, ja' ti chac' jcuxlejaltic sventa sbatel osile.