San Lucas 16:8 - Bible in Tzotzil de Chenalhó with Deuterocanon

⁸ Li yajvale jech laj yal: ‘Toj lec bij li vinique’, xi. Yu'un li boch'o ja' batem ta yo'ntonic c'u x'elan lec ch-ech'ic li' ta banamile, ja' toj bijic ta snopel c'usi tspasic. Yan li boch'o oyic ta sac osile, mu sta jech sbijilic.

Tzotzil Zinacantan

⁸ “Li martomo chopol sjole más snaꞌ snopel cꞌu xꞌelan yoꞌ sta o cꞌuxubinel ti cꞌalal xlocꞌ ta cabtele”, xi li ajvalile. Jaꞌ noꞌox yech li muchꞌutic jaꞌ noꞌox ta yoꞌonic cꞌu xꞌelan ch-echꞌic liꞌ ta sba balamile, más snaꞌic snopel cꞌu xꞌelan tscꞌuxubinic li xchiꞌilique yoꞌ xcꞌuxubinatic o uque. Yan li muchꞌutic xchꞌunojic li scꞌop Rioxe, más mu snaꞌic.

Bible in Tzotzil de Chamula

⁸ Ti ajvalile laj yil ti ech'em sbijil ta sventa no'ox banomil ti chopol jbainej abtel ti sna' c'usi xut sba ti c'usi ta xtun yu'une. Yu'un ti li' ta banomile, oy sbijilic, sna'ic lec c'u s'elan ta scolta sbaic ta jujun tal yo' lec oyic. Ja' mu sta sbijilic ti buch'utic ti oyic ta saquilal osile.

LEQUIL ACH' C'OP

⁸ Li ajvalile, lec iyil ti c'usi iyul ta sjol ispas li chopol martomoe. Ta melel li crixchanoetic li ta sba balamile, más p'ijic chac c'ucha'al ti much'utic oyic xa ta sac osile, yu'un chaq'uic persa tsa'ic ti c'u x'elan lec ch-ileic yu'un li crixchanoetique.

Tzotzil San Andres

⁸ Li yajvale jech laj yal: “Li chopol vinique pꞌij. Snaꞌ snopel li cꞌu sba ta xichꞌ cꞌuxubinel li cꞌalal mi ilocꞌ liꞌ ta jnae”, xi li yajvale. Jaꞌ noꞌox jech li buchꞌutic jaꞌ noꞌox batem ta yoꞌonic li cꞌu sba lec ta xꞌechꞌic liꞌ ta balumile, jaꞌ más snaꞌic snopel li cꞌu sba ta scꞌuxubin schiꞌilic yoꞌ jech ta xcꞌuxubinatic eꞌuque. Yan li buchꞌutic yichꞌojic ta mucꞌ Dios ti yalojique, jaꞌ mu snaꞌic snopel cꞌu sba ta scꞌuxubin schiꞌilic yoꞌ jech ta xcꞌuxubinatic yuꞌun Dios eꞌuc.

Tzotzil de Huixtán

⁸ Hech lic yalbe uc ti yajchanc'opetique ti Jesuse: ―“P'ij ti vinic lume, laj sna' ti c'usi chut sbae yu'un hech xu' chich' c'uxubinel yu'un ti yantique”, xchi sc'opilal yu'un ti yajvale manchuc mi mu tojuc ti c'usi laj spase. Ja' hechic ti much'utic batem yo'ntonic lec ch-ech'ic li' ti balumile, ja' tsots sc'opilal cha'i ti lec ch-ilatic yu'un ti xchi'iltac li' ti balumile. Ja'uc ti much'utic p'ijuben ti sventa ti Diose mu tsotsuc sc'opilal cha'i ti lec ch-ilatic yu'un ti crixchanoetique ―xchi ti Jesuse.

San Lucas 16:8 Iomraidhean Croise

Génesis 3:1

Li quiletel chon ta vo'onee ja' no'ox stuc toj manya c'usi tspas xchi'uc sbijil ta scotol yantic chonbolometic ti pasbil yu'un Muc'ul Diose. Ja' yu'un jech la sjac'be li antse: —¿Me ta melel laj yalboxuc Muc'ul Dios mu xu' chalo'beic sat jpetsuc li te'etic li' ta ts'unubaltique? —xi.

2 Samuel 13:3

Pero li Amnone oy jun xchi'il; toj manya snopel c'usi tspas. Lec sc'opan sba xchi'uc li Amnone, Jonadab sbi; ja' xnich'on sbanquil li Davide, Simea sbi.

2 Reyes 10:19

Ja' yu'un li' ta orae tsobic tal scotol li j'alc'opetic, li jc'opojeletic, xchi'uc li paleetic yu'un Baale. Me junuc mu me boch'o xcom, yu'un jchapanoj lec milbil matanaletic ta sventa yich'el ta muc' li Baale. Me oy boch'o muc xtale, ac'o yich' milel —xi. Li Jehue ja' no'ox jech ilo'lavan ta sventa sbijil, yu'un jech ac'o uluc o scotol li boch'otic chich'ic ta muc' li Baale.

Salmos 17:14

Ta avu'eluc colem chicom ta sc'obic li cristianoetic li' ta banamile. Ac'bo li spuculalic li' ta banamile; Ac'o t'omuc o xch'ut xchi'uquic. Ac'o yich' c'alal ta yalab xnich'nabic; ac'o sta c'alal ta smomnich'nabtaquic.

Éxodo 1:10

Ja' lec jnoptic c'usi chcut ta jpajestic ti c'u cha'al mu xbolique. Yu'un c'alal me oy boch'o chtal stsacutic ta pleitoe, naca me te bat spas ta co'ol yo'ntonic xchi'uc li cajcontratique, jech co'ol xa yo'ntonic chtal stsacutic ta pleito jcotoltic, xchi'uc naca me stsalutic o”,, xi li ajvalile.

Proverbios 12:8

Li boch'o bije ich'bil ta muc' chc'ot, ja' ti c'u yepal sbijil oye; yan li boch'o bol yo'ntone mu'yuc stu ch-ilat.

San Mateo 12:32

Li boch'o chopol chc'opoj ta jtojol, vu'un ti Xnich'on cristiano lic'ote, ta to spasbatic perdón. Pero li boch'o chopol chc'opoj ta stojol Ch'ul Espiritue mu'yuc ta spasbatic o perdón, me ja'uc li' ta banamil, me ja'uc ta sbatel osil”, xi li Jesuse.

San Mateo 17:26

Itac'ov li Pedroe: —Ja' ta sc'anbe yan cristianoetic —xi. Jech i'albat noxtoc: —Ja' yu'un li nich'naletique mu persauc tstojic.

San Lucas 16:10

“Li boch'o lec xtojob ta sventainel li c'usi mu'yuc tsots sc'oplale, ja' no'ox jech lec xtojob ta sventainel noxtoc li c'usi tsots sc'oplale. Yan li boch'o mu xtojob ta sventainel c'usi mu'yuc tsots sc'oplale, ja' no'ox jech mu xtojob ta sventainel li c'usi tsots sc'oplale.

San Lucas 16:4

Ta jna' xa c'usi ta jpas c'alal me liloc' ta cabtele, yu'un jech oy boch'o chixc'uxubinun, chiyotesicun ta snaic’, xi.

San Lucas 16:7

Jech la sjac'be li yane: ‘Vo'ote, ¿c'u yepal li avile?’, xut. Itac'ov: ‘Vo'vinic (100) coxtal trigo quich'oj’, xi. Jech laj yalbe: ‘Li' oy svunal li avile; chanvinic (80) coxtal trigo xa no'ox xats'iba’, xut.

San Lucas 18:6

Jech laj yal noxtoc li Cajvaltique: “Laj ava'yic c'usi chal li jchapanvanej ti chopol yo'ntone.

San Lucas 20:34

Itac'ov li Jesuse: —C'alal li' to oyic ta banamil li cristianoetique, ta to xic' sbaic li vinic xchi'uc antsetique.

San Lucas 20:35

Pero li boch'otic t'ujbilic sventa chcha'cuxiic loq'uel ta smuquinalic sventa chcuxiic sbatel osile, mu'yuc xa nupinel, mu'yuc xa ic'bail.

San Juan 12:36

Ja' yu'un c'alal li' to oy ta atojolic li luze, ch'unic me, yu'un jech xnich'onoxuc sac osil chac'otic o —xi li Jesuse. C'alal laj yal jech li Jesuse, iloc' batel; muc xa xac' sba ta ilel ta stojolic.

1 Corintios 3:18

Mu me xalo'la aba atuquic li jujunoxuque. Me oy boch'o bij cha'ay ta sventa no'ox banamile, ac'o mu'yucuc sbijil cha'ay, yu'un jech bij chc'ot ta melel.

Efesios 5:8

Yu'un ta vo'onee oyoxuc to'ox ta ic' osil, pero li' ta orae oyoxuc xa ta sac osil ta sventa li Cajvaltique. Ja' yu'un xanovanic jech chac c'u cha'al li boch'o chanov ta sac osile.

Filipenses 3:19

Yu'un ja' stamojbeic o batel sbelal ch'ayel. Li sdiosic c'oteme ja' li c'usi tsc'an stuquique. Stuc no'ox xa'ay sbaic o yu'un li c'usitic toj q'uexlal sbae. Ja' no'ox tsnopic li c'usitic oy li' ta banamile.

1 Tesalonicenses 5:5

Yu'un li vo'oxuque acotolic oyoxuc xa ta sac osil, oyoxuc xa ta c'ac'altic. Mu'yucoxuc xa ta sventa ic' osil; mu'yucoxuc xa ta sventa ac'ubaltic.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.