San Lucas 16:4 - Bible in Tzotzil de Chenalhó with Deuterocanon

⁴ Ta jna' xa c'usi ta jpas c'alal me liloc' ta cabtele, yu'un jech oy boch'o chixc'uxubinun, chiyotesicun ta snaic’, xi.

Tzotzil Zinacantan

⁴ Iyul xa ta jol cꞌusi ta jpas yoꞌ xiscꞌuxubin o li crixchanoetic ti cꞌalal xiloqꞌue”, xi isnop li martomoe.

Bible in Tzotzil de Chamula

⁴ Laj xa jna' c'usi xu' ta jpas yo' oy xu' buch'u ta xiyiq'uic ochel ta yut snaic c'alal ch'abal xa ti cabtele.’

LEQUIL ACH' C'OP

⁴ Iyul xa ta jol c'usi ta jpas yo' xisc'uxubin o li crixchanoetique, yo xi yotes o ta snaic ti c'alal xiloc' ta abtele.” Xi isnop li martomoe.

Tzotzil San Andres

⁴ Jnaꞌ xa cꞌusi ta jpas cꞌalal mi lilocꞌ ta chabiejnae yoꞌ jech oy buchꞌu chiscꞌuxubinic chiyotesic ta snaic”, xi la snop.

Tzotzil de Huixtán

⁴ Ti jna' c'usi chcut jba yu'un c'alal chiloc' ti abtel yu'un hech xu' chixc'uxubinun yantic”, xchi ti yo'nton.

San Lucas 16:4 Iomraidhean Croise

Proverbios 30:9

Yu'un me ep c'usi oy cu'une xu' chlic ch'ayan ta co'nton, xu' chlic cal ti mu xacotquinote; jech noxtoc, me me'onune xu' chlic elc'ajcun, jech chopol chbat ac'oplal cu'un, vo'ot li Diosot cu'une.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

San Lucas 16:3

Li jchabinae jech lic snop: ‘¿C'usi ta jpas, yu'un chisloq'uesun ta abtel li cajvale? Mu xu' cu'un chi'abtej ta banamil; chiq'uexov noxtoc me ta jc'an limosnae.

San Lucas 16:5

Jech ta jujuntal laj yic'an li j'iluviletic yu'un yajvale. Jech la sjac'be li boch'o ba'yuc itale: ‘¿C'u yepal avil yu'un li cajvale?’, xut.

San Lucas 16:9

“Vu'un chacalboxuc: Li c'usitic oy avu'unic ti ja' no'ox ac'biloxuc aventainique, tunesic sventa chasa' boch'o lec chavil aba achi'uquic. Jech c'alal tsta yorail chlaj sc'oplal li ac'ulejalique, oy boch'o chayic'oxuc ochel ta sna ta sbatel osil.

Santiago 3:15

Yu'un ma'uc jech li bijilil chlic tal ta stojol Diose. Le'e ja' sventa no'ox banamil, stalel no'ox cristiano; ja' sventa pucuj.