San Lucas 16:25 - Bible in Tzotzil de Chenalhó with Deuterocanon

²⁵ Li Abrahame jech laj yalbe: ‘Totil, na'o ava'ay ti toj lec c'usi laj ata yu'un li ac'ulejal c'alal cuxulot to'oxe. Yan li Lazaroe puru vocol no'ox la sta. Pero li stuque li' xa oy ta lequilal. Li vo'ote te xa chavich' o vocol.

Tzotzil Zinacantan

²⁵ “Yuleso ta ajol, quere, ti cꞌalal laꞌechꞌ ta sba balamile, batsꞌi jcꞌulejot tajmec. Li Lázaroe batsꞌi meꞌon tajmec iꞌechꞌ. Lavie liꞌ xa jun yoꞌone; li voꞌote yolel chavichꞌ castico.

Bible in Tzotzil de Chamula

²⁵ Xi tac'bat yu'un ti Abrahame: ‘Nich'on, vuleso ta avo'nton ti c'alal oyot to ox ta sba banomile, laj avac'be aba scotol ti c'usi ta sc'an ti avo'ntone. Ja'uc ti Lázaro li'e, toj abol sba ech' ta sba banomil. Avi tana ti stuc li'e, mu'yuc xa c'usi xal yo'nton, laj xa sta ti lequilale. Ja'uc ti vo'ote, ta xavich' avocol.

LEQUIL ACH' C'OP

²⁵ Pero ti Abraame ja' yech istac'be chac li'i: “Yuleso ta ajol, quere, ti c'alal la'ech' ta sba balamile, ata scotol ti c'usitic jun o avo'one, yan li Lázaroe toj abol sba i'ech' ta balamil. Lavie li' xa jun yo'one, yan li vo'ote yolel chavich' avocol.

Tzotzil San Andres

²⁵ Li Abrahame jech laj yalbe: “Jmom, juleso ta ajol li cꞌu sba laꞌechꞌ ta balumile, ti lec jcꞌulejote. Li Lázaroe jaꞌ meꞌon tajmec, pero liꞌ xa oy ta lequilale, xmuybaj noꞌox. Li joꞌote te chavichꞌ o vocol.

Tzotzil de Huixtán

²⁵ Ti Abrahame hech laj yalbe: “Nich'on, na'o ava'uc c'u che'el na'ech' ti balumil. Oy ac'ulejal atuc. Ti Lázaroe me'on ti jyalel. Ti ora to oy xa ti utsilal stuc ti Lázaroe. Ti ho'ote te chavich' vocol o lume.

San Lucas 16:25 Iomraidhean Croise

Job 22:18

Ac'o me jech chalic, pero ja' i'ac'batic scotol li c'usitic oy yu'unique. ¡Li vu'une mu jechuc co'nton jech chac c'u cha'al le'e!

Salmos 17:14

Ta avu'eluc colem chicom ta sc'obic li cristianoetic li' ta banamile. Ac'bo li spuculalic li' ta banamile; Ac'o t'omuc o xch'ut xchi'uquic. Ac'o yich' c'alal ta yalab xnich'nabic; ac'o sta c'alal ta smomnich'nabtaquic.

Salmos 49:11

Ja' snaic o sbatel osil chc'ot li smuquinalique. Ja' yav snaic o chcom c'alal ta jujuc'ol yalab xnich'nabic, ac'o me stsacoj xa lec sbiic ta yosilic.

Salmos 73:7

Solel juben xa xchi'uquic o, jeche' xa ut'ajtic li satique; solel ijelov ta bis li c'usi chopol tsnop ta yo'ntonique.

Lamentaciones 1:7

C'alal ja'o te chich' vocol ta yan banamil li Jerusalene, it'ab ta yo'nton ti c'u x'elan to'ox oy ta vo'onee, yu'un ep to'ox c'usi oy yu'un. C'alal i'och ta sc'ob yajcontrae, mu'yuc boch'o xtal coltaatuc yu'un. C'alal i'ilat yu'un yajcontrataque, ilabanat ta scoj ti jinesbil xae.

Daniel 5:30

Te no'ox ta yac'ubalil laj yich' milel li Belsasar, ja' li ajvalil yu'un caldeaetique.

San Mateo 27:63

Jech c'ot yalbeic: —Ajvalil, jna'ojcutic ti jech yaloj li jlo'lavanej c'alal cuxul to'oxe: ‘Ta yoxibal c'ac'al chicha'cuxi loq'uel ta jmuquinal’, xi ono'ox.

Marcos 9:45

Jech noxtoc me ta scoj no'ox avacanic chata o amulique, ja' lec c'oquic loq'uel. Ja' lec me motmot avacanic cha'ochic ta lequilale; ja' vocol me chapal xchibal avacanic chabatic ta muc'ta c'oq'ue.

San Lucas 16:20

Oy jun vinic noxtoc, Lázaro sbi. Ja' jc'anlimosna. Te ta xc'ot chotanatuc ta sti' sna li jc'ulej vinique, nojem ta c'a'al chinetic sbec'tal.

San Lucas 16:23

“C'alal ja'o te chich' vocol ta c'atinbaque, la stoy sat. Laj yil batel ta nom li Abrahame, xchi'uc li Lázaro te xchi'inoje.

San Lucas 16:26

Mu'yuc boch'o xu' ta xtal te yo' bu oyote, yu'un oy muc'ta xab pasbil ta o'lol. Jech mu'yuc boch'o xu' ta xjelov tal li' ec’, xi.

San Lucas 6:24

“Yan li vo'oxuque jc'ulejetic, toj abul abaic, yu'un ataoj xa li xcuxetel avo'ntonique.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

Hechos 14:22

Ech' stsatsubtasbeic yo'nton li jch'unolajeletique. Laj yalbeic ti j'ech'eluc ac'o xch'unic oe. Xchi'uc laj yalbeic ti tsc'an ta jts'ictic vocol ti jech xu' chij'och yo' bu chventainvan li Diose.

Romanos 8:7

Yu'un li boch'o ja' no'ox chbat yo'ntonic snopel c'usitic tsc'an sbec'talique, ja' tscontrainic li Diose. Yu'un mu xch'unic li smantaltac Diose, xchi'uc mu xu' yu'unic xch'unel.

Deuteronomio 28:17

Mu'yuc c'usi lec chc'ot ta pasel te ta amochic xchi'uc ta yavil yo' bu chavots'ic li arinae.

Filipenses 3:19

Yu'un ja' stamojbeic o batel sbelal ch'ayel. Li sdiosic c'oteme ja' li c'usi tsc'an stuquique. Stuc no'ox xa'ay sbaic o yu'un li c'usitic toj q'uexlal sbae. Ja' no'ox tsnopic li c'usitic oy li' ta banamile.

1 Tesalonicenses 3:3

Yu'un jech mu'yuc boch'o chchibaj yo'nton avu'unic ta scoj li vocol chavich'ique. Yu'un xana'ic lec ti ic'bilutic ta sventa ac'o quich'tic vocole.

Hebreos 11:25

Ja' la sc'an ti co'ol ac'o yich' uts'intael xchi'uc li xchi'iltaque, ja' li steclumal Diose. Muc ja'uc la sc'an li c'usi sventa no'ox banamil ti jliquel no'ox xcuxet yo'nton yu'une.

1 Juan 2:15

Mu me xbat avo'ntonic yu'un li c'usi sventa banamile xchi'uc li c'usitic chopol oy ta banamile. Li boch'o ja' batem yo'nton ta sventa banamile, ja' mu'yuc sc'anoj o li Jtotic Diose.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.