San Lucas 16:24 - Bible in Tzotzil de Chenalhó with Deuterocanon

²⁴ Li jc'ulej vinique tsots i'avan, jech laj yalbe li Abrahame: ‘Jmoltot Abraham, c'uxubinun. Taco tal li Lazaroe. Ac'o sts'aj tal sni' sc'ob ta vo'; ac'o tal sicubtasbun li coq'ue, yu'un toj ep ta xquich' vocol li' ta yat c'oq'ue’, xi.

Tzotzil Zinacantan

²⁴ Ti jcꞌuleje iꞌavan. “Jtotic Abraam, cꞌuxubinon. Taco tal li Lázaroe. Acꞌu stsꞌaj tal sniꞌ scꞌob ta voꞌ, acꞌu tal stꞌuxubtasbon li coqꞌue yuꞌun abol jba tajmec liꞌ ta cꞌoqꞌue”, xi.

Bible in Tzotzil de Chamula

²⁴ Xi lic avanuc ti jc'ulej vinique: ‘Totic Abraham, ich'un ta c'ux. Albo ya'i ti Lazaroe ti ac'o sts'aj talel jutebuc sni' sc'ob ta vo', yo' xtal sicubtasbun ti coq'ue, yu'un ta xquich' ep vocol li' ta c'oq'ue.’

LEQUIL ACH' C'OP

²⁴ Ti jc'uleje i'avan: “¡Jtotic Abraam, c'uxubinon! Taco tal li Lázaroe, ac'u sts'aj tal sni' sc'ob ta vo', ac'u tal st'uxubtasbon li coq'ue, yu'un abol jba tajmec li' ta c'oq'ue.” Xi.

Tzotzil San Andres

²⁴ Li jcꞌulej vinique tsots iyapta li Abrahame: “Tata, cꞌuxubinun. Taco talel li Lázaroe. Acꞌo stsꞌaj talel sbicꞌtal scꞌob ta joꞌ, acꞌo tal sicubtasbun li coqꞌue yuꞌun toj tsots ta xquichꞌ vocol liꞌ ta cꞌoqꞌue”, xi.

Tzotzil de Huixtán

²⁴ Hech yu'un tsots ic'opoj ti jc'ulej vinique, hech laj yavta ti Abrahame: “Tote, c'uxubinun”, xchi. “Taco talel ti Lázaroe. Ac'o sts'aj tal sc'ob ti ho'. Ac'o tal sicubtasbun ti coq'ue yu'un ep chquich' vocol li' ti c'oq'ue”, xchi.

San Lucas 16:24 Iomraidhean Croise

Job 20:21

Mu'yuc xa c'usi chcom ta ve'el yu'un noxtoc, mu xjalij li c'usi oy yu'une.

Isaías 27:11

C'alal chtaquij li c'obc'ob te'etique, chlic c'asanuc ya'lel; te chtal li antsetique chtal stsobic sventa si'il sc'oq'uic. Yu'un li jun lum le'e mu sna'ic snopel, ja' yu'un li Jpasvanej yu'unique mu'yuc xa c'uxubinel, mu'yuc xa ts'icumal yu'un.

Isaías 66:24

“Ta xtalic, ta xilic te telajtic sbec'tal scotol li boch'o la scontrainicune. Mu xcham o li xuvitalique, xchi'uc mu xtu'p o li c'oc' bu oyique. Scotol cristianoetic toj chopol ta q'uelel chilic”, xi li Muc'ul Diose.

Zacarías 14:12

Scotol li lumetic ti la scontrainic li Jerusalene ta x'ac'bat stojic yu'un li Muc'ul Diose. Li stojol chich'ique ja' jech chac li'i: Ta sc'a'esbe sbec'talic ti c'alal xva'lajetic toe; te chlic c'a'anuc ta yut li sbec' satique, xchi'uc te chlic uluc ta yut yeic li yoq'uique.

San Mateo 25:41

“Jech chcalbeic noxtoc li boch'otic te oyic ta jts'ete: ‘Voc'o abaic ta jtojol, yu'un toj chopoloxuc. Batanic ta c'oc' sbatel osil. Ja' li c'oc' ti chapanbil cu'un sventa li banquilal pucuje xchi'uc li its'inal pucujetique.

San Mateo 3:9

Mu me jechuc xanop ta avo'ntonic: ‘Ja' jmoltotic li Abrahame’, mu me xachiic. Chacalboxuc ava'yic, li Diose xu' yu'un ta sc'atajesbe ta smomnich'nab Abraham li tonetic li'i.

San Mateo 5:22

Pero vu'un chacalboxuc, li boch'o ta xilinta xchi'ile ta xich'be stojol c'alal chich' chapanele. Li boch'o ‘toj bolot’ xut xchi'ile, ta xich'be stojol ti c'alal chich' chapanel yu'un jchapanvanejetic ta ch'ulnae. Li boch'o ‘sve'elot c'oc'’ xut xchi'ile, ja' chbat stoj smul ta c'oc'.

San Lucas 16:30

Itac'ov li jc'ulej vinique: ‘Tati, le'e mu xch'unic. Pero ti oyuc boch'o ta xcha'cuxi ti te chbat c'opanaticuque, ja' to ta sutes yo'ntonic’, xi.

San Lucas 19:9

Li Jesuse jech laj yal: —Li' ta orae ivul xa coltael li' ta nae. Yu'un li vinic li'i ja' smomnich'on ec li Abrahame.

San Lucas 3:8

Tsc'an chavaq'uic ta ilel ti ta melel sutem avo'ntonique. Mu me jechuc xavalic: ‘Ja' jmoltotcutic ta vo'one li Abrahame’, mu me xachiic. Melel chacalboxuc, li Diose xu' yu'un ta sc'atejesbe ta smomnich'nab Abraham li tonetic li'i.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 7:37

Ta slajeb c'op, ta mero sc'ac'alil q'uin lic va'luc li Jesuse, tsots ic'opoj, jech laj yal: —Li boch'o oy taqui-o'nal cha'ye, ac'o taluc ta jtojol; ac'o tal yuch' li vo' ta xcaq'ue.

Romanos 4:12

Jech noxtoc ja' stotic chc'ot ec li boch'otic yich'ojic circuncisión me mu ja'uc no'ox spatoj yo'ntonic yu'un li circuncisión yich'ojique, me ja' jech oy xch'unojel yo'ntonic jech chac c'u cha'al li Abraham ti c'alal mu'yuc to'ox chich' circuncisione.

2 Tesalonicenses 1:8

Ta xyal tal xchi'uc natiquil yat c'oc', yu'un ja' chtal yac'be stoj smul li boch'otic mu xotquinic Diose, ti mu sc'an xch'unic li Lequil A'yej yu'un Cajvaltic Jesucristoe.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Santiago 3:6

Ja' no'ox jech ec li quetique xco'laj xchi'uc c'oc' c'otem; ja' mero yavil li c'usi chopole. Ja' no'ox juteb ac'bil ta jbec'taltic ti ja' jsoquesvanej ta scotol jbec'taltique. Li sc'ac'ale ja' te liquem tal ta c'atinbac. Te chixchiq'uilanutic o ti jayib c'ac'al cuxulutique.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 20:15

Li boch'otic muc xtabat sbiic ta vun sventa cuxlejale, ijipatic ochel ta muc' ta c'oc'.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

1 Samuel 28:16

Itac'ov li Samuele: —¿C'u yu'un vu'un chajac'bun me comtsanbilot xa yu'un li Muc'ul Diose ti me avajcontra xa c'oteme?