San Lucas 16:22 - Bible in Tzotzil de Chenalhó with Deuterocanon

²² Ta yan c'ac'al icham li jc'anlimosnae, i'ic'at batel yu'un yaj'almantaltac Dios yo' bu oy li Abrahame. Icham ec li jc'ulej vinique, imucat.

Tzotzil Zinacantan

²² Icham ti jcꞌanlimoxnae. Ti xchꞌulele iꞌicꞌbat echꞌel ta vinajel yuꞌun anjeletic yoꞌ bu ti Abraame xchiꞌuc ti muchꞌutic lec yoꞌonic uque. Icham ti jcꞌulej uque, imuque.

Bible in Tzotzil de Chamula

²² Ti buch'u abol sbae, sta sc'ac'alil cham, iq'ue batel yu'un anjeletic yo' chba xchi'in sbaic xchi'uc ti Abraham ti oy ta lequilale. Jech ti jc'uleje cham ec, laj yich' muquel.

LEQUIL ACH' C'OP

²² Ista sc'ac'alil icham ti me'one, ti angeletique iyic'beic ech'el xch'ulel ta lequilal yo' bu ti Abraame. Icham ti jc'ulej uque, imuque.

Tzotzil San Andres

²² Icꞌot scꞌacꞌalil ti icham li jcꞌanolajele. Li schꞌulele iꞌicꞌbat batel yuꞌun li yajꞌangeltac li Diose. Te ba acꞌatuc li yoꞌ bu oy li Abrahame schiꞌuc li buchꞌutic coꞌol lec tucꞌ yoꞌonique. Icham eꞌuc li jcꞌulej vinique, imuque.

Tzotzil de Huixtán

²² Ti yan c'ac'al icham ti jc'anparamotee. Ti xch'ulele i'ic'at batel yu'un ti ch'ul abatetique te ba xchi'in ti Abrahame te yo' bu oyic ti much'utic co'ol toj yo'ntonic xchi'uque. Icham uc ti jc'ulej vinique, imucat.

San Lucas 16:22 Iomraidhean Croise

Job 21:13

Ep c'usi oy yu'unic o c'alal chchamic; jun yo'ntonic o c'alal chbatic ta yavil animaetic.

Proverbios 14:32

Li boch'o chopole chich' ulesel o ta scoj li xchopolile; yan li boch'o leque jun no'ox yo'nton ti c'alal chchame.

Eclesiastés 8:10

Oy c'usi yan laj quil noxtoc: c'alal chbat yich' muquel li boch'otic chopolique, chiq'uic loq'uel ti bu ch'ul banamile. Xcuxet no'ox yo'nton chich'ic batel ta muc', yu'un ich'ay ta yo'ntonic yilel ti chopol c'usi la spasic te ta lume. Le'e mu'yuc smelol o.

Isaías 14:18

Scotol li yantic ajvaliletic ta jujun banamile, jun yo'ntonic chbat xcuxic ta smuquinalic, xchi'uc lec ich'bilic ta muc'.

Isaías 22:16

‘¿Boch'o laj yac'bot ta ac'ob li'i, boch'o laj yalbot ti xu' chapas amuquinal li'i, ti xu' chajoc' ch'en ti bu lec toyole, ti xu' chavom ton sventa chacux avo'ntone?

San Mateo 18:10

“Q'uelo me abaic, mu me mu'yucuc stu chavilic junuc li ololetic li'i. Chacalboxuc ava'yic, li j'almantaletic yu'unic te ta vinajele scotol ora te chilbeic o sat li Jtot te oy ta vinajele.,

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

San Mateo 8:11

Chacalboxuc ava'yic, ta yan c'ac'al ta xtalic ep cristianoetic ta sloq'ueb c'ac'al ta smaleb c'ac'al ti mu ja'uc jchi'iltic ta israelale. Te chc'ot xchi'inic ta chotlej yo' bu tspas mantal Dios li jmoltotactic ta vo'onee, ja' li Abrahame, li Isaaque, xchi'uc li Jacobe.

Marcos 8:36

¿C'usi tsta o jun cristiano me ta xu'unin scotol c'usitic oy li' ta banamil, me ja' ch'ayel ta xbat stuque?

San Lucas 12:20

Pero jech i'albat yu'un li Diose: ‘¡Bol vinic! Ta ac'ubaltic no'ox tana chtal jloq'uesbot li ach'ulele. Li c'usitic oy avu'une ¿boch'o chavac'be comel?’, x'utat.

San Lucas 16:21

Li Lazaroe chac ac'batuc sve' ya'ay li c'usitic chbaj yalel ta yolon xmexa li jc'ulej vinique. Pero ja' no'ox te chtal lec'batuc ta ts'i'etic li sc'a'emale.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 13:23

Oy jun yajchanc'op Jesús ti lec ono'ox sc'anoje, te ts'e'el ta sts'el ta ti'mexa.

San Juan 21:20

C'alal ijoyij li Pedroe, laj yil te nabal batel ta spat li jun xchi'il ti lec sc'anoj sbaic xchi'uc Jesuse, ja' li boch'o te ts'e'el ta sts'el Jesús c'alal ive'ic ta sventa q'uine, xchi'uc ti la sjac'be Jesús boch'o junucal ta x'ac'van ta c'abale.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Hebreos 2:14

Jech chac c'u cha'al oy xch'ich'al, oy sbec'tal li xnich'nabtaque, ja' no'ox jech ic'ot ec li stuque. Ja' yu'un c'alal ichame, la slajesbe o stsatsal li boch'o sventainoj lajele, ja' li pucuje.

Santiago 1:11

C'alal ta xloc' c'ac'ale, c'alal tsots ta xc'uxube, ta xtaquij li ts'i'lale. Li xniche ta xlilij yalel jech ta xch'ay o li st'ujumale. Ja' no'ox jech ec li jc'uleje, c'alal yochel sa'el sc'ulejale, te ta xch'ay o batel xchi'uc.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

Apocalipsis 14:13

Laj ca'ay oy boch'o ic'opoj tal ta vinajel, jech laj yalbun: “Jech xats'iba: ‘Xcuxet no'ox yo'nton li boch'o oyic ta stojol Cajvaltic c'alal ta xchamique. Jech chal ec li Ch'ul Espiritue. Chcux xa yo'ntonic o ta svocolic, yu'un te xa xchi'uquic li yabtelique’, xi xats'iba”, xiyutun.