San Lucas 16:19 - Bible in Tzotzil de Chenalhó with Deuterocanon

¹⁹ Li Jesuse jech laj yal noxtoc: “Oy to'ox jun vinic lec jc'ulej. Puru yax'elan poc', xchi'uc puru lequil lino no tslap. Scotol c'ac'al puru lequil ve'lil tsve'.

Tzotzil Zinacantan

¹⁹ ’Oy toꞌox jun jcꞌulej. Naca lequic scꞌuꞌ islap, naca toyolic stojol. Scotol cꞌacꞌal ispas qꞌuin, naca lequic ti sveꞌele.

Bible in Tzotzil de Chamula

¹⁹ “Oy jun jc'ulej vinic, jun yutsiquil ti sc'u' ta slape, ti jun yutsiquil ti sve'el ta slajese, ti jujun c'ac'al ta spas ti q'uine.

LEQUIL ACH' C'OP

¹⁹ »Oy to'ox jun jc'ulej vinic, naca lequic sc'u' tslap, naca pinoic, scotol c'ac'al ispas q'uin, naca lequic li sve'ele.

Tzotzil San Andres

¹⁹ Li Jesuse jech laj yal nojtoc: ―Oy jun vinic lec jcꞌulej. Toj lequic scotol li scꞌuꞌ spacꞌale. Naca toyolic stojol. Scotol cꞌacꞌal naca lec cꞌustic ta slajes.

Tzotzil de Huixtán

¹⁹ ’Oy jun vinic lum jc'ulej. Lum lec sc'u' spoc'. Puru pino poc' slapoj. Scotol c'ac'al lequil ve'elil tsve'.

San Lucas 16:19 Iomraidhean Croise

Ester 8:15

C'alal iloc' batel ta spasubmantal ajvalil li Mardoqueoe, slapoj xa loq'uel c'u'il sventa ajvalil, ja' yaxvac'antic sba xchi'uc sac, xchi'uc jun smuc'ta scoronail sjol pasbil ta c'anal taq'uin, xchi'uc jlic snatil c'u' pasbil ta lino no yax'elantic sba. Scotol li cristianoetic te ta lum Susae xcuxet no'ox yo'ntonic, x'avlajetic no'ox.

Proverbios 14:24

Li sc'ulejal boch'o bije ja' scorona chc'ot; li xchopolil boch'o chopolique ja' sbolilic chc'ot o.

Proverbios 31:22

Ja' stuc ta sjal muc'tic poq'uetic; li sc'u' spoq'ue puru ta lequil lino no sjalanoj.

Isaías 3:23

li snenique, li lequil poq'uetic pasbilic ta lino noe, li xpix sjolic ti lec natique, xchi'uc li snet' sjolique.

Ezequiel 16:13

La jt'ujumtasot lec ta c'anal taq'uin xchi'uc ta saquil taq'uinetic. Li ac'u' apoq'ue pasbilic ta lequil lino no xchi'uc ta lequil poc' lec luchtabil. Ja' laj ave' lequil pan pasbil ta lequil arina, xchi'uc pom xchi'uc aceite. Jech toj c'upil aba lac'ot ta jyalel; xco'laj xa xchi'uc me' ajvalil lac'ot o.

Ezequiel 16:49

Li avix Sodoma xchi'uc li yalabtac ta spat xocone ja' jech li smul la sa'e: Jtoyba, epal ve'lil oy yu'un, xcuxet no'ox yo'nton ta sventa ti ep c'usitic oy yu'une, pero mu'yuc la xc'uxubin li me'onetique xchi'uc li boch'otic oy svocolique.

Ezequiel 27:7

Li apoc'ale jalbil lec ta lino no, lec luchtabil, liquem tal ta Egipto; ja' itun avu'un sventa senyail bu liquemot tal. Li poc' sventa avaxibe ja' yax'elan xchi'uc tsoj, liquem tal ta lum Elisa ta ti'nab.

Marcos 15:17

La slapbeic yax'elan c'u'il li Jesuse. La sts'otic ch'ix; la xojbeic ta sjol sventa scorona.

Marcos 15:20

C'alal laj yo'ntonic ta slabanele, la sloc'beic li yax'elan c'u'ile, la slapbeic sc'u' stuc. Laj yiq'uic batel, yu'un bat sjoc'anic ta cruz.

San Lucas 15:13

Ibat no'ox jayibuc c'ac'al, li its'inale la stsob scotol li c'usitic oy yu'une; iloc' batel ta nom, ibat ta yan banamil. Te c'ot slajes scotol li c'usitic oy yu'une. Solel ich'ay o batel xchi'uc.

San Lucas 16:1

Li Jesuse laj yalbe yan lo'il li yajchanc'optaque: “Oy jun vinic, lec jc'ulej. Oy jchabina yu'un. Li jchabinae bat tic'batuc smul ta stojol li yajvale. Li smul itic'bate, yu'un la slajesbe c'usitic oy yu'un li yajvale.

San Lucas 16:18

“Li boch'o ta xicta yajnile, me ta xic' yan antse, ja' no'ox ta xmulivaj xchi'uc. Jech ec, li boch'o ta xic' ictabil antse ja' no'ox ta xmulivaj xchi'uc”, xi li Jesuse.

San Lucas 16:20

Oy jun vinic noxtoc, Lázaro sbi. Ja' jc'anlimosna. Te ta xc'ot chotanatuc ta sti' sna li jc'ulej vinique, nojem ta c'a'al chinetic sbec'tal.

Apocalipsis 17:4

Li antse slapoj yax'elan c'u'il, xchi'uc tsoj. Lec sc'ac'ubtasoj sba ta puru c'anal taq'uin, xchi'uc ta ton ti c'upilic sbae, xchi'uc ta perlaetic. Stsacoj jun bis pasbil ta c'anal taq'uin nojem ta c'usitic toj chopolic chil Dios, xchi'uc ta xchopolil li mulivajel tspase.

Apocalipsis 18:16

Jech chalic: “¡Ay, ay! ¡Ilaj xa o li muc'ta lume! Puru lequil poc' to'ox li sc'u' spoq'ue; pasbilic lec ta lino no, ta yax'elan poc', ta tsajal poc'. Solel xojoban to'ox xchi'uc li c'anal taq'uine, li tonetic ti lec c'upilic sbae, xchi'uc li perlaetique.

Apocalipsis 18:7

Ti c'u yepal la stoy sbae xchi'uc ti jayib velta la spas c'usitic lec cha'ay stuque ja' jech yepal vocol, ja' jech yepal at-o'nton chich'. Yu'un jech chal ta yo'nton: ‘Li vu'une chotolun lec ta jchotleb jech chac c'u cha'al jun me' ajvalil. Mu ja'uc jechun jech chac c'u cha'al jun me'on ants; mu'yuc c'usi ora chquil ta jsat chi'oc'’, xi.

Jueces 8:26

Li nats'iletic pasbilic ta c'anal taq'uine jutuc mu sta balunlajuneb (19) kilo yalal. Ja' mu'yuc tsacbil ta venta li xnichimaltaque, li bic'tal lequil tonetic ti toj c'upilic sbae, xchi'uc li poq'uetic ti tsojtsojtic sba ti tstunesic li ajvaliletic ta Madiane, xchi'uc li nats'iletic ti yac'ojbeic ta snuc' scamelloique.