San Lucas 16:15 - Bible in Tzotzil de Chenalhó with Deuterocanon

¹⁵ Li Jesuse jech laj yalbe: “Li vo'oxuque chavaq'uic ta ilel ta stojol cristianoetic ti tuc' avo'nton avalojique, pero li Diose xotquin li avo'ntonique. Yu'un li boch'o chac' sba ta ich'el ta muc' ta stojol cristianoetique ja' mu'yuc stu ta stojol li Diose.

Tzotzil Zinacantan

¹⁵ Iꞌalbatic la yuꞌun ti Jesuse: ―Li voꞌoxuque toj lec yilel avoꞌonic pero ti Rioxe yiloj cꞌu xꞌelan lavoꞌonique. Ti muchꞌutic chacꞌ sbaic ta ichꞌel ta muqꞌue, chopol ch-ileic yuꞌun ti Rioxe.

Bible in Tzotzil de Chamula

¹⁵ Ti Jesuse xi laj yalbee: —Ti vo'oxuque jun xa yutsil ta xapas abaic ta stojol ti buch'uuc no'oxe. Ti Diose yiloj avo'ntonic c'u s'elan. Na'o abaic un, ti c'usi xatoyet xchi'uc ta stojol ti buch'uuc no'oxe, mu lecuc ta xil ti Diose.

LEQUIL ACH' C'OP

¹⁵ I'albatic yu'un ti Jesuse: «Li vo'oxuque toj lecoxuc yilel ta sba ta sat li crixchanoetique, pero ti Rioxe yiloj c'u x'elan lavo'onique; yu'un ti much'utic chac' sbaic ta ich'el ta muc' ta stojol li crixchanoetique, ja' mu c'u stu ch-ileic yu'un ti Rioxe.

Tzotzil San Andres

¹⁵ Li Jesuse jech laj yalbe: ―Ta stojol li crixchanoetique chavaqꞌuic ta ilel ti tucꞌ avoꞌonic ti avalojique. Li Diose snaꞌ ti muc bu lec la avoꞌonique. Yuꞌun li buchꞌu ta xacꞌ sba ta ichꞌel ta mucꞌ ta stojol li crixchanoetique, jaꞌ muc bu lec ta xꞌile yuꞌun li Diose.

Tzotzil de Huixtán

¹⁵ Ti Jesuse hech lic yalbe: ―Ti stojol crixchanoetic chavaq'uic ti q'uelel ti toj avo'ntonic chacuy abaic. Ti Diose sna' ti mu xtun ti avo'ntonique. Yu'un ti much'u chac' sba ti pasel ti muc' ti stojol crixchanoetic, ja' mu xtun chil ti Diose.

San Lucas 16:15 Iomraidhean Croise

1 Crónicas 29:17

Dios cu'un, jna'oj lec ti xavotquin c'usi oy ta co'ntoncutique, xchi'uc ti ja' lec chavil me lec c'usi ta jpascutique. Ja' yu'un ta sventa slequil co'nton laj cac'bot scotol li c'usi li' oye. Toj xcuxet no'ox co'nton, yu'un chquil ti ta sjunul yo'ntonic laj yich'ic tal amoton li jchi'iltac li' tsobolique.

Salmos 10:3

Yu'un li boch'o chopolique ja' no'ox tstoy sbaic o ta sventa li c'usi tsnop stuquique. Li jti'-o'ntavanejetique chopol chc'opojic, tsna'leic li Muc'ul Diose.

Salmos 49:13

Ja' jech chc'ot ta pasel ta stojol li boch'o bolique; ja' jech slajebic li boch'o c'upil cha'yic c'usi chal stuquique.

Salmos 49:18

Ac'o me toj xcuxet no'ox yo'nton ti c'alal cuxule, ac'o me lec ich'bil ta muc' ta sventa li sc'ulejale,

Salmos 7:9

Dios, vo'ot ti tuc' avo'ntone, aviloj scotol c'usitic ta jnopcutic; xana' c'usi oy ta yut co'ntoncutic. Lajesbo sc'oplal c'usi chopol tsnop li boch'otic chopolique. Pasbo o ta jun yo'ntonic ta atojol li boch'otic lequique.

Proverbios 16:5

Li Muc'ul Diose toj chopol chil li jtoybaetique; ta ono'ox sta yorail tstoj smulic.

Proverbios 20:6

Ep boch'otic chalic ti lec yo'ntonique, pero ¿me oy bu ta jtatic ti bats'i tuc' ta melele?

Proverbios 21:2

Li cristianoetique tsnop ti lec scotol c'usi tspasique, pero ja' stuc Muc'ul Dios chal me lec, me mu lecuc.

Jeremías 17:10

Vu'un li Muc'ul Diosune, xcotquin c'u x'elan yut yo'nton, jna'oj c'usi tsnop li cristianoe, yu'un jech ta xcac'be stojolic jujun li c'usi tspasique xchi'uc ti c'u x'elan yabtelique”, xi.

Malaquías 3:15

Yu'un quilojtic lec, xchi'uc chloc' ta quetic ti ja' toj xcuxet yo'nton li boch'otic tstoy sbaique, xchi'uc ti ja' toj lec chbat yu'unic scotol li boch'o tspasic c'usitic chopole, xchi'uc ti jun yo'nton colem chcomic li boch'otic tspasbeic preva yo'nton Diose’, xachiic”, xi li Muc'ul Diose.

San Mateo 23:5

Scotol li c'usi tspasique ja' no'ox tsc'anic ti ac'o yil li cristianoetique. Smuq'uibtasojbeic xcaxail li smantal Dios ta snaban ta sc'obic o me ta sti'baique, xchi'uc snatubtasojbeic stsitsumal li snatilc'u' slapojique.

San Mateo 6:16

“C'alal chavictaic ixime, mu me jechuc xapasic jech chac c'u cha'al tspasic li jlo'lavanejetic ti tsyanijes satique yu'un chaq'uic ta ilel ta stojol cristianoetic ti yictaojic ixime. Melel li c'usi chacalboxuque, le'e yich'oj xa o smotonic ti jech tspasique.

San Mateo 6:2

“C'alal me oy boch'o chacoltaique, mu me xavaq'uic ta a'yel, jech chac c'u cha'al tspasic li jlo'lavanejetic te ta nail tsobobbailetique xchi'uc ta xoraltique. Yu'un ja' no'ox tsc'anic ti lec sc'oplalic yu'un li cristianoetique. Melel li c'usi chacalboxuque, le'e yich'oj xa o smotonic ti jech tspasique.

San Mateo 6:5

“C'alal chac'opanic Diose, mu me jechuc xapasic jech chac c'u cha'al tspasic li jlo'lavanejetique. Yu'un li stuquique ja' lec cha'yic ti va'ajtic ta nail tsobobbail xchi'uc ta chiquin xoraltic c'alal tsc'opanic Diose yu'un jech ac'o ilaticuc yu'un li cristianoetique. Melel chacalboxuc, le'e yich'oj xa o smotonic ti jech tspasique.

San Lucas 10:29

Li vinique mu sc'an tsalel, jech laj yalbe li Jesuse: —¿Boch'o li jchi'ile? —xut.

San Lucas 11:39

Li Cajvaltique jech laj yalbe: —Vo'oxuc li fariseooxuque ja' no'ox chapocbeic spat li abochique xchi'uc li asets'ique. Yan li yut avo'ntonique nojem ta c'usi chopol xchi'uc ta elec'.

San Lucas 18:11

Li fariseoe te c'ot sva'an sba ti c'alal la sc'opan Diose, jech laj yal: ‘Dios, colavalbun ti mu jechuc co'nton jech chac c'u cha'al li yan cristianoetique. Yu'un li stuquique ta x'elc'ajic, mu'yuc tuc' yo'ntonic, ta xmulivajic. Mu jechuc co'nton noxtoc jech chac c'u cha'al li jtsobpatan li'i.

San Lucas 18:14

Chacalboxuc ava'yic, li jtsobpatane mu'yuc xa smul ch-ilat yu'un Dios ti c'alal isut batel ta snae. Yan li fariseoe mu jechuc. Yu'un li boch'otic tstoy sbaique ja' ta sbic'tajesatic. Yan li boch'otic biq'uit ta xac' sbaique ja' ta x'ac'atic ta ich'el ta muc' yu'un li Diose”, xi li Jesuse.

San Lucas 18:21

Itac'ov li vinique: —Scotol le'e ta jbic'tal ono'ox jch'unoj tal —xi.

San Lucas 18:9

Li Jesuse laj yal jun lo'il noxtoc ta sventa li boch'otic tuc' yo'nton yalojique, ti mu'yuc stu chilic li yantique. Jech laj yal:

San Lucas 20:20

La staquic batel jayibuc boch'o chbat sq'uelbeic yo'nton li Jesuse. Jun xa yo'ntonic ta stojol Jesús yilel ti c'alal ibatique, yu'un oy c'usi chbat sjac'beic, yu'un ta sq'uelic me oy c'usi chopol chloc' ta ye, yu'un jech xu' ta stsaquic batel, chbat yaq'uic ta sc'ob li ajvalile.

San Lucas 20:47

Jech noxtoc ta spojbeic c'usi oy yu'un li me'on antsetique. Lec xa jal ta sc'opanic Dios scuyoj sbaic yilel. Le'e tsots ta x'ac'bat stoj smulic”, xi li Jesuse.

San Juan 2:25

Mu persauc oy boch'o ta xalbe ya'ay c'u x'elan yo'nton li cristianoetique, yu'un li stuque xotquinbe yut yo'nton li cristianoetique.

San Juan 21:17

Li Jesuse jech la sjac'be yoxibal velta: —Simón, xnich'onot Jonás, ¿me lec chac'anun? —xut. Li Pedroe lic yat yo'nton, yu'un yoxibal xa velta ijac'bat ti “¿Me lec chac'anun?” x'utate. Itac'ov: —Cajval, li vo'ote scotol xana'. Xana' ti lec jc'anojote —xut. Li Jesuse jech laj yalbe: —Mac'linbun me lec li muc'tic chijetic cu'une.

Hechos 1:18

Pero ta sventa li stojol xchopolile la sman o osil. Ja' te la smil sba, pajal ic'ot sjol; toj jatel ic'ot ta o'lol li xch'ute, toj tanijel ic'ot scotol sbiquil.

Hechos 1:24

Te lic sc'opanic Dios jech laj yalic: “Cajval, vo'ot xavotquinbe yo'nton scotol cristianoetic. Ac'bun quilcutic boch'o junucal t'ujbil avu'un li chibic li'i.

Hechos 15:8

Li Dios ti xijyotquinbutic co'ntontic jcotoltique, laj yac'be yilic ti sc'anoj li yanlumetique, jech laj yac'be yich'ic Ch'ul Espíritu ec jech chac c'u cha'al laj yac'butic quich'tique.

Romanos 3:20

Yu'un ta sventa xch'unel li mantaletique mu xu' tuc' co'ntontic chijyilutic o li Diose. Yu'un li mantaletic ac'bilutique ja' no'ox sventa ac'o quiltic ti oy jmultique.

Romanos 8:27

Pero li Dios ti chil c'usi oy ta co'ntontique sna'be c'usi oy ta yo'nton li Ch'ul Espiritue. Sna' ti ja' tsc'anbe yu'untac Dios jech chac c'u cha'al tsc'an stuc li Diose.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

1 Pedro 3:4

Ja'uc me ta sventa ti lecuben yut avo'ntonique, xchi'uc ti oy smuc'ul avo'ntonique, yu'un ja' mu xlaj sc'oplal. Le'e ja' toj lec chil li Diose.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.

Apocalipsis 2:23

Yan li mero yalabtac stuc li antse, ta jmilic o. Yu'un jech tsna'ic o scotol cu'untac ta jujutsob ti vu'un jna'ojbe, ti vu'un xcotquinbe yo'nton li cristianoetique, xchi'uc ti vu'un ta xcac'be stojol ti c'u x'elan yabtelique.

1 Samuel 16:7

Pero li Muc'ul Diose jech laj yalbe li Samuele: “Mu me ta sbauc no'ox xaq'uel c'u x'elan, xchi'uc mu me ta snatiluc xaq'uel. Le'e ma'uc t'ujbil cu'un, yu'un li vu'une mu ja'uc jech ta jq'uel jech chac c'u cha'al chaq'uelique. Yu'un li cristianoetique ja' no'ox tsq'uel ti bu lec chilique, pero li vu'une ja' ta jq'uelbe c'u x'elan yut yo'nton”, xut.