San Lucas 16:14 - Bible in Tzotzil de Chenalhó with Deuterocanon

¹⁴ C'alal jech laj ya'yic li fariseoetique, la slabanic li Jesuse, yu'un stalelic ti xpich'et no'ox yo'ntonic yu'un taq'uine.

Tzotzil Zinacantan

¹⁴ Ti cꞌalal iyaꞌi ti jfariseoetique, islabanic o la ti Jesuse yuꞌun la jaꞌ noꞌox ta yoꞌonic li taqꞌuine.

Bible in Tzotzil de Chamula

¹⁴ C'alal laj ya'i ti fariseoetic ti va'i s'elan laj yal ti Jesuse, lic slabanic yu'un batem yo'ntonic yu'un ti taq'uine.

LEQUIL ACH' C'OP

¹⁴ Ti jfariseoetique, ti ja' no'ox ta yo'onic li taq'uine, ti c'alal iya'iic scotol ti c'usitic iyal ti Jesuse, islabanic o.

Tzotzil San Andres

¹⁴ Cꞌalal jech iyaꞌiic li jfariseoetique, la snaꞌleic li Jesuse yuꞌun stalelic ti xpichꞌet o yoꞌonic yuꞌun li taqꞌuine.

Tzotzil de Huixtán

¹⁴ Ti fariseoetique ti chbic'taj yo'ntonic yu'un taq'uin, c'alal laj ya'ibeic sc'op ti Jesuse, lic slabanic ti Jesuse.

San Lucas 16:14 Iomraidhean Croise

Salmos 119:51

Li jtoybaetique ep ta sna'leicun, pero mu'yuc bu ta jcomtsan o xch'unel li mantaletic avu'une.

Isaías 53:3

Solel na'lebil, bajbil yu'un li cristianoetique, ja' jun vinic ti pixil ta tsots vocole. Solel la snopes sba lec ta xcuchel scotol vocol; solel mu xa stac' q'uelel; bajbil ta j'ech'el, pero mu'yuc sc'oplal laj ca'itic.

Isaías 56:11

Ja' jechic jech chac c'u cha'al ts'i' ti mu xnoj xch'utic ta ve'ele. Ja' jchabichijetic ti mu j'ech'el xa'ibeic o smelole. Ja' stamojic o li sbe stuquique; ja' no'ox tsa'ic c'usi lec cha'ay stuquic.

Jeremías 6:13

“Yu'un c'alal ta biq'uit ta muc' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic, puru lo'lavanej tspasic.

Jeremías 8:10

Li yajnilique ta xcac' ta yan viniquetic; li yosilique ta xcac' ochuc yan yajval. Yu'un c'alal ta biq'uit ta muc' ja' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic puru lo'lavanej tspasic.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

San Mateo 9:24

Li Jesuse jech laj yalbe: —Loc'anic, mu'yuc chamen li tsebe; ja' no'ox ta xvay —xut. C'alal jech laj ya'yique, la stse'intaic li Jesuse.

San Lucas 12:15

Li Jesuse jech laj yalbe scotolic: —Bijanic me, q'uelo me abaic ta sventa li xpich'etel avo'ntonique. Yu'un li xcuxlejal jun cristianoe ma'uc te tsta o me bats'i ep c'usi oy yu'une —xut.

San Lucas 20:47

Jech noxtoc ta spojbeic c'usi oy yu'un li me'on antsetique. Lec xa jal ta sc'opanic Dios scuyoj sbaic yilel. Le'e tsots ta x'ac'bat stoj smulic”, xi li Jesuse.

San Lucas 23:35

Li cristianoetique te tsq'uelic scotolic. Te ta xlabanvanic ec li j'abteletique. Jech laj yalic: —La scolta yantic. Me ta melel ja' Cristo ti t'ujbil yu'un Diose, ac'o scolta sba quic —xiic.

San Lucas 8:53

La slabanic li Jesuse, yu'un sna'ic ti chamen o li tsebe.

2 Timoteo 3:2

Yu'un li cristianoetique ja' no'ox tspasic c'usi tsc'an stuquic. Ta xbat yo'ntonic yu'un taq'uin. Tstoy sbaic. Stuc no'ox xa'ay sbaic. Yan xich' xalic. Mu xch'unbeic smantal stot sme'ic. Mu c'usi sna' stojic ta vocol. Mu'yuc ta yo'ntonic yich'el ta muc' Dios.

Hebreos 11:36

Oy yantic laj yich'ic labanel, laj yich'ic nucul; ichucatic ta cadena, i'ochic ta chuquel.