San Lucas 16:13 - Bible in Tzotzil de Chenalhó with Deuterocanon

¹³ “Me junuc mozo mu xu' yu'un chtun ta chib yajval. Yu'un xu' chopol chil li june; xu' ja' lec chil li yane. Xu' ja' lec chich' ta muc' li june; xu' ja' mu xich' ta muc' li yane. Ja' jech mu xu' chatunic yu'un Dios me ja' batem avo'ntonic yu'un li taq'uine”, xi li Jesuse.

Tzotzil Zinacantan

¹³ ’Coꞌol xchiꞌuc jun mozoil ti mu xuꞌ chaꞌvoꞌ yajvale. Mi chaꞌvoꞌ yajvale, li june chopol chil; li june lec chil. Li june yichꞌoj ta mucꞌ; li june mu xichꞌ ta mucꞌ. Jaꞌ noꞌox yech mu xuꞌ chatunic yuꞌun Riox mi jaꞌ noꞌox ta avoꞌonic li taqꞌuine ―xꞌutatic la yuꞌun ti Jesuse.

Bible in Tzotzil de Chamula

¹³ Mu'yuc buch'u stac' ta x'abtej ta stojol cha'vo' ajvalil. Jun lec ta xc'uxubij, jun mu lecuc ta xil. Jun lec ta x'abtej ta stojol, jun ta stoy sba ta stojol. Ja' jech ti vo'oxuque, mu xu' xavac' abaic ta tunel yu'un Dios c'alal mi ja' batem avo'ntonic ti taq'uine.”

LEQUIL ACH' C'OP

¹³ »Mi junuc mozoil mu xu' chtun yu'un cha'vo' ajvalil; yu'un li june chopol chil, li june lec chil, li june yich'oj ta muc', li june mu xich' ta muc'. Ja' no'ox yech mu xu' chatunic yu'un Riox mi ja' no'ox batem ta avo'onic sa'el li ac'ulejalique.» ―X'utatic yu'un ti Jesuse.

Tzotzil San Andres

¹³ ’Jech chac cꞌu chaꞌal jun jtunel ti mu stacꞌ ti chaꞌvoꞌ yajvale. Ti chaꞌvoꞌuc yajvale, li june chopol chil; li june lec chil. Lec ta xtun yuꞌun li june; jaꞌ mu xtun yuꞌun li june. Jaꞌ noꞌox jech eꞌuc li joꞌoxuque, mu xuꞌ chatunic yuꞌun Dios mi jaꞌ noj batem ta avoꞌonic la ataqꞌuinique ―xi li Jesuse.

Tzotzil de Huixtán

¹³ ’Mu xtun mi oy cha'vo' avajval. Ti june chavilinta. Ti yane ja' chac'uxubin. Jun no'ox avo'nton ti stojol ti june; mu xtun chavil ti yane. Mu xu' chatun yu'un ti Diose xchi'uc ti c'utic oy avu'un li' ti balumile ―xchi ti Jesuse.

San Lucas 16:13 Iomraidhean Croise

San Mateo 4:10

Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

San Mateo 6:24

“Mu'yuc boch'o xu' yu'un me tsa' chib yajval. Yu'un xu' tsbaj li june, xu' ja' lec tsc'an li yane; xu' ja' lec chil li june, xu' tslaban li yane. Ja' no'ox jech mu xu' chatunic yu'un Dios me ja' batem avo'ntonic yu'un ac'ulejalique.

San Lucas 11:23

“Li boch'o mu junuc yo'nton cu'une, yu'un xa chiscontrainun o. Li boch'o mu xiscoltaun ta tsobvaneje, ja' jsoquesvanej.

San Lucas 14:26

“Li boch'o tsc'an chtal ta jtojole, me mu comtsanbaj xa'ay li stot sme'e, li yajnile, li xnich'nabe, li xchi'iltac ta voq'uele, xchi'uc li xcuxlejal stuque, mu xu' chcom ta cajchanc'op.

San Lucas 16:12

Yu'un me mu xana'ic lec stunesel li c'usi mu ja'uc avu'unique, mu me xanopic ti cha'ac'batic li c'usi ja' avu'un atuquique.

San Lucas 16:9

“Vu'un chacalboxuc: Li c'usitic oy avu'unic ti ja' no'ox ac'biloxuc aventainique, tunesic sventa chasa' boch'o lec chavil aba achi'uquic. Jech c'alal tsta yorail chlaj sc'oplal li ac'ulejalique, oy boch'o chayic'oxuc ochel ta sna ta sbatel osil.

San Lucas 9:50

Itac'ov li Jesuse: —Mu me xapajesic, yu'un li boch'o mu'yuc ta scontrainutique, ja' jchi'iltic —xut.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

Josué 24:15

Yan me mu xac'an ja' xatunic yu'un li Muc'ul Diose, t'ujic ta ora boch'o chac'an chatunic yu'un. Me ja' chac'an chatunic yu'un ec li diosetic ti itunic yu'un jmoltotactic ta vo'one te ta jot uc'um Eufratese, o me ja' chac'an chatunic yu'un sdiosic li amorretic ti nacal ta avosilalique. Yan li vu'un jchi'uc cajnil jnich'nabe ja' no'ox chituncutic o yu'un li Muc'ul Diose —xi.