San Lucas 15:6 - Bible in Tzotzil de Chenalhó with Deuterocanon

⁶ C'alal chvul ta snae, ta stsob scotol li yuts' yalaltaque xchi'uc li boch'otic noch' nacalic xchi'uque, jech ta xalbe: ‘Cuxetuc me avo'ntonic ec, yu'un laj xa jta li jcot jchij ich'aye’, xut.

Tzotzil Zinacantan

⁶ Ti cꞌalal xayul ta anaique, chatsob li muchꞌutic lec xacꞌoponique xchiꞌuc alacꞌnatac. “Junuc coꞌontic yuꞌun ijta xa li jcot jchij ti ichꞌaye”, xavutic.

Bible in Tzotzil de Chamula

⁶ C'alal mi c'ot ta snae, ta xba stsob talel ti xchi'iltaque, ti slac'nataque, ti xi ta xale: ‘Muyubajcutic, yu'un laj xa jta ti jcot cuni chij ch'ayem to oxe.’

LEQUIL ACH' C'OP

⁶ ti c'alal xul ta snae, ta stsob scotol li much'utic lec sc'opon sba xchi'uque xchi'uc li slac'nataque, ja' yech chalbe chac li'i: “Co'oluc junuc co'ontic yu'un ijta xa li jchij ti ch'ayem to'ox cu'une.” Chut.

Tzotzil San Andres

⁶ Cꞌalal chjul ta snae, ta xicꞌ talel scotol li yutsꞌ yalaltaque schiꞌuc li slacꞌnataque, jech chalbe: “Muybajanic me yuꞌun ijta xa li jcot jchij ti ichꞌay toꞌoxe”, xut.

Tzotzil de Huixtán

⁶ C'alal chahul ti ana, chavic' tal ti avuts avalaltaque xchi'uc ti avecinotaque, hech chavalbe: “Nichimuc me avo'ntonic yu'un laj xa jta ti jcot carneroe ti ich'ay cu'une”, xavut.

San Lucas 15:6 Iomraidhean Croise

Salmos 119:176

Ch'ayemun to'ox ta be jech chac c'u cha'al chij ti ch'ayem ta bee. La' me, q'uelun, vu'un li avajtunelune, yu'un mu'yuc jch'ayoj o ta co'nton li amantaltaque.

San Lucas 1:58

C'alal laj ya'yic li yuts' yalaltaque xchi'uc li boch'otic noch' nacajtic xchi'uque, toj xcuxet no'ox yo'ntonic ta sventa ti ic'uxubinat yu'un Dios li Isabele.

San Lucas 15:10

Chacalboxuc, ja' no'ox jech ec li Diose, xcuxet no'ox yo'nton xchi'uc yaj'almantaltac c'alal me ta sutes yo'nton jun jpasmulile”, xi li Jesuse.

San Lucas 15:24

Yu'un chamen to'ox li jnich'on li'i, pero icha'cux xa; ch'ayem to'ox, pero laj xa jta’, xi. Jech lic spasic lec q'uin.

San Lucas 15:5

C'alal me la sta li jcote, xcuxet xa yo'nton ta scajan tal ta snecub.

San Lucas 15:7

Chacalboxuc ava'yic, ja' no'ox jech toj xcuxet yo'ntonic te ta vinajel ec c'alal me tsutes yo'nton jun jpasmulile. Ja' mu sta jech xcuxet yo'ntonic yu'un li balunlajuneb yo'vinic (99) tuc' yo'ntonique, yu'un mu xa persauc ta sutes yo'ntonic.

San Juan 15:14

Vo'oxuc lec jc'opan jbatic me ja' chapasic scotol li c'usitic laj calboxuque.

San Juan 3:29

Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

Hechos 11:23

C'alal ic'ote, laj yil c'u x'elan c'uxubinbilic yu'un Dios li jch'unolajeletique, jech xcuxet ic'ot yo'nton. Te la stsatsubtasbe yo'ntonic, laj yalbe ti junuc yo'ntonic o ta stojol Cajvaltique.

Hechos 15:3

Jech itacatic batel yu'un li jtsob jch'unolajeletic ta Antioquiae. Te ijelovic batel ta Fenicia banamil xchi'uc ta Samaria banamil. Ech' yalbeic jch'unolajeletic ti laj xa sutes yo'ntonic ta stojol Dios ec li yanlum cristianoetic ti mu xotquinic Diose. C'alal laj ya'yique, toj xcuxet no'ox yo'ntonic.

Filipenses 1:4

Xcuxet no'ox co'nton ta jna'oxuc ta stojol Dios scotol ora ti c'alal ta jc'opan Dios jujun veltae,

Filipenses 2:17

Pero me tsc'an noxtoc ti chich' malel jch'ich'al sventa chich' ts'acubtasel li matanal chavaq'uic ta stojol Diose ja' li xch'unojel avo'ntonique, xcuxet no'ox co'nton. Me jech chc'ot ta pasele, tsc'an xcuxet no'ox avo'ntonic ec li vo'oxuque.

Filipenses 4:1

Ja' yu'un quermanotac, vo'oxuc ti lec jc'anojoxuque, ti oyoxuc o ta co'ntone, vo'oxuc li xcuxeteloxuc co'ntone, vo'oxuc ti xco'laj xchi'uc jmoton c'otemoxuc chca'ye, j'ech'eluc me jun avo'ntonic o ta stojol li Cajvaltique, vo'oxuc ti lec jc'anojoxuque.

1 Tesalonicenses 2:19

Yu'un vo'oxuc no'ox smuc'uloxuc co'nton; vo'oxuc xcuxeteloxuc co'nton, xchi'uc vo'oxuc no'ox ta aventaic ti mu'yuc c'usi jtaoj chca'ye. Vo'oxuc jcoronaoxuc chca'ay c'alal tsta yorail chtal li Cajvaltic Jesucristoe.

1 Pedro 2:10

Ta vo'onee muc to'ox steclumalucoxuc li Diose, pero li' ta orae steclumaloxuc xa. Ta vo'onee mu'yuc to'ox c'uxubinbiloxuc yu'un li Diose, pero li' ta orae laj xa xc'uxubinoxuc.

1 Pedro 2:25

Yu'un li vo'oxuque ja' to'ox jechoxuc jech chac c'u cha'al ch'ayemal chijetic, pero li' ta orae lasutic tal ta stojol li Jchabivaneje. Ja' xa ta xchabioxuc jech chac c'u cha'al jchabichij, ja' xchabioj li acuxlejalique.